Gedong Kirtya
| Gedong Kirtya | |
|---|---|
 | |
| Didirian | 2 Juni 1928 |
| Lokasi | Jalan Veteran, No. 20, Kelurahan Paket Agung, Kecamatan Buleleng, Kabupaten Buleleng, Provinsi Bali |
| Koordinat | 8°07′29″S 115°05′46″E / 8.124843°S 115.096201°E |
| Pamiliak | Pamarintahan daerah Kabupaten Buleleng |
Gedong Kirtya disabuik juo Perpustakaan Gedong Kirtya atau Museum Gedong Kirtya adolah perpustakaan lontar nan baalamaik di jalan Veteran, No. 20, Kelurahan Paket Agung, Kecamatan Buleleng, Kabupaten Buleleng, Provinsi Bali.[1] Didirian pado 2 Juni 1928 dan mulai dibukak untuak umum pado 14 September 1928 dek urang-urang Balando di Singaraja, Bali, untuak manganang jaso Van der Tuuk. Kato "kirtya" kamudian diusulan dek I Gusti Putu Djelantik, Rajo Buleleng kutiko itu; Kirtya baraka kato "kr", manjadi "krtya", sabuah kato dari bahaso Sanskerta nan manganduang arti "usaho" atau "jariah payah". Gedung iko talatak di kompleks Sasana Budaya, nan marupokan istana tuo karajaan Buleleng. Museum iko mampunyoi luweh lahan 300 meter persegi.[2]
Di perpustakaan iko, tadapek ribuan koleksi manuskrip daun lontar, prasasti, manuskrip karateh dalam bahaso Bali jo huruf Romawi tamasuak dokumen-dokumen dari jaman kolonial (1901-1953) nan tasimpan rapih dalam kotak nan disabuik keropak nan panjangnyo sakitar 60 cm. Sadoalah tasusun rapih dalam kalompok atau klasifikasi. Dimulai dari Matrasatawa (mantra/puja/weda), Niticastra (etik), Wariga (astronomi jo astrologi), Tutur (pituah), Usadha (pangobatan tradisional), Geguritan (kidung), Babad Pamancangah (sijarah), Satua (carito rakyat). Sadoalah lontar babahaso Jawa kuno jo Sanskerta. Hanyo dalam Lontar Satua manggunoan bahaso Bali. Tadapek juo koleksi lontar lombok, isinyo tentang budaya Karangasem-Sasak nan diambiak dek pasukan KNIL dari Kerajaan Mataram-Lombok pado taun 1894.
Rujuakan
[suntiang | suntiang sumber]- ↑ "DAFTAR MUSEUM KEBUDAYAAN PER KEC. Buleleng". Pusdatin Kementerian Pendidikan Dasar dan Menengah. Diakses tanggal 2025-06-01.
- ↑ Asdhiana, I Made (ed.). "Memahami Lontar, Datanglah ke Museum Gedong Kirtya". Kompas.com. Diarsipkan dari asli tanggal 2023-02-04. Diakses tanggal 2019-06-08.