Gedung Robot
| Gedung Robot | |
|---|---|
_2022_Dec.jpg) | |
| Informasi umum | |
| Status | Salasai |
| Jinih | Parkantoran |
| Lokasi | Jalan Sathorn Selatan 191 Bangkok, Thailand 10120 |
| Koordinat | 13°43′14″N 100°31′38″E / 13.720448°N 100.527311°EKoordinat: 13°43′14″N 100°31′38″E / 13.720448°N 100.527311°E |
| Salasai | 1986[1][2] |
| Biayo | AS$10 juta [1][2] |
| Informasi teknis | |
| Jumlah lantai | 20[1] |
| Loweh lantai | 23.506 m2 (253.02 sq ft)[1] |
| Desain jo konstruksi | |
| Arsitek | Sumet Jumsai[1] |
Gedung Robot (bahaso Thai: ตึกหุ่นยนต์) talatak di kawasan bisnis Sathorn, Bangkok, Thailand, nan manjadi kantor pusek United Overseas Bank di Bangkok. Gedung iko dirancang untuak Bank Asia dek Sumet Jumsai nan mancaminan komputerisasi parbankan; arsitekturnyo marupoan reaksi tarhadap arsitektur pascamodern jo neoklasik teknologi tinggi. Fitur bangunan, takah dindiang nan samakin ketek ka ateh, antena, jo mato, bakontribusi pado panampilan robot jo fungsinyo nan praktis. Salasai dibangun pado tahun 1986, Gedung Robot marupoan salah ciek contoh paliang baru dari arsitektur modern di Bangkok.
Rancangan[suntiang | suntiang sumber]
Arsitek Thailand, Sumet Jumsai, marancang Gedung Robot untuak Bank Asia, nan kudian diakuisisi dek United Overseas Bank pado tahun 2005.[1][3] Inyo alah dimintak dek direktur Bank Asia untuak marancang sabuah bangunan nan mancaminan modernisasi jo komputerisasi parbankan.[1][4] Di sisi lain, inyo mandapek inspirasi dari robot mainan anaknyo.[5]
Sumet dengan sangajo marancang gedung tersebut untuak manentang gaya era pascamodern, tarutamo revivalisme klasik jo arsitektur teknologi tinggi takah nan ado pado Center Pompidou.[6] Samantaro Sumet mamuji dimulainyo pascamodernisme sabagai protes tarhadap rancangan modern puritan jo cemplang, inyo manyebuiknyo "sabuah gerakan protes nan bausaho untuak manggantian tanpa maagih panggantinyo".[7] Sumet manolak kabangkitan revivalisme klasik pado partangahan 1980-an sabagai "katarpuruakan intelektual" jo mangkritiknyo sabagai "katalog motif arsitektur tanpa makna" nan manandai revivalisme klasik di Bangkok.[7] Inyo labiah lanjuik manolak arsitektur teknologi tinggi, "nan mambanaman diri ka dalam masin samantaro pado saik nan samo diam-diam...mancintai...artefak buekan tangan jo tanago karajo manual nan tulus", sabagai sabuah gerakan tanpa maso depan.[8]
Gedung iko salasai dibangun pado tahun 1987 dengan biayo 10 juta dolar Amerika Serikat.[1][2] Manjalang partangahan 1980-an, modernisme arsitektur alah puda di Bangkok; bangunan iko marupoan salah ciek contoh paliang baru dari gaya iko.[9]
Pengakuan[suntiang | suntiang sumber]
Gedung Robot dipilih dek Museum Seni Kontemporer, Los Angeles sabagai ciek dari 50 gedung bapangaruah abaik kini.[10] Gedung tersebut juo mandapek panghargaan untuak Sumet dari Museum Arsitektur jo Rancangan Athenaeum Chicago, panghargaan partamo nan diagiah untuak parancang Thailand.[11] Manuruik Stephen Sennott dalam Encyclopedia of 20th Century Architecture, gedung Robot "maningkekan pangakuan dunia tarhadap arsitektur modern Thailand".[12]
Caliak pulo[suntiang | suntiang sumber]
- Arsitektur Thailand
- Arsitektur modern
- UOB Plaza di Singapura, nan manjadi kantor pusek global UOB
Rujuakan[suntiang | suntiang sumber]
Catatan kaki[suntiang | suntiang sumber]
- ↑ a b c d e f g h Sumet, hlm. 74.
- ↑ a b c Kusno, hlm. 197.
- ↑ Williams, Nick B. "Third World Review: High rise battle of Bangkok - The 20-storey robot that is the focus of architectural acrimony." The Guardian (22 Mei 1987).
- ↑ "Buildings that put a sparkle in Thai skyline." The Straits Times (4 April 1997).
- ↑ Algie, Jim. "Building A Name in Paris: The French capital plays host to an exhibition by Thailand's Renaissance Man." Archived 2001-04-18 di Wayback Machine. Asia Week (17 Desember 1999).
- ↑ Sumet, hlm. 79–80.
- ↑ a b Sumet, hlm. 79
- ↑ Sumet, hlm. 80.
- ↑ Williams & Cummings, hlm. 28.
- ↑ "Sumet Jumsai." Archived 2008-06-01 di Wayback Machine. Perpustakaan digital ArchNet pada archnet.com. Diakses pada 21 November 2020.
- ↑ "Corporate Focus: Propaganda coup in decor market; Inventions: Original designs intended to make people ask 'What is this?'" Bangkok Post (6 Agustus 2001).
- ↑ Sennott, hlm. 106.
Daftar pustaka[suntiang | suntiang sumber]
- Kusno, Abidin. Behind the Postcolonial: Architecture, Urban Space and Political Cultures in Indonesia. Routledge (2000). ISBN 0-415-23615-0.
- Sennott, Stephen (editor). Encyclopedia of 20th Century Architecture. Taylor & Francis (2004). ISBN 978-1-57958-433-7.
- Sumet Jumsai. "Building Study: Bank of Asia, Bangkok." Archived 2011-05-25 di Wayback Machine. Mimar: Architecture in Development 23 (1987): 74–81. Singapore: Concept Media Ltd.
- Williams, China and Joe Cummings. Bangkok. Lonely Planet (2004). ISBN 1-74059-460-6.
Pautan lua[suntiang | suntiang sumber]
- Model bangunan 3D Archived 2012-10-13 di Wayback Machine. di Google 3D Warehouse