Gareja Katolik Bukittinggi

Wikipedia Minangkabau - Lubuak aka tapian ilimu
Gereja Katolik Bukittinggi
Namo sasuai jo
Sistem Registrasi Nasional Cagar Budaya
Cagar budaya Indonesia
ParingkekNasional
KategoriBangunan
LokasiJalan Sudirman, Kelurahan Bukit Cangang Kayu Ramang, Kecamatan Guguak Panjang, Kota Bukittinggi
Taun panatapan2007
PamiliakYayasan Keuskupan Padang Indonesia
PangalolaYayasan Keuskupan Padang
Koordinat geografi0°18′36″S 100°22′18″E / 0.310109°S 100.371637°E / -0.310109; 100.371637

Gareja Katolik Bukittinggi adolah sabuah gareja Katolik nan dimiliki jo dikalola dek Kauskupan Padang. Gareja Katolik Bukittinggi manjadi salah satu cagar budaya nan disahkan dek Pamarentah Kota Bukittinggi, Sumatera Barat dan tacatat di Balai Palastarian Cagar Budaya (BPCB). Pado kompleks gareja ko ado tigo blok bangunan. Bangunan gareja barado di tangah, sadangkan duo bangunan lain barado di sayok kanan jo kida, masiang-masiang untuak pastoran dan sustereran.

Bagian muko bangunan dibuek balkon untuak para jamaat dan bagian balakangnyo ado biliak-biliak nan bafungsi sabagai tampek mampasiapan misa. Bangunan gareja sampai kini masih bafungsi sabagai tampek ibadaik umaik Katolik.[1]

Lokasi[suntiang | suntiang sumber]

Lokasi gareja ko tapek barado di tapi Jalan Sudiman No. 67C, Kalurahan Bukik Cangang, Kecamatan Guguk Panjang. Aksesnyo sangaiklah mudah dek dakek jo jalan gadang sarto tampek wisata sahinggo dapek ditampuah jo kandaraan roda 2 atau 4.[2]

Sijarah Bangunan[suntiang | suntiang sumber]

Indak dikatahui sacaro tapek bilo gareja ko dibangun. Hanyo sajo dalam riwayaik pambangunannyo, gareja ko pado mulonyo dibuek semi permanen jo atok dari ijuak. Bangunan ibadah ko alah panah tabaka dan dibangun baliak.

Pado taun 1926 Bukittinggi pernah kanai bancana gampo tektonik nan mambuek bangunan gareja ko hancua, tamasuak Gareja Katolik iko.

Pado taun 1928, gareja ko dibangun baliak jo diresmian pado tanggal 4 April 1929. Pado maso panduduakan Japang, gareja iko panah baraliah fungsinyo sabagai gaduang DPRD nan dibantuak dek Japang. Bangunan nan ado kini marupoan hasia pambangunan nan katigo, yaitu pado taun 1928. Sampai kini bangunan ko masih bafungsi sabagai tampek ibadaik umaik Katolik.[3]

Galeri Poto-poto[suntiang | suntiang sumber]

Rujuakan[suntiang | suntiang sumber]

  1. "Dokumen Pokok Pikiran Kebudayaan Daerah (PPKD) Kota Bukittinggi[pranala nonaktif permanen]" Tim Penyusun PPKD Kota Bukittinggi. 2018
  2. "Daftar Cagar Budaya Provinsi Sumatera Barat, Riau, dan Kepulauan Riau" (PDF). Diakses tanggal di akses tanggal 27-11-2022
  3. redaksi (2018-02-14). "Ini Daftar 42 Cagar Budaya di Bukittinggi". KlikPositif.com - Media Generasi Positif . Diakses tanggal 2022-11-27.