Gajah kerdil sulawesi
| Elephas celebensis Temporal range: Pliosen Akhir - Plestosen Awal | |
|---|---|
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Mammalia |
| Order: | Proboscidea |
| Family: | Elephantidae |
| Genus: | Elephas |
| Species: | †E. celebensis |
| Namo binomial | |
| Elephas celebensis Hooijer, 1949 | |
Gajah kerdil sulawesi (Elephas celebensis, atau Stegoloxodon celebensis) adolah suatu spesies gajah nan alah punah nan baasa dari Sulawesi, Indonesia.
Gambaran[suntiang | suntiang sumber]
Elephas celebensis mamiliki ukuran badan kiro-kiro satangah dari Archidiskodon (=Mammuthus) planifrons, nan sabalumnyo dianggap sabagai dunsanaknyo dek Dirk Albert Hooijer pado taun 1949.[1] Perbedaannyo nan paliang nyato jo spesies itu, iolah pado Elephas celebensis basuo adanyo gading bawah fungsional pado babarapo individu. Hal iko disangko adolah paedomorphosis, suatu retensi dari karakter binatang mudo nan tabawok hinggo tahap dewaso, menuruik pandangan Vincent Maglio dalam bahasan revisinyo manganai proboscidean pado taun 1973.[2] Dasar kesimpulannyo itu iolah dek terdapatnyo beniah gigi seri vestigial pado rahang Mammuthus planifrons. Pandapek itu didukuang dek Hooijer pado taun 1974.[3]
Urang saisuak jo taksonomi[suntiang | suntiang sumber]
Retensi gading bawah fungsional itu indak tacalaik pado binatang mudo lainnyo nan hanyo mamiliki sapasang gadiang, sahinggo indak dapek disangko sabagai fitur paedomorphic nan sabananyo. Io hanyo marupakan retensi tarhadap suatu karakter primitif sajo, sabagaimano tacaliak pado genera gajah Afrika Primelephas jo Stegotetrabelodon, sarato mungkin pado bantuak mulo dari Mammuthus planifrons. Antaro ujuang taun 1980-an jo awal mulo1990-an, suatu tim Indonesia-Balando mengekskavasi labiah banyak bahan, tamasuak sabuah tangkorak nan cukuik langkok walau bantuaknyo agak terditorsi. Sagalo bahan, baiak nan baru walaupun nan lamo, digambarkan jo direvisi dalam tesis Van den Bergh pado taun 1999 dalam elephantoid Indonesia, disarotoi diskusi mangenai taksonominyo.[4] Io mambarikan tando tanyo pado kato “Elephas”, untuak manunjukkan katidak-yakinan posisi taksonominyo, mangikuti pandekatan Paul Sondaar pado taun 1984.[5] Van den Bergh manarimo kemugkinan hubuangan jo “Elephas” indonesicus dari situs Ci Pangglosoran dakek Bumiayu, Jawa Tengah, nan barasal dari periode geologi nan samo. Spesimen iko juo sabalumnyo dinamoan Elephas (= Mammuthus) planifrons, namun alah tu diubah manjadi Stegoloxodon indonesicus dek Kretzoi pado taun 1950.[6] Salanjuiknyo, Georgi Markov jo Haruo Saegusa mambuek langkah salanjuiknyo jo manyamoan “Elephas” jo Stegoloxodon pado taun 2008.[7]
Panyalurannyo[suntiang | suntiang sumber]
Genus Stegoloxodon terbatas hanyo di Jawa dan Sulawesi sajo. Hubuangan nan jaleh antaro duo spesies endemik itu alun jaleh, sebab spesies Jawa hanyo diketahui dari suatu geraham sajo.
Fosil gajah ketek sulawesi basuo dalam Formasi Walanea, iyolah barasal dari maso Pliosen akhir - Plestosen awal. Fosil tunggal dari spesies Jawa nan basuo di Ci Pangglosoran, dakek Bumiayu, Brebes, Jawa Tengah,[8] juo barasa dari periode geologi nan samo.
Referensi[suntiang | suntiang sumber]
- ↑ Hooijer, D.A .(1949). [1]Pleistocene Vertebrates from Celebes. IV. - Archidiskodon celebensis nov spec. Zoologische Mededelingen, Museum Leiden 30: 205–226.
- ↑ Maglio, V.J. (1973). Origin and evolution of the Elephantidae. Transactions of the American Philosophical Society Philadelphia Volume 63. American Philosophical Society, Philadelphia. Pp. 149
- ↑ Hooijer, D.A. (1974). Elephas celebensis (Hooijer) from the Pleistocene of Java. Zoologische Mededelingen, Museum Leiden, 48: 85–93.
- ↑ Bergh, G.D. van den, 1999. The Late Neogene elephantoid-bearing faunas of [Indonesia and their palaeozoogeographic implications; A study of the terrestrial faunal succession of Sulawesi, Flores and Java, including evidence for early hominid dispersal east of Wallace's line, Scripta Geologica 117: 1-419 [2]
- ↑ Sondaar, P.Y., 1984. Faunal evolution and the mammalian biostratigraphy of Java. Courier Forschungsinstitut Senckenberg 69: 219-235.
- ↑ Kretzoi, M., 1950. Stegoloxodon nov. gen., a loxodonta elefantok esetleges azsiai ose (Stegoloxodon nov. gen., a possible Asiatic ancestor of true loxodonts). Foldtani Kozlony 80: 405-408 [In Hungarian and English].
- ↑ Markov, G.N. and Saegusa, H., 2008. On the validity of Stegoloxodon Kretzoi, 1950 (Mammalia: Proboscidea). Zootaxa 1861: 55-56.
- ↑ Van der Maarel, F.H., 1932. Contributions to the knowledge of the fossil mammalian fauna of Java. Wetenschappelijke Mededelingen Dienst van den Mijnbouw in Nederlandsch-Indie 15: 1-208.