Gulai Kaledoi

Wikipedia Minangkabau - Lubuak aka tapian ilimu

Sejarah[suntiang | suntiang sumber]

Gulai Keladoi atau gulai kaladi marupokan ciek dari makanan kampuang urang Karinci. Makanan ko acok dilatakan katiko wakatu makan siang atau makan malam sahari-hari sabagai palangkok makanan utamo yaitu nasi. Salain itu gulai kaladoi jugo dapek dirasoan pado upacaro upacaro adaiak tatantu yang sifatnyo hanyo malibaikan kaluargo sajo seperti pambarian namo bayi jo sabagainyo.

Caro mambuek[suntiang | suntiang sumber]

Bahan utamo untuak mamasak gulai kaladoi adolah batang batang kaladi jo daun surian. Adopun untuak mamasak gulai kaladoi sabagai makanan yang dilatakan pado saaiak upacaro, salain batang kaladi jo daun surian ditambahkan pulo dagiang ayam. Indak ado makno khusus dalam panggunoan dagiang ayam pado saaiak upacaro adaiak ko panggunoan dagiang ayam hanyo untuak maagiah kasan adonyo acaro "istimewa" dalam sabuah kaluargo jo dagiang ayam dalam gulai kadoi manambah raso lamak makanan ko. Gulai kadoi lah lamo dikatahui urang Karinci, namun ndak ado yang mangatahui sacaro pasti bilo urang Karinci mulai mangatahui dan mangkonsumsi makanan ko. Bahkan ado yang mangatokan bahwa gulai kaladoi adolah makanan asli urang Karinci yang alun tapangaruah oleh kabudayaan lain, dengan alasan ndak ado unsua karambia (santan) dalam makanan ko. Karambia atau santan marupokan bahan utamo untuak mambuek gulai.

Adopun gulai gulai lainnyo dalam masakan urang Karinci yang manganduang santan alah mandapek panggaruah dari kabudayoan Minangkabau. Salain itu di wilayah urang Karinci yang marupokan tampek tinggi, ndak ado batang karambia.

Untuak mambuek gulai kaladoi salain batang kaladi jo daun surian, jugo diparalukan batuang seperti jahe, kunyik, laos, bawang merah, lado, daun kunyik, sareh. Sarupo halnyo batang kaladi dan daun surian, bumbu-bumbu iko jugo didapek dengan mudah di sakitar pamukiman urang Karinci. Batang kaladi yang digunokan untuak mambuek gulai kaladoi adolah batang kaladi sirah jo masih mudo. Batang tasabuik dibarsiahan, dibasuah lalu dipotong-potong sagadang jari. Daun surian yang digunokan untuak mambuek gulai kaladoi adolah daun yang masiah mudo. Daun tasabuik dibasuah dan dipatiak (disiangkan) sahinggo manjadi potongan kaciak kaciak. Adopun bumbu-bumbu yang digiliang haluih jo manggunokan lasun jo antan lado. (liek lado kamintan). Lalu bahan jo bumbu tasadio, abuih aia dalam pariuak balanggo, yaitu pariuak yang tabuek dari tanah.

Alaiak mamasak iko dapek diparoleh jo jalan mambali mambali malalui panggaleh maupun tuka manuka barang (barter), baiak malalui panggaleh jo samo tetangga. Jiko aia alah mandidiah masuakan sadonyo bumbu yang alah tagiliang. Haluih jo tambahan garam sacukuiknyo. satalah tacium baun dari bumbu, masuakan daun surian hinggo kuah mandidiah. Tarakhir masuakan balahan batang kaladi, masak hinggo mandidiah, kamudian angkek jo hidangkan. [1]

Rujuakan[suntiang | suntiang sumber]

  1. Ja'far, dkk (1993). Dapur dan Alat-alat Memasak Tradisional Daerah jambi. Departemen Pendidikan dan Kebudayaan.