Freetown
Freetown adolah ibu kota jo kota tagadang nagara Sierra Leone nan talatak di Wilayah Barat nagara tu. Kota ko marupokan kota palabuahan utamo di Lautan Atlantik. Freetown manjadi pusek pamarentahan, ekonomi, kauangan, budayo, pandidikan, jo politik utamo Sierra Leone. Pado hasia sensus tahun 2024, panduduaknyo bajumlah 1.347.559 jiwa.[1]
Wilayah ko patamo kali diunyi pado tahun 1787 dek 400 urang kulik hitam nan sabalumnyo dipabudak jo dikirim dari London, Inggirih, di bawah nauangan Komite Bantuan bagi Kaum Miskin Kulik Hitam, sabuah organisasi nan didirian dek Jonah Hanway jo aktipis anti pabudakan Inggirih Granville Sharp.[2] Urang-urang tu kamudian mandirian pamukiman di tanah nan dibali dari suku satampek.[3] Pasalisiahan nan tajadi jo suku tu mambuek pamukiman tabaka habih pado tahun 1789. Pado tahun 1791, Alexander Falconbridge mambangun kota Granville di sakitar wilayah nan kini dikenal sabagai Cline Town, dakek Taluak Fourah. Baru pado tahun 1792, sacaro rasmi kota Freetown didirian.[4] Pado tahun 1821, kota ko manjadi pusek pamarentahan untuak kasadoan wilayah jajahan Inggirih di Afrika Barat, jo kamudian baru manjadi ibu kota Sierra Leone pado tahun 1961.[5]
Rujuakan
[suntiang | suntiang sumber]- ↑ "2024 Population and Housing Census Key Figures Fact Sheet" (PDF). statistics.sl. Statistics Sierra Leone. Diarsipkan dari versi asli (PDF) tanggal February 2, 2017. Diakses tanggal 16 August 2017.
- ↑ Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, USA, 2013, p. 109
- ↑ Trillo, Richard; Hudgens, Jim (November 1995). West Africa: The Rough Guide. Rough Guides (edisi ke-2nd). London: The Rough Guides. pp. 545–549. ISBN 978-1-85828-101-8.
- ↑ Shaw, Rosalind, Memories of the Slave Trade: Ritual and the Historical Imagination in Sierra Leone. Reconstructed by Mohamed Sheriff, Memphis, Tennessee, University of Chicago Press (2002), p. 37.
- ↑ "Freetown | Sierra Leone, History, Map, & Facts | Britannica". www.britannica.com (dalam bahasa Inggris). Diakses tanggal 2025-05-17.