Gunuang Talamau

Wikipedia Minangkabau - Lubuak aka tapian ilimu
(Dialiahkan dari Gunuang Ophir)
Gunuang Talamau
Gunuang Talamau nan tampak dari Gunuang Marapi
Katinggian2,913 m (9,557 ft)[1]
DaftarRibu
Lokasi
Gunuang Talamau di Indonesia
Gunuang Talamau
Gunuang Talamau
Kabupaten Pasaman Barat, Sumatera Barat, Indonesia
JajaranBukik Barisan
Koordinat0°16′29.14″N 99°55′46.28″E / 0.2747611°N 99.9295222°E / 0.2747611; 99.9295222

Gunuang Talamau atau Ophir adolah gunuang tatinggi di Sumatera Barat nan talatak di Kabupaten Pasaman Barat, nan badampiangan jo Gunuang Pasaman. Gunuang ko mampunyoi katinggian 2.982 meter dan tamasuak dalam tipe gunuang api nan indak aktif. Namun, pado 10 Juli 2016 gunuang ko tapantau mangaluakan asok itam sasudah tajadinyo Gampo Pasaman 5,4 SR. Dari hasil pantauan dek PVMBG indak ado latusan, tapi asok tasabuik barasa dari balerang nan tasimpan di sakitar kawah gunuang tasabuik.[2][3]

Alam[suntiang | suntiang sumber]

Gunuang Talamau mampunyoi banyak talago di baruah puncaknyo, sainggo gunuang ko disabuik sabagai surga telaga (sarugo talago). Pado katinggian sakitar 2.750 mdpl, ado 13 talago. Namo-namo talago tasabuik banyak diambiak dari kaba atau carito lagenda saisuak.[3] Namo-namo talago tasabuik di antaronyo:

  • Talago Biru
  • Talago Buluah Parindu
  • Talago Cindua Mato
  • Talago Imbang Langik
  • Talago Lumuik
  • Talago Mandeh Rubiah
  • Talago Puti Bungsu
  • Talago Puti Sangka Bulan
  • Talago Rajo Dewa
  • Talago Satwa
  • Talago Siuntuang Sudah
  • Talago Tapian Puti Mambang Surau
  • Talago Tapian Sutan Bagindo

Gunuang Talamau juo mampunyoi sarasah jo katinggian labiah dari 100 meter nan banamo Sarasah Puti Lenggo Geni.[3]

Rujuakan[suntiang | suntiang sumber]

  1. sumbar.bps.go.id Nama Gunung, Lokasi dan Tingginya
  2. "PVMBG Pantau Gunung Talamau". mediaindonesia.com (dalam bahasa Indonesia). 2016-07-20. Diakses tanggal 2021-02-23. 
  3. a b c Times, I. D. N.; Nadhiroh, Fatma Roisatin. "5 Fakta Gunung Talamau, Jadi Surga Telaga hingga Tempat Pesugihan". IDN Times (dalam bahasa Indonesia). Diakses tanggal 2021-02-23. 

Pautan lua[suntiang | suntiang sumber]