Gulai jariang

Wikipedia Minangkabau - Lubuak aka tapian ilimu
Gulai jariang
Gulai Jariang di rumah makan
Asa
Namo lainGulai jariang
NagaraIndonesia
DaerahSumatera Barat
Detail
Jinih idanganUtamo
PanyajianAngek atau suhu ruangan
Bahan utamojariang, santan karambia, lado, bumbu

Gulai jariang marupuoan masakan nan babahan jariang nan diolah jo caro digulai. Dalam variasinyo, gulai jariang juo dicampua jo pucuak ubi jo ikan teri. Gulai ko bakuah bawarna kuniang kamerahan dek pacampuan bumbu kunyik jo lado giliang. Bahan-bahan nan digunoan kutiko mambuek gulai jariang yaitu, jariang nan indak terlalu mudo jo indak terlalu tuo. Samantaro untuak bumbu gulainyo tadiri dari santan, kunyik, bawang merah, bawang putiah, lado merah, katumba, langkueh, asam kandih, sarai,jo sipadeh.[1]

Caro mambuek gulai jariang yaitu abuih jariang sampai ampuak talabiah dahulu. Giliang bawang merah, bawang putiah, sipadeh, kunyik, jo lado sampai aluih. Campuan bumbu aluih jo santan, masak sampai mandidiah. Kutiko manjarangan santan aduak lambek-lambek jo taruih manaruih supayo indak pacah kuah.[2] Masuak an jariang, pucuak ubik, teri kutiko santan mandidiah. Tambahan sarai jo asam kandih, jarangan sampai jariang jo sayua ampuak.[3]

Rujuakan[suntiang | suntiang sumber]

  1. Times, I. D. N.; Rosadi, Amir. "Resep Gulai Jariang yang Pedas Gurih, Bikin Nambah Terus!". IDN Times (dalam bahasa Indonesia). Diakses tanggal 2021-06-08. 
  2. "Tips Memasak Santan agar Teksturnya Tak Pecah dan Bercita Rasa Creamy". kumparan (dalam bahasa Indonesia). Diakses tanggal 2021-06-08. 
  3. Mustinda, Lusiana. "7 Jenis Gulai Enak dari Minang, Mana yang Kamu Suka?". detikfood (dalam bahasa Indonesia). Diakses tanggal 2021-06-08.