Gulai masin ikan

Dari Wikipedia baso Minang, ensiklopedia bebas
Loncat ke navigasi Loncat ke pencarian
Gulai masin ikan
Gulai Pangek Masin.jpg
Asa
Namo lain Gulai pangek masin, pangek masin
Nagara Indonesia
Daerah Sumatra Barat
Detail Makanan
Jinih Makanan Makanan utama
Bahan Utamo Ikan (tongkol, tenggiri, kakap, ikan mas), santan, kunyit, bumbu

Gulai masin ikan atau gulai pangek masin atau cukuik pangek masin adolah salah satu hidangan nan barasa dari Sumatra Barat. Hidangan iko marupokan sajinih gulai jo bahan dasa utamonyo barasa dari ikan. Ikan nan digunokan bisa ikan aia lauik maupun ikan aia tawa, namun umumnyo nan dipakai antaro lain tongkol, tenggiri, kakap, dan ikan mas.

Ciri khas nan manonjol dari hidangan iko adolah warna kuahnyo nan pakek kakuniangan dek pamakaian kunyik. Salain itu, hidangan iko mamiliki raso nan kompleks mulai dari guriah, saketek masam, saketek masin, saketek manih, inggo padeh ado dalam hidangan ko. Kudian, sado bagian dari ikan bisa digunoan dalam hidangan iko baiak sacaro utuah atau anyo sabagiannyo, nan ma bagian paliang disukoi adolah bagian kapalo ikan.

Bahan[suntiang | suntiang sumber]

Untuak mambuek masakan ko, bahan utamo nan diparaluan yaitu ikan barukuran manangah, jo ragam ikan nan sasuai jo salero. Bumbu gulai masin di antaronyo santan, sarai, lado, daun salam, jo daun limau. Samantaro bumbu aluihnyo tadiri dari bawang merah, bawang putiah, kunyik, jo sipadeh. Untuak mambangkik raso masamnyo, dipakai asam sunti atau asam tunjuak, kadang asam kandih bisa juo dipakai. Daun ruku-ruku biasonyo turuik ditambuahan sainggo samakin arum gulainyo.[1]

Caro mambuek[suntiang | suntiang sumber]

Cara mambueknyo adolah ikan nan alah dibarasiahan dipotong-potong, lalu dilumuri limau nipih jo garam. Kudian didiamkan sakitar 15 minik untuak mailangan baun amih dari ikan. Samantaro itu, santan dimasak jo bumbu aluih jo bumbu gulai lainnyo sambia dikacau taruih supayo santan indak pacah. Sasudah santan mandidiah, ikan dimasuakan ka dalamnyo disusua jo asam tunjuak jo daun ruku-ruku, lalu masak inggo matang.[1][2]

Budayo[suntiang | suntiang sumber]

Hidangan ko acok ado di restoran Padang inggo kadai-kadai nasi, dan acok basobok di daerah pasisia co di Pariaman jo Padang walau basobok juo di tampek lain di Sumatera Barat. Indak ado data tatulih nan mancaritokan bilo makanan ko mulai dituju dek urang Minang. Manuruik curito urang-urang tuo di kampuang, baso hidangan ko biasonyo bamasak sangkek hari-hari gadang mode acara alek syukuran, aleh pakawinan, jo manjalang mintuo. Namun, lai banyak juo nan mamasaknyo di hari-hari biaso.

Rujuakan[suntiang | suntiang sumber]