Gorengan
| Detail | |
|---|---|
| Panyajian | Panas |
| Bahan utamo | Tepung, talua |
Gorengan adolah istilah nan mancakuap babagai jinih makanan nan diciluak adonan tepung kamudian digoreng rendam dalam minyak goreng paneh nan banyak.
Gorengan di Asia
[suntiang | suntiang sumber]Di India antaro gorengan nan takana iolah Vadai jo Pakora.[1] Vadai jo pakora juo takana di Malaysia. Di Malaysia gorengan lain juo lazim ditamui, antaro lain pisang goreng jo ubi goreng. Samantaro di Tailan,[2] tadapek thung thong, dibuek dari dagiang cincang nan lah ditumih, kamudian dibungkuih mamakai kulik pangsit. Bagian ateh bungkuih pangsit diikek mamakai irisan daun bawang sahinggo mambantuak manyarupoi kantong. Dalam panyajiannyo, thung thong umumnyo disajian basamo saus sabagai palangkok.[3]
Gorengan populer di Indonesia
[suntiang | suntiang sumber]Di Indonesia gorengan adolah makanan ringan nan populer. Panjua gorengan dapek ditamui di tapi jalan atau bakaliliang jo pikulan atau garobak. Bahan-bahan nan dilapih adonan tepung dan digoreng antaro lain: pisang, tempe, tahu, oncom, ubi, puluik, perkedel, lumpia, durian, cireng (Bahasa Sunda: aci digoreng), yaitu tepung ubi digoreng, sukun, tapai, dan bakwan (di Jawa Barat disabuat "bala-bala", "yéyé") yaitu adonan tepung nan dicampua cacahan kubis jo wortel. Salah satu jinih gorengan nan populer adolah Tahu Sumedang. Perkedel jaguang jo perkedel kantang juo masuak dalam kategori gorengan. Gorengan biasonyo dimakan jo lado kutu.
Babagai jinih gorengan acok disajian dalam sajumlah kasampatan, tamasuak sabagai hidangan pambuka katiko babuko puaso. Salain dikonsumsi sabagai makanan ringan, babarapo jinih gorengan juo dimakan basamo nasi, sarupo tempe goreng jo tempe mendoan..[4]
Salain tempe, pisang goreng manjadi gorengan populer dek acok dikonsumsi sabagai makanan ringan nan disajian basamo minuman angek, sarupo teh. Hidangan pisang goreng lah bakambang manjadi babagai olahan, sarupo pisang madu goreng[5] nan populer di Jakarta. Pisang madu goreng mampunyoi ciri khas tekstur lambok jo aroma manih sangaik legit. Sarupo namonyo, pisang goreng madu mamakai madu sabagai bahan lapisan nan dicampua jo tepung, gulo, garam, jo aia.
Gorengan di Eropa dan Amerika
[suntiang | suntiang sumber]Tadapek kabiasaan di Indonesia dalam manyabuat gorengan dari nagara lain jo istilah platter, atau mangakhiri namo makanan jo fried, misalnyo fried banana[rujuakan?] dek platter identik jo hidangan restoran[6]. Di Inggris Ikan goreng tepung populer dan biasonyo dikawani jo gorengan lain sarupo kantang, nanas, jo apel nan digoreng tepung. Di Prancis jo Belgia kantang goreng populer sabagai makanan ringan.
Di Amerika Serikat, nan disabuat gorengan adolah babagai bahan utamo nan diciluak adonan nan tabuek dari campuran tepung terigu, talua, jo susu nan kamudian digoreng dalam minyak goreng. Tepung terigu atau tepung jaguang biasonyo digunoan untuak marekatkan bahan. Jaguang bonggolan (jaguang utuah) atau jaguang kalengan juo lazim digoreng. Apel goreng juo digemari di Amerika. Variasi lainnyo adolah samacam bakso kapitiang atau bakso karang goreng sarato zucchini goreng.[rujuakan?]
Galeri
[suntiang | suntiang sumber]
Ubi goreng di Malaysia
Baragam gorengan di Yogyakarta
Manikmati gorengan basamo dunsanak
Panjua gorengan di pinggia jalan
Nuget Ayam goreng jo saus tomat
Cimol nan alun digoreng
Undur-undur lauik goreng
Rujua'an
[suntiang | suntiang sumber]- ↑ "13 Best Deep-fried Dishes in India". www.tasteatlas.com. Diakses tanggal 2026-05-14.
- ↑ "Thailand Kini Resmi Disebut Tailan dalam Bahasa Indonesia". gaya hidup (dalam bahasa Indonesia). Diakses tanggal 2026-05-15.
- ↑ Topan, Tifani (2020-10-21). "8 Gorengan Asia yang Nikmat Banget jadi Camilan Hujan, Mudah Dibu". IDN Times (dalam bahasa Indonesia). Diakses tanggal 2026-05-14.
- ↑ Teams, Indonesiabaik id. "Indonesia Dominasi Gorengan Terenak Se-Asia Tenggara". indonesiabaik.id (dalam bahasa Inggris). Diarsipkan dari versi asli tanggal 2026-03-10. Diakses tanggal 2026-05-14.
- ↑ Leni (5 Oktober 2025). "5 Pisang Goreng Madu Terenak di Jakarta". Nibble.id. Diakses tanggal 14 Mei 2026.
- ↑ Chandra, Velda Arum. "'Platter' Gorengan Premium Jadi Primadona di Restoran Mewah - RRI.co.id". rri.co.id - Portal berita terpercaya (dalam bahasa Inggris). Diakses tanggal 2026-05-14.