Departemen Ouémé
Ouémé adolah salah ciek departemen di Benin nan dinamoi badasarkan namo batang aia Ouémé. Ibu kotanyo barado di kota Porto-Novo, nan sakaliguih manjadi ibu kota nagara. Pado tahun 1999, bagian utara departemen ko dipisahan untuak mambantuak Departemen Plateau. Wilayah departemen ko mancakuik area salaweh 1.281 km2 (495 sq mi) jo panduduak sabanyak 1.096.850 badasarkan hasia sensus tahun 2013.[1][2]
Departemen Ouémé babatehan jo Departemen Zou di utara Departemen Plateau di timur lauik, Nigeria di tenggara, Lautan Atlantik di selatan, Departemen Littoral di barat daya, dan Departemen Atlantique di barat. Wilayahnyo talatak di kawasan pasisia nan mampunyoi jariangan danau jo laguna nan saliang taubuang sarato garih pantai nan mamanjang jo area rawa nan laweh. Departemen Ouémé manarimo curah hujan labiah randah dibandiangan jo wilayah lainnyo di Benin.[3] Titiak tatinggi di departemen ko iolah 20 m (66 kaki) di ateh parmukaan lauik.[4]
Rujuakan
[suntiang | suntiang sumber]- ↑ "Benin". Geohive. Diarsipkan dari versi asli tanggal 2017-02-01. Diakses tanggal 25 November 2016.
- ↑ "Census of Benin, 2013". Institut National de la Statistique et de l’Analyse Economique (INSAE) du Benin. 2013. Diakses tanggal 25 November 2016.
- ↑ Haggett, Peter, ed (2002). Encyclopedia of World Geography, Volume 17. Marshall Cavendish. p. 2325. ISBN 9780761473060. https://books.google.com/books?id=pR1Pszc1mVgC&q=benin+geography&pg=PA2325.
- ↑ Benin Mineral & Mining Sector Investment and Business Guide. Int'l Business Publications. 13 Agustus 2007. pp. 21–22. ISBN 9781433019012. https://books.google.com/books?id=3G6EUwZmiWQC&q=Atlantique+benin++geography&pg=PA21.