Homo erectus

Homo erectus (lit. 'manusia luruih') adolah spesies manusia kuno nan alah punah dari zaman Pleistosen, nan balangsuang ampia 2 juta taun. Iko adolah spesies manusia partamo nan mangambangkan rencana tubuah jo caro bajalan sarupo manusia, untuak maninggaan Afrika jo manjajah Asia jo Eropa, sarato untuak mamacik api. H. erectus adolah niniak muyang dari spesies manusia salanjuiknyo, tamasuak H. heidelbergensis — niniak muyang umum tarakhia dari manusia moderen, Neanderthal, jo Denisovan. Sabagai spesies nan tasebar laweh baiak sacaro geografis maupun temporal, anatomi H. erectus sangaik bavariasi.

Namo ilmiah spesies ko pertamo kali ditabik'an dek Eugène Dubois pado taun 1893 sabagai "Pithecanthropus erectus" manggunoan tangkurak, geraham, jo tulang paha dari Jawa, Indonesia. Panamuan labiah lanjuik di sakitar Asia Timur digunoan untuak maanggap baso kamanusiaan baevolusi dari Asia. Badasakan konsep ras sajarah, dianggap baso populasi H. erectus lokal bakambang langsuang manjadi populasi manusia moderen lokal (polisentrisisme) daripado sadoalah manusia nan babagi satu niniak muyang moderen sacaro anatomi (monogenisme). Sairiang jo maningkeknyo catatan fosil salamo patangahan inggo akhia abaik ka-20, teori "Kalua Afrika" jo monogenisme manjadi konsensus.