Lompat ke isi

Darah dan Doa

Tambah pautan
Wikipedia Minangkabau - Lubuak aka tapian ilimu
Darah dan Doa
Cuplikan film Darah dan Doa
SutradaraUsmar Ismail
ProduserUsmar Ismail
Ditulis oleh
Pemeran
  • Del Juzar
  • Ella Bergen
  • Aedy Moward
  • Awaluddin Djamin
  • R. Soetjipto
Penata musikG. R. W. Sinsu
SinematograferMax Tera
PenyuntingDjohan Sjafri
Perusahaan
produksi
DistributorSpectra Film Exchange
Tanggal rilis
Durasi128 minik
NegaraIndonesia
BahasaIndonesia
AnggaranRp350.000

Darah dan Doa ([daˈrah ˈdan doˈa], dirilis di mancanegara dengan judul The Long March) adolah sabuah film parang nna dirilis di Indonesia pado tahun 1950. Sutradara sekaligus produser film Darah dan Doa adolah Usmar Ismail. Film iko bakisah tentang Divisi Siliwangi dan pamimpinnyo Kapten Sudarto sangkek bakonvoi manuju Jawa Barat. Film Darah dan Doa acok disabuik sabagai film buatan Indonesia nan patamo sasudah film Tjitra (1949) karya Umar Ismail nan dibuek dek parusahaan Balando. Pangambilan gambar mulo-mulo untuak film Darah dan Doa dilakukan pado tanggal 30 Maret 1950 nan kudian ditetapkan sabagai hari film nasional Indonesia.

Film Darah dan Doa samulo diproduksi untuak ditayangan di Festival Film Cannes, dengan biaya produksi sajumlah Rp350.000. Proses produksi Darah dan Doa ampiang baranti dek pitih sariak sabalun sang sutradara mandapek kucuran dana tambahan. Baitu rilis, film iko kanai sensor dek isinyo nan mamanciang kagaduahan. Panayangannyo baranti dengan kegagalan komersial. Pun baitu, film iko mandapek tanggapan nan labih positif dalam ulasan-ulasan di kudian hari, hinggo mambuek Ismail diagiah gala sabagai "bapak film Indonesia".[1]

Perilisan

[suntiang | suntiang sumber]

Darah dan Doa dirilis pado September 1950 dan didistribusikan dek Spectra Film Exchange.[2] Film tersebut diagiah judul Inggris The Long March, yang manuruik antropolog visual Amerika Serikat Karl G. Heider marujuak pado Mars Panjang tahun 1934 di Tiongkok.[lower-alpha 1][3] Indak lama sasudah rilis, film iko manuai kontroversi dari dua sisi, bahkan sempat mangalami pancekalan di babarapo daerah di Indonesia. Kalangan militer dari divisi lain maanggap bahaso film tersebut talalu manonjolkan peran divisi Siliwangi, samantaro kalangan masyarakaik sacaro umum manyangsian kamungkinan bahaso Darul Islam alah mangkhianati parjuangan bangsa.[4] Alhasil, film tersebut mamaraluan izin dari Sukarno untuak dirilis ulang pado September 1950, sasudah sabalunnyo ditayangan kapado sang presiden sacaro tatutuik di Istana Negara pado pertengahan 1950.[5][6] Sajumlah adegan pun tapaso dipangkeh.[2][7]

Darah dan Doa, nan diiklankan sabagai film tantang "partempuran sengit malawan pendjadjah" dan "Suka Duka dalam GERILJA",[2] pado umumnyo mamperoleh ulasan negatif ketika rilis. Manuruik sabuah ulasan nan tabik di surek kabar Merdeka, Darah dan Doa masih kurang mamuaskan; hanyo sajumlah ketek adegan sajo nan dapek dianggap rancak.[8]

Warisan

[suntiang | suntiang sumber]

Ismail manganggap bahasonyo Darah dan Doa marupoan camin "kapribadian bangso".[9] Pado tahun 1962, inyo manulih bahasonyo film iko marupoan film patamonyo dek inyo punyo kontrol kreatif nan saketek dalam produksi-produksi sabalunnyo.[10] Usai manyutradarai film iko, inyo mambuek 25 film lainnyo sabagai sutradara,[11] tamasuak duo film (Enam Djam di Jogja [1951] jo Pedjuang [1959]) nan bacaratio tantang Revolusi Nasional Indonesia;[12] parusahaan-parusahaan nan manjadi saingan Perfini juo mambuek film tersebut dengan tema sarupo,[lower-alpha 2] meski Biran bapandapek bahaso film-film tersebut indak manyentuh pado esensi revolusi.[13] Untuak perannyo sabagai sutradara Darah dan Doa dan karya barikuiknyo, Ismail dijuluki "bapak film Indonesia",[1] walaupun cendekiawan Thomas Barker mangecek bahaso perannya dalam parkembangan industri film Indonesia dilabiah-labiahan dek Orde Baru untuak keperluan anti-kumunih jo pro-nasionalistik mereka.[14]

Darah dan Doa acok pulo dianggap sabagai film Indonesia "nasional" patamo, meskipun film patamo nan diproduksi di Nusantara, Loetoeng Kasaroeng karya L. Heuveldorp, alah dirilis 24 tahun sabalunnyo.[15] Manurut sijarawan film Indonesia Misbach Yusa Biran, film-film nan dirilis antaro 1926 dan 1949 indak dapek disabuik film Indonesia, dek film-film tersebut alun memenuhi esensi identitas nasional.[9] Kritikus film Nova Chairil mangecek pulo hal saroman, dek film Darah dan Doa marupoan film nan "disutradarai dek urang Indonesia asli, diproduksi dek parusahaan film Indonesia, dan diambiak gambarnyo di Indonesia."[16] Namun, Barker jo rekan cendekiawan film Charlotte Setijadi-Dunn bapandapek bahasonyo film-film karya para produser bangso Tionghoa, nan pado umumnyo indak dihituang dej dianggap terlalu berorientasi kapado labo, alah manganduang sabuah identitas Indonesia; sabagai contoh, mereka mangutip Kris Mataram (1940) karya Njoo Cheong Seng. Indak takah identitas nasional homogen nan ditawarkan dalam Darah dan Doa, mereka manyatoan bahaso film-film nan diproduksi dek Tionghoa tersebut menawarkan kamungkinan identitas heterogen.[17]

Komunitas film Indonesia mulai marayoan hari patamo syuting Darah dan Doa, 30 Maret, sabagai Hari Film Nasional pado tahun 1950. Dalam konferensi Badan Film Nasional Indonesia tahun 1962, tanggal iko mulai diagiah pangakuan nan labih formal sabagai Hari Film Nasional, dan Darah dan Doa diakui sabagai "film nasional" patamo.[15][14] Hari Film Nasional resmi ditetapkan pado tahun 1999, sangkek Presiden B. J. Habibie mangasahan Keputusan Presiden no. 25/1999.[15] Manuruik pemeran nan kudian manjadi sutradara Slamet Rahardjo, peringatan tersebut manandoan bahaso "bangso Indonesia mangakui industri film lokal mereka dan punyo kahandak untuak mangambangkannyo".[18]

Kirab panjang Divisi Siliwangi manjadi tema dari film lainnyo, Mereka Kembali pado tahun 1972.[15] Disutradarai dek Nawi Ismail, film tersebut dibintangi Sandy Suwardi Hassan, Rahayu Effendi, Rina Hasyim, jo Aedy Moward. Mereka Kembali mandapek penghargaan tunggal, Runner-Up untuak Pemeran Laki-laki Terbaik (Arman Effendy) di Festival Film Indonesia 1972.[19] Dalam mambandiangan duo film tersebut, Heider mangecek bahaso Darah dan Doa manggambaran komunis dalam sorotan labih simpatetik jo "mengabaikan" Darul Islam, samantaro Mereka Kembali indak manggambaran tragedi di Madiun dan manyuduikan Darul Islam. Inyo manyatoan bahaso film sabalunnyo dirilis dalam "wakatu untuak panyembuhan, wakatu untuak mangkonsolidasian republik baru, bahkan manonjolkan urang-urang nan... bajuang malawannyo."[20] Inyo kudian manyatoan bahaso Darah dan Doa labiah ter-Eropanisasi dan individualistik, dengan fokus pado Sudarto, samantaro Mereka Kembali mamusatkan pentingnya kelompok jo mawakilan "Indonesianisasi sinema nasional".[21]

Arsip video Indonesia Sinematek Indonesia manyimpan salinan 35 mm jo VHS dari Darah dan Doa.[15] Film tersebut juo disimpan di Cinémathèque Française.[8] Film iko masih ditayangan dalam festival-festival.[22]

Catatan

[suntiang | suntiang sumber]
  1. ↑ Ismail (1983, hlm. 165) manyatoan bahaso Sitor Situmorang mamang bamaksuik demikian ketika inyo manulis caritonyo
  2. ↑ Babarapo contoh: produksi-produksi karya Persari (Sepandjang Malioboro [1950]; Hampir Malam di Djogja [1951]), dan Bintang Surabaja (Djembatan Merah [1950]; Selamat Berdjuang, Masku! [1951]).

Referensi

[suntiang | suntiang sumber]
  1. ↑ a b Kurniasari 2012, Reviving.
  2. ↑ a b c Aneka 1950, hlm. 20.
  3. ↑ Heider 1991, hlm. 102.
  4. ↑ Said 1982, hlm. 52.
  5. ↑ Anwar 2004, hlm. 59.
  6. ↑ Ismail 1983, hlm. 164.
  7. ↑ Anwar 2004, hlm. 64.
  8. ↑ a b Biran 2009b, hlm. 135.
  9. ↑ a b Biran 2009a, hlm. 45.
  10. ↑ Filmindonesia.or.id, Tjitra.
  11. ↑ Filmindonesia.or.id, Usmar Ismail.
  12. ↑ Anwar 2004, hlm. 61.
  13. ↑ Biran 2009b, hlm. 125–127.
  14. ↑ a b Barker 2011, hlm. 11–15.
  15. ↑ a b c d e Filmindonesia.or.id, Long March.
  16. ↑ Setijadi-Dunn & Barker 2011, hlm. 34.
  17. ↑ Setijadi-Dunn & Barker 2011, hlm. 36, 48.
  18. ↑ Sabarini 2008, National film day.
  19. ↑ Filmindonesia.or.id, Penghargaan Mereka Kembali.
  20. ↑ Heider 1991, hlm. 105–106.
  21. ↑ Heider 1991, hlm. 129–130.
  22. ↑ Zandri 2011, Reminiscing.

Sumber

[suntiang | suntiang sumber]

Pranala luar

[suntiang | suntiang sumber]
Diambiak dari "https://min.wikipedia.org/w/index.php?title=Darah_dan_Doa&oldid=3162993"