Fahira Fahmi Idris

Dari Wikipedia baso Minang, ensiklopedia bebas
Loncat ke navigasi Loncat ke pencarian
Fahira Fahmi Idris
Fahira Fahmi Idris.png
Lahia

20 Maret 1968 (umua 51

)
Bendera Indonesia Jakarta, Indonesia
Kabangsaan Bendera Indonesia Indonesia
Alma mater - Universitas Padjadjaran, Bandung
- The London School of Flowers, Inggirih
- Universitas Indonesia, Jakarta
Karajo Pangusaha, panggiat
Dikana dek The Most Inspiring Twitter
Agamo Islam
Pasangan iduik Aldwin Rahadian
Anak Nabila Zahra dan Nazira Auliya
Urang tuo Fahmi Idris (ayah)
Kartini (ibu)

Fahira Fahmi Idris SE. (lahia di Jakarta, 20 Maret 1968; umua 51 taun) adolah surang pangusaha mudo sarato panggiat sosial kamasyarakatan Indonesia. Fahira dikana sabagai pangusaha parsel jo bungo, walaupun ado babarapo parusahaan lain nan dipimpinnyo. Parusahaan parsel nan dijalanannyo dimulai dari skala ketek wakatu masih jadi mahasiswa di Fakultas Ekonomi Universitas Indonesia basamo kawan-kawannyo. Kini ko parusahaan tu alah bakambang sarato lah baskala nasional bahkan lah mulai marambah pasa mancanegara.

Bakat enterpreneur memang alah ado didiri Fahira sajak maso remaja lalu balanjuik sampai jadi mahasiswa. Kini Fahira mamimpin babarapo parusahaan diantaronyo Nabila Parcel Bunga Internasional, Aries Shooting Club, PT. Aries Mandiri Indonesia sarato nan lain-lain.[1]

Fahira dikana pulo sabagai surang darmawan sarato punyo kapadulian sosial nan tinggi. Fahira indak sagan-sagan tajun langsuang ka wilayah bancano, sarupo di Jawa Barat katiko tajadi bancano gunuang Galungguang malatuih katiko inyo masih remaja pado taun 1982. Baitu pulo katiko gampo di Jogjakarta taun 2006 sarato di Sumatera Barat katiko tajadi bancano gampo bumi nan maluluahlantak-an wilayah pasisia Padang Pariaman jo kota Padang pado taun 2009. Balakangan, basamo kawan-kawan twitter-nyo, Fahira mandirian Posko Bantu Banjir di Rumah Damai Indonesia katiko Jakarta kanai musibah banjir bandang di bulan Januari 2013.

Rujuak-an[suntiang | suntiang sumber]

Pautan lua[suntiang | suntiang sumber]