Daun Kaladi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Daun Kaladi

Manuruik KBBI kaladi adolah jenis terna, berdaun lebar dan berumbi, ado nan dapaik dimakan dan ado nan indak dapaik dimakan. Keladi marupoan sekelompok tumbuahan dari Genus Caladium (suku talas-talasan, Araceace).  Tumbuahan lainnyo nan masih sekerabat namun indak tamasuak ka dalam caladium adolah talas (colocasea). Kalau manuruik awak kaladi adolah jenis tanaman ubi-ubian nan mampunyoi daun nan leba. Kaladi ado nan dapek dimakan dan ado nan indak dapek dimakan, kaladi nan dapek dimakan biasonyo ado isi ubinyo samo jo isi ubi di pucuak ubi. Bedanyo isi ubi di kaladi ko labiah lunak daripado ubi di pucuak ubi. Ubi ko dapek dimakan jo caro wak rabuih atau wak buek karipik. Batangnyo dapek wak buek gulai, biasonyo urang mambueknyo jo gulai ayam. Kaladi nan dapek dimakan ko biasonyo batangnyo labiah ketek daripado kaladi nan indak dapek dimakan. Kaladi nan dapek dimakan ko indak manggata do, kalau kaladi nan indak dapek dimakan ko biasonyo gata tangan wak kalau wak pacik daun atau batangnyo. Kaladi nan indak dapek dimakan ko biasonyo dimanfaatkan dek urang sabagai makanan ikan di tabek. Ado lo nan manjadian sabagai bungo untuak hiasan di muko rumah nyo.  Tumbuahan kaladi ko bacaman dan ancak lo bantuak nyo. Ancak di jadian untuak tanaman hias.

Rujuakan http://www.lolisetriani.web.id/2018/02/jenis-jenis-tanaman-keladi.html?m=1