Ikan peda

Wikipedia Minangkabau - Lubuak aka tapian ilimu
(Dialiahkan dari Ikan peda Bengkulu)
Loncat ke navigasi Loncat ke pencarian
Ikan pedo Bengkulu.jpg

Ikan peda marupoan ikan kembung yang diawetkan sacaro fermentasi jo proses penggaraman. Ikan peda ko biso awak tamui ditiok daerah. Ado duo jenis ikan peda, yang patamo ikan peda sirah yang dibuek jo ikan kembung batino, dan kaduo ikan peda putiah yang dibuek jo ikan kembung jantan.[1]

Caro Buek Ikan peda[suntiang | suntiang sumber]

Bahan untuak mambuek Ikan peda:

  1. ikan kembung
  2. garam

Alaik untuak mambuek:

  1. embe
  2. peti
  3. timbangan
  4. tampek tirih
  5. daun pisang kariang
  6. kayu atau batu (pambarek)

caro mambuek:

  1. Sasah ikan sampai barasiah, siap tu timbang bareknyo untuak tau sabarapo banyak garam yang nio digunoan, biasonyo sabanyak 25 - 30% dari barek ikan.
  2. Campua ikan jo garam beko disusun ikan tu kadalam embe salapih-salapih.
  3. Paling ateh ditabua garam labiah banyak, tutuik jo papan kayu yang dikasih pambarek di atehnyo. Simpan di tampek barasiah jo sajuak salamo 3 - 6 hari.
  4. Bongka ikan, cuci baliak jo aia barasih, siap tu ditirihkan sambil dijamua sampai ikan taliek kasek.
  5. lumua balik ikan tu jo garam, susun salapih-salapih dalam peti yang alah dialeh daun pisang kariang.
  6. Tutuik atehnyo jo daun pisang kariang juo, kasih pambarek baliak di ateh daun pisang tu.
  7. Paralu dicaliak jan sampai angin biso masuak, musuti ditutuik rapek-rapek.
  8. Simpan liak di tampek barasiah salamo 10 - 15 hari sampai tacium baun kusuih ikan peda.[2]

Caro Buek Samba Ikan peda Bengkulu[suntiang | suntiang sumber]

Bahan-bahannyo:

  1. ikan peda
  2. pucuk parancih
  3. lado
  4. tomaik
  5. daun pisang
  6. bawang merah jo bawang putiah

Caro bueknyo:

  1. cuci daun pisang siap tu tirihkan
  2. cuci pucuk parancih, lado, bawang merah, bawang putiah jo tomaik
  3. alah dicuci, saik bawang merah, bawang putiah, lado jo tomaik sacuiknyo, sasuai salero
  4. alah kariang daun pisang, latakan ikan peda, pucuk parancih diateh ikan peda,bawang merah, bawang putiah, lado jo tomaik yang alah disaik di ateh pucuk parancih
  5. lipek sisi-sisi daun pisang, siap tu kukuih
  6. tunggu inggo nyo masak

Samba ikan peda ko marupoan salah satu makanan kusuih yang musuti dicubo jiko pai ka Bengkulu. Banyak tampek di Bengkulu yang manjua samba ko jadi mudah sajo mancarinyo. Lamak bana samba ko jiko dimakan jo nasi angek.

Rujuakan[suntiang | suntiang sumber]

Supriatna, aan (18-12-2015). "Membuat Ikan Peda". https://www.lalaukan.com/2015/06/membuat-ikan-peda.html. 

  1. Supriatna, Aan. "Membuat Ikan Peda". https://www.lalaukan.com/2015/06/membuat-ikan-peda.html. Diakses pado 20 Desember 2019. 
  2. Supriatna, Aan. "Membuat Ikan Peda". https://www.lalaukan.com/2015/06/membuat-ikan-peda.html. Diakses pado 20 Desember 2019.