Lamang

Wikipedia Minangkabau - Lubuak aka tapian ilimu
Lamang
Sapotong lamang di ateh piriang.
Asa
NagaraBrunei
Indonesia
Malaysia
Singapura
DaerahAsia Tenggara
PambuekBanso Melayu
Detail
Bahan utamoBareh katan
Caro mamasak lamang

Lamang (bahaso Melayu: lemang; Jawi: لمڠ) adolah juadah dari bareh katan nan dimasak dalam sarueh buluah, nan sabalunnyo diguluang jo sahalai daun pisang. Guluangan daun pisang barisi bareh katan dicampua santan karambia ko kudian dimasuakan ka dalam sarueh buluah lalu dibaka sampai masak. Lamang labiah lamak dimakan angek-angek. Caro mangonsumsi lamang babeda-beda dari daerah ka daerah. Ado nan sanang manikmatinyo jo caro manih (ditambuah salai, sarikayo) atau jo caro asin (randang, talua, jo samba lainnyo), atau ado juo nan mamakannyo jo buah-buahan sarupo durian.

Lamang biasonyo dijadian makanan khusus parayoan di Nusantara. Dek urang Dayak lamang disajikan pado alek-alek adaiknyo. Baitu pulo dek urang Minangkabau, Melayu, jo Lampung, lamang biaso dimakan wakatu hari rayo Idul Fitri atau Idul Adha jo alek-alek adaik. Bahkan kota sarupo Tebing Tinggi lah tanamo jo julukan "Kota Lamang". Lamang juo marupokan makanan urang asali Negrito nan ado di Kelantan [1] jo suku Semai.[2]

Lamang pun marupokan makanan khas legendaris masyarakaik Samarinda nan diproduksi jo dipadagangkan dek urang-urang Banjar di Jalan Pulau Sebatik, Samarinda.

Caliak pulo[suntiang | suntiang sumber]

Rujuakan[suntiang | suntiang sumber]