Fahmi Idris

Fahmi Idris

Biografi
Lahia	20 September 1943 Daerah Kusuih Ibukota Jakarta
Kamatian	2022 (78/79 tahun (id) terjemahkan)
Kalompok etnis	Urang Minangkabau
Almamater	Universitas Indonesia
Kagiatan
Karajo	Politikus jo kandidat politik (id)
Partai politik	Partai Golongan Karya (id)
Kaluarga
Pasangan hiduik	Kartini Fahmi Idris (en)
Anak	Fahira Fahmi Idris Fahrina Fahmi Idris

Fahmi Idris (lahia di Jakarta, 20 September 1943; umua 81 taun) adolah surang pangusaha sarato politikus Indonesia. Fahmi pernah manjabat sabagai Mantari Tanago Karajo dalam Kabinet Reformasi Pambangunan, sarato Mantari Parindustrian jo Mantari Tanago Karajo & Transmigrasi pado Kabinet Indonesia Basatu. Fahmi pernah pulo tapiliah manjadi anggota DPR-GR mawakili kalangan mahasiswa, sarato katua Fraksi Golkar di MPR-RI.

Latar balakang

Fahmi adolah putra dari pasangan parantau Minangkabau. Ayahnyo Haji Idris Marah Bagindo, adolah surang padagang nan mandidik anak-anaknyo untuak taat baagamo sarato disiplin. Fahmi nan maabih-an maso keteklnyo di Kenari, Jakarta Pusat, dikana tangka sarato suko bacakak. Fahmi luluih dari Fakultas Ekonomi Universitas Indonesia pado taun 1969. Di kampus tu, Fahmi dikana sabagai aktivis nan ulet sarato cekatan. Babarapo jabatan kamahasiswaan sempat disandangnyo, antaro lain sabagai pimpinan Himpunan Mahasiswa Islam, Katua Senat Fakultas Ekonomi UI (1965-1966), sarato Katua Laskar Arief Rachman Hakim (1966-1968).

Bisnis

Fahmi mamulai kariernyo sabagai pangusaha pado taun 1967. Duo taun kudian basamo para eksponen 1966, Fahmi mandirian PT Kwarta Daya Pratama. Pado taun 1979, Fahmi duduak sabagai direktur utama Kongsi Delapan (Kodel Group), sabuah parusahaan konglemerasi nan didiriannyo basamo jo Aburizal Bakrie, Soegeng Sarjadi, sarato Pontjo Sutowo. Pado era 1980-an, parusahaan tu marupoan konglomerasi nan cukuik gadang. Kodel mangelola usaho agrobisnis, padagangan, parbankan, paminyakan, sampai hotel. Pado taun 1988, Kodel mambangun Hotel The Regent (kini Four Seasons Jakarta) di kawasan Setiabudi, Jakarta Selatan. Bisnis propertinyo indak cuma di Jakarta, namun marambah pulo ka Beverly Hills, California. Disinan Fahmi mambangun sabuah hotel, Regent Beverly Whilshire.

Politik

Di taun 1984, Fahmi bagabung ka Partai Golkar. Fahmi langsuang ikuik bakampanye basamo Ali Moertopo sarato Abdul Latief di Sumatera Barat. Pado taun 1998-2004, Fahmi manjabat sabagai Katua DPP Golkar di Jakarta. Fahmi kaudian dilantiak sabagai Mantari Tanago Karajo jo Transmigrasi dalam taun nan samo. Pado taun 2004, Fahmi sempat dipecat dari kaanggotaan Golkar, karano manantang hasil Rapek Pimpinan Partai nan mandukuang Megawati-Hasyim Muzadi sabagai calon presiden jo wakil presiden. Katiko itu, Fahmi malah mandukuang pasangan Susilo Bambang Yudhoyono-Jusuf Kalla. Sasudah pasangan ko tapiliah, Fahmi ditunjuk baliak sabagai Mantari Tanago Karajo, sabalun akhianyo di kocok ulang manjadi Mantari Parindustrian. Namonyo direhabilitasi, sarato katua umum Jusuf Kalla mambaonyo baliak masuak partai. Salain duduak di babagai macam jabatan profesi jo bisnis, kini Fahmi manjabat pulo sabagai Anggota Dewan Panasehat Partai Golkar.

Kaluarga

Fahmi Idris manikah jo Kartini, putri surang ulama tanamo, Hasan Basri. Dari panikahannyo, Fahmi dikaruniai duo urang putri. Kaduanyo, Fahira Fahmi Idris jo Fahrina Fahmi Idris, maikuti jajak ayahnyo manjadi surang pangusaha. Kini Fahira manjabat sabagai Katua Himpunan Saudagar Mudo Minangkabau. Sedangkan Rina tapilih sabagai Katua Ikatan Wanita Pangusaha Indonesia.

Pautan lua

• (Inggirih) Profil singkat
• (Indonesia) Profil di tokohindonesia.com Archived 2009-02-25 di Wayback Machine.
• (Indonesia) Profil di TEMPO
• (Indonesia) Biodata beserta daftar kekayaan Archived 2007-09-28 di Wayback Machine.

Jabatan politik
Didaului jo: Andung Nitimiharja	Menteri Perindustrian 2005 – 2009	Digantian dek: M. S. Hidayat
Didaului jo: Jacob Nuwa Wea	Menteri Tenaga Kerja 2004 – 2005	Digantian dek: Erman Suparno
Didaului jo: Theo L Sambuaga	Menteri Tenaga Kerja 1998 – 1999	Digantian dek: Bomer Pasaribu