Gunuang Srandil
Gunuang Srandil adolah sabuah lokasi nan barado di Desa Glempangpasir, Kecamatan Adipala, Kabupaten Cilacap, Jawa Tengah.[1] Lokasi Gunuang Srandil sabananyo masih di bawah naungan Tentara Nasional Indonesia Angkatan Darat, nan dikelola dek Dezibang (Detasemen Zeni Bangunan). Untuak pamaliharoanyo dilakukan sacaro pribadi-pribadi dek masyarakaik satampek. Gunuang Srandil iko kini manjadi salah satu objek wisata di Kabupaten Cilacap, Jawa Tengah. Objek wisata Gunuang Srandil iko sabananyo adolah sabuah bukik ketek nan dipanuahi dek papohonan, di sabalah selatannyo ado Pantai Srandil. Di dalam area Gunuang Srandil iko ado babarapo petilasan nan takadang dikunjungi dek paziarah.[1]
Kuburan di Gunung Srandil
[suntiang | suntiang sumber]Kuburan nan barado di Gunuang Srandil dibagi manjadi duo bagian yaitunyo lokasi di bawah ado limo titiak pepunden jo duo titiak lainnyo ado di puncak Gunuang Srandil. Kasadonyo marupoan rangkaian nan baurutan apabilo handak baziarah.
- Dimulai dari Eyang Guru, atau Eyang Sukmo Sejati, atau Eyang Sukmo Sejati Kunci Sari Dana Sari marupoan makam partamo di Gunuang Srandil.
- Kaduo adolah Gusti Agung Sultan Murahidi.
- Katigo adolah Nini Dewi Tunjung Sekar Sari sabagai pandampiang atau istri dari Eyang Semar. Lataknyo di bawah sabalah selatan.
- Kaampek adolah Eyang Semar atau Kaki Tunggul Sabdo Jati Doyo Amung Rogo. Lataknyo basabalahan jo makam Nini Dewi Tunjung Sari.
- Kalimo adolah petilasan Eyang Juragan Dampu Awang, atau Sampokong, atau Sunan Kuning. Saurang juragan (saudagar) kayo dari Negeri China baragamo Islam, nan dahulunyo pernah singgah untuak melakukan semadi di tampek iko. Lataknyo disabalah utara sisi kanan kiri dari pintu gerbang masuak Gunuang Srandil.
- Kaanam petilasan Eyang Langlang Buana, marupoan titisan dari Dewa Wisnu nan masih ado kaitannyo jo Kerajaan Pajajaran, di Jawa Barat. Lataknyo dipuncak Gunuang Srandil.
- Katujuah adolah Mayang Koro atau Hanoman.
Pantai Srandil
[suntiang | suntiang sumber]Di sabalah selatan Gunuang Srandil iko, tadapek pulo pantai nan manjadi objek wisata jo tampek mamanciang. Dahulu, wakatu sakitar tahun 1980 s/d 1990-an, ado panambangan pasia basi di pantai iko. Kiniko siso-siso panambangan tasabuik masih ada.
Rute transportasi
[suntiang | suntiang sumber]Pajalanan manuju Gunuang jo Pantai Srandil iko dapek di tampuah manggunoan transportasi darat, sarupo Kereta Api ataupun bus umum AKAP ( Antar Kota Antar Provinsi ).
Jiko naiak kereta api, dapek turun di Stasiun Kroya. Kamudian naiak angkutan desa ataupun ojek manuju Gunung atau pantai Srandil.
Jiko naiak bus umum Antar Kota ( AKAP ), apobilo dari Jakarta, dapek turun di terminal Purwokerto, kamudian manyambuang jo bus ukuran sadang ( 2 pintu ) jurusan kota Kroya, salanjuiknyo dari Kroya bisa naik angkutan desa ataupun ojek atau kandaraan umum lainnyo nan manuju Gunuang/pantai Srandil.
Jiko naiak bus umum dari Yogyakarta, bisa turun di parampatan desa Buntu - Kab. Banyumas, salanjuiknyo ka arah Selatan, arah kota Kroya, dan seterusnyo.
Jiko jo kandaraan pribadi atau rombongan pribadi, dapek lewat rute kota Purwokerto - Kab Banyumas - Jateng, ka arah timur yaitunyo Sokaraja, taruih ka arah selatan yaitunyo Banyumas, kamudian ka parampatan desa Buntu, salanjuiknyo kaarah selatan ka kota Kroya. Dari Kroya lanjuik ka arah Selatan manuju Gunung/pantai Srandil.
Pantai Srandil jiko diurutkan ka arah timur adolah Pantai Widarapayung, ka arah Barat adolah Pantai Teluk Penyu - Cilacap. Adopun pado zaman modern sarupo maso kini, pajalanan paziarah dapek dipamudah dek hadirnyo GPS.
Rujuakan
[suntiang | suntiang sumber]- ↑ a b Negara, Sidik Purnama (2010). Gunung Srandil & Selok. Yogyakarta: Penerbit NARASI. pp. 21-24. ISBN 979-168-196-1.
- (Indonesia) "Gunung Srandil". Diarsipkan dari versi asli (htm) tanggal 2012-08-04. Diakses tanggal 2012-08-06.
- (Indonesia) "Gunung Srandil". Diarsipkan dari versi asli (php) tanggal 2011-09-03. Diakses tanggal 2012-08-06.
