Bilalang

Bilalang
	Dissosteira carolina
Klasifikasi ilmiah
Kingdom:	Animalia
Phylum:	Arthropoda
Class:	Insecta
Order:	Orthoptera
Suborder:	Caelifera; Ander, 1939
Familia
	Superfamilia: Tridactyloidea; Cylindrachaetidae; Ripipterygidae; Tridactylidae; ; Superfamilia: Tetrigoidea; Tetrigidae; Superfamilia: Eumastacoidea Chorotypidae; Episactidae; Eumastacidae; ; Euschmidtiidae; Mastacideidae; Morabidae; Proscopiidae; Thericleidae; ; Superfamilia: Pneumoroidea Pneumoridae; Superfamilia: Pyrgomorphoidea Pyrgomorphidae; ; Superfamilia: Acridoidea Acrididae; ; Catantopidae; ; Charilaidae; ; Dericorythidae; ; Lathiceridae; ; Lentulidae; ; Lithidiidae; ; Ommexechidae; ; Pamphagidae; ; Pyrgacrididae; ; Romaleidae; ; Tristiridae; Superfamilia: Tanaoceroidea Tanaoceridae; ; Superfamilia: Trigonopterygoidea Trigonopterygidae; Xyronotidae;

Bilalang adolah seranggo herbivora dari subordo Caelifera dalam ordo Orthoptera. Seranggo iko punyo antena nan ampia salalu labiah pendek dari badannyo dan inyo juo punyo ovipositor nan pendek. Suaro nan ditimbuaan babarapo spesies bilalang biasonyo dihasiakan jo caro manggosokkan femur balakangnyo kak sayok mungko atau abdomen (disabuik stridulasi), atau karano kapakan sayoknyo sawakatu tabang. Femur balakangnyo umumnyo babantuak panjang jo kuek nan cocok untuak malompek.

Seranggo iko umumnyo bersayap, walaupun sayoknyo kadang indak dapek dipagunoan untuak tabang. Bilalang batino umumnyo baukuran labih gadang dari bilalang jantan.

Habitat[suntiang | suntiang sumber]

Bilalang lia nan hinggok di daun wedelia.

Bilalang labiah manyukoi kawasan alam tabukak atau lapeh nan labiah tapeknyo di lambah nan punyo banyak rumpuik sarato tanaman nan randah lainnyo, maskipun babarapo spesies lainnyo iduik di hutan ataupun hutan balantaro. Babarapo lainnyo barado di tabiang, tanah, jo babatuan lambok balumuik jo mangkonsumsi lumuik.

Banyak spesies bilalang nan iduik di padang rumpuik acok sakali manyarang ladang petani sakitar. Populasi bilalang nan balabiah akan sangaik marugikan petani jiko manyarang tanaman di pakabunan.

Informasi lain[suntiang | suntiang sumber]

Sabagai makanan[suntiang | suntiang sumber]

Pado babarapo negara, bilalang dikonsumsi sabagai sumber protein. Misalnyo pado negara Meksiko bagian selatan, chapulines disukoi karano kanduangan protein, mineral, jo vitaminnyo tinggi. Bilalang biasonyo dikumpuaan atau ditangkok katiko hari sanjo, jo caro dibantu jo lampu atau senter, sarato manggunoan jariang sapu. Salanjuiknyo bilalang dimasuakan ka aia salamo 24 jam, kamudian bisa dimakan mantah atau jo caro dirabuih talabiah dahulu, dikariangkan jo sinar matohari, digoreng, diagia bumbu sarupo bawang putiah, bawang merah, lado, diagia pulo parehan jeruk nipis. Bilalang dapek juo digunoan untuak sup atau sabagai bahan pangisi babagai masakan. Menu bilalang cukuik malimpah pado pasa-pasa makanan sarato kaki limo di Meksiko Tangah jo Selatan.

Pado pasa makanan Tiongkok, misalnyo Pasar malam Donghuamen, masakan bilalang disajian manggunoan tusuak sate.^[1]

Pado babarapo negara di Afrika, bilalang marupoan sabuah sumber pangan pantiang salain babarapo jinih insekta lainnyo. Bilalang manjadi sumber protein jo lamak untuak diet sahari-hari, tarutamo katiko tajadi krisis pangan. Biasonyo bilalang dimasak sup. Bilalang nan dikonsumsi di Uganda jo babarapo wilayah tatanggo disabuik nsenene, meskipun sabananyo marupoan jangkrik rumpuik.

Pado babarapo negara di Timur Tangah, bilalang diabuih jo garam, dikariangkan jo sinar matohari, kamudian dimakan sabagai makanan ringan.^[2]

Banyak insekta nan manjadi predator dek bilalang, misalnyo babagai jinih samuik sarupo pado genus Crematogaster.

Budaya jo Agamo[suntiang | suntiang sumber]

Dalam Agamo Islam, Bilalang adolah salah ciek dari duo hewan nan apabilo alah talabiah dahulu mati masih dihalalkan untuak dimakan, basamo jo Ikan^[3]

Rujuakan[suntiang | suntiang sumber]

↑ Bizarre Foods basamo Andrew Zimmern nan ditayangkan di Travel Channel pado tanggal 27 April 2008.
↑ King, Bes Sie (December 23,2009). "Snack on grasshoppers". Ny Food Chain. New York: Columbia University Graduate School of Journalism. Diarsipkan dari versi asli tanggal 2015-02-24.
↑ Syamhudi, Kholid (Edisi 01-Tahun XI/1428H/2007M). "Hukum Bangkai". As-Sunnah. Surakarta: Yayasan Lajnah Istiqomah.

Bacaan lanjuikan[suntiang | suntiang sumber]

O'Toole, Christopher (2002), Firefly Encyclopedia of Insects and Spiders, ISBN 1-55297-612-2

Pranala lua[suntiang | suntiang sumber]

(Indonesia) Foto close up dari belalang
(Inggirih) Tree of Life Web Project Archived 2015-04-08 di Wayback Machine.

Templat:Serangga-stub

[1] Bizarre Foods basamo Andrew Zimmern nan ditayangkan di Travel Channel pado tanggal 27 April 2008.

[2] King, Bes Sie (December 23,2009). "Snack on grasshoppers". Ny Food Chain. New York: Columbia University Graduate School of Journalism. Diarsipkan dari versi asli tanggal 2015-02-24.

[3] Syamhudi, Kholid (Edisi 01-Tahun XI/1428H/2007M). "Hukum Bangkai". As-Sunnah. Surakarta: Yayasan Lajnah Istiqomah.

[1]

[2]

[3]