Gulai babek

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Gulai babek adolah masakan Minangkabau babahan dasa babek nan disajikan jo santan karambia, kudian dicampua jo bumbu tradisional, iyolah daun solom, daun bawang, daun asam, kunyik, kayu manih, congkeh dan lain-lain nyo. Babek adolah tampek untuak mancerna makanan nan ado di lambuang jawi. Di sikolah tampek makanan jawi diserap sarinyo untuak manjadi energi dek jawi sahingo jawi dapek batahan iduik. Bantuak babek ko sarupo jo handuak,teksturnyo lambuik tapi liek, jikok dimakan ado sensasi kenyal-kenyal baserat tapi lamak. Gulai babek ko indak dianjuaan bagi nan punyo panyakik asam urek, dek karano kanduangan kolesterol dalam babek dapek mambuek panyakik makin manjadi.

Resep dan caro mambuek gulai babek[suntiang | suntiang sumber]

Bahan utamo :

  • 1/2 kg babek
  • 1 liter santan

Bumbu nan dialuihan;

  • 2 cm jahe
  • 2 cm kunyik
  • 2 cm lingkuwe
  • 1 sdm katumba dan lado jintan
  • 20 lado sirah
  • 4 butir bawang sirah
  • 2 butir bawang putiah
  • 3 butir dama
  • 1 batang sarai
  • 1 lembar daun kunyik
  • 2 sdm minyak makan
  • 2 alai daun limau puik
  • garam jo bumbu sacukuik nyo

Caro mambuek;

  1. Partamo-tamo, randam babek pakai aia kapua siriah salamo 5 minik sambia di rame-rame,
  2. sasudahtu, abuih babek tadi labiah kurang salamo 2 jam ka dalam aia nan alah bacampuah jo garam, jo api nan ketek,
  3. siaptu, tumian bumbu nan lah bahaluian tadi sampai kalua harumnyo, baru masuakan babek tadi salamo 15 minik,
  4. babek siap diangkek dan di hidangan jo nasi.