Ilyas Ya'kub

Ilyas Ya'kub
Potret sabagai Anggota Konstituante RI
Lahia	1903 Asam Kumbang, Bayang, Pasisia Salatan, Hindia-Balando
Maningga	2 Agustus 1958 (umua 55) Pasisia Salatan, Sumatera Barat
Kabangsaan	Indonesia
Urang tuo	Haji Ya’kub Siti Hajir

H. Ilyas Ya'kub biaso pulo ditulih Ilyas Yacoub (laia di Asam Kumbang, Bayang, Pasisia Salatan, Sumatera Barat, 1903 – maningga di Koto Barapak, 2 Agustus 1958 pado umua 55 taun) adolah surang ulama sarato pajuang kamardekaan Indonesia dari Pasisia Selatan, Sumatera Barat.

Pahlawan Nasional

Ilyas Ya’kub adolah surang ulama lulusan Mesir, diangkek manjadi Pahlawan Kamardekaan Republik Indonesia malaui SK-Mensos RI Nomor: Pol-61/PK/1968, tanggal 16 Desember 1968, lalu dikukuahan baliak jo Kaputusan Presiden RI (Kepres-RI) Nomor 074/TK/Tahun 1999 tanggal 13 Agustus 1999 sarato dianugarahi tando kahormatan Bintang Mahaputra Adipradana ateh jasonyo mampartahankan prinsip-perinsip kamardekaan dari ancaman kolonialisme Balando sakaligus manggarak-an kamardekaan RI jo resiko dibuang Balando ka Digul (di Papua – Indonesia kini) sarato babarapo tampek di Malaysia, Singapura, Brunei, Australia sarato nan lain-lain. Baliau pernah mamimpin mahasiswa Malaysia-Indonesia di Mesir, sarato mandirian Partai Politik PERMI (Persatuan Muslim Indonesia, 1932) nan babasis pado limbago-limbago pandidikan Islam di Indonesia. Baalasan pulo karano kamampuan jo jasonyo sabagai ulama, tokoh pandidikan sarato politikus Islam di awal kamardekaan (1948) baliau dipacayo pado nagari nan Islam sarato samangaik malayunyo kuaik sabagai Katua DPR Provinsi Sumatera Tangah marangkap penasehat Gubernur.

Rujuak-an

• Abdul Munaf Al-Amin, Imam Maulana, tt. Muballigh Al-Islam. Padang: PP Batangkabung.
• Mardanas Safwan, dkk., ed., 1997 Sejarah Pendidikan Daerah Sumatera Barat. Jakarta: Departemen Pendidikan dan Kebudayaan RI
• Edwar, ed., 1981 *Riwayat Hidup dan Perjuangan 20 Ulama Sumatera Barat. Padang: Islamic Centre Sumatera Barat
• Mestika Zed, Dr., ed, 2002 Riwayat Hidup dan Perjuangan Ulama Sumatera Barat. Padang: IAIN-IB Press – Angkasa – ICSB.
• Nirmawati, 1984 Tinjauan tantang Sejarah Perjuangan Haji Ilyas Ya’kub (skripsi). Padang: Fakultas Adab IAIN-IB.
• Schrieke, BJO., terj., 1973 Pergolakan Agama di Sumatera Barat, Sabuah Sumbangan Bibliografi. Jakarta: Bhratara.
• Taufik Abdullah, ed., 2003 Ensiklopedi Tematis Dunia Islam, Dinamika Masa Kini. Jakarta: PT.Ichtiar Baru van Hoeve.
• Yulizal, Yunus, 1999 Sastra Islam, Kajian Syair Apologetik Pembela Tarekat Naqsyabandi Syeikh Bayang. Padang: IAIN-IB Press.

Pautan Lua

• http://wawasanislam.wordpress.com/2008/05/29/ilyas-ya%E2%80%99kub-1903-1958-ulama-dan-pahlawan-nasional-indonesia/