Eny Karim

Dari Wikipedia baso Minang, ensiklopedia bebas
Jump to navigation Jump to search
Eny Karim
Lahia 27 Oktober 1910
Bendera Balando Batu Sangka, Sumatera Barat, Hindia Balando
Kabangsaan Bendera Indonesia Indonesia
Karajo Politisi, ‎Mantari Patanian Indonesia
Dikana dek Pajuang kamardekaan
Agamo Islam

Eny Karim (laia di Batu Sangka, Sumatera Barat, Hindia Balando, 27 Oktober 1910) adolah surang pajuang, politisi sarato mantari Indonesia. Baliau pernah manjabat sabagai Mantari Patanian pado Kabinet Ali Sastroamidjojo II dari tanggal 24 Maret 1956 sampai 14 Maret 1957.[1]

Latar balakang[suntiang | suntiang sumber]

Eny Karim adolah surang putri Minangkabau nan mampunyoi alam pikiran revolusioner.[2] Eny manyalasaian pandidikannyo di MOSVIA pado taun 1931. Sempat maambiak pandidikan tinggi B-1 Sajarah di Bukittinggi namun indak salasai.

Kahidupan[suntiang | suntiang sumber]

Eny mamulai kariernyo sabagai pagawai mudo kudian juru buku di Karajaan Mempawah, Kalimantan. Sasudah itu baliau pindah ka Sumatera Barat manjadi Pagawai Mudo Pamong Praja di Solok, Sawahlunto, Bukittinggi sarato Aia Bangih. Sasudah kamardekaan baliak ka Solok sabagai Wakil Bupati, sarato Sekretaris Residen Sumatera Barat di Bukittinggi. Salamo Agresi Militer Balando II, Eny maungsi ka Koto Tinggi lalu manjabat sabagai Dewan Patahanan Daerah. Taun 1946, Eny manjadi Residen nan dipabantuan kapado Gubernur Sumatera Tangah di Bukittinggi.[3]

Taun 1957, Eny manjadi utusan pamarentah pusek untuak maradam Pamarentahan Revolusioner Republik Indonesia pimpinan Ahmad Husein.[4] Sasudah salasai manjadi mantari, pado taun 1958 Eny manjadi Kapalo Direktorat Otonomi jo Desentralisasi Departemen Dalam Nagari. Pado taun 1962 manjadi Sekretaris Jendral Departemen Dalam Nagari jo Otonomi Daerah. Eny sempat manjadi Gubernur Sumatera Utara pado pariode 8 April 1963 sampai 15 Juli 1963.[5] Pado taun 1967, Eny Karim pansiun dari tugasnyo.

Pandidikan[suntiang | suntiang sumber]

  • HIS (1924)
  • MULO (1928)
  • MOSVIA (1931)
  • B-1 Sajarah di Bukittinggi (indak ikuik ujian) (1956)

Rujuak-an[suntiang | suntiang sumber]

  1. Kabinet Ali Sastroamidjojo II Sekretariat Kabinet RI. Diakses 12 Mei 2013.
  2. Soewardi Idris, Pejuang Kemerdekaan Sumbar-Riau: Pengalaman Tak Terlupakan, Volume 2; 2001
  3. Markas Legiun Veteran RI, Bunga Rampai Perjuangan dan Pengorbanan IV, Cetakan I, Jakarta, 1991
  4. Gusti Asnan, Memikir Ulang Regionalisme: Sumatera Barat Tahun 1950-an, Yayasan Obor Indonesia, 2007
  5. Mereka yang telah berjuang Waspada Online, 19 APRIL 2012. Diakses 12 Mei 2013.

Pautan lua[suntiang | suntiang sumber]