Carito pendek

"Si kancil" marupoan salah satu judul carito pendek nan tanamo di Indonesia.

Carito pendek atau disabuik juo dalam Bahaso Indonesia manjadi cerpen marupoan salah satu jinih prosa nan biasonyo basipaik khayalan (indak sabananyo). Carito pendek umumnyo cenderung singkek, padek, dan langsuang pado tujuan dibandiangkan jo karya-karya fiksi lain nan labiah panjang, sarupo novelet maupun novel. Jumlah kato di dalam carito pendek indak labiah dari 10.000 kato atau kurang dari 10 halaman kuarto. Panulisan carito pendek manggunoan gaya bahaso nan naratif.

Unsua intrinsik carito pendek bamulo pado tradisi pancaritoan lisan nan manghasiakan kisah-kisah tanamo sarupo Iliad jo Odyssey karya Homer. Kisah-kisah tasabuik disampaikan dalam bantuak puisi nan bairama. Adopun irama tasabuik bafungsi sabagai alaik untuak manolong urang untuak maingek carito. Bagian-bagian singkek dari kisah-kisah iko dipusekan pado naratif-naratif individu nan dapek disampaikan pado suatu kasampatan pendek. Kasaluruahan kisah baru tasampaian apobilo kasaluruahan bagian carito tasabuik alah rampuang.

Fabel, nan umumnyo barupo cerita rakyat jo pasan-pasan moral, konon alah dianggap dek sijarawan Yunani Herodotus sabagai hasi tamuan saurang budak Yunani nan banamo Aesop pado abaik ka-6 SM (meskipun ado kisah-kisah lain nan barasal dari bangso-bangso lain nan dianggap barasal dari Aesop). Fabel-fabel kuno iko kini dikenal sabagai Fabel Aesop.

Akan tatapi, ado pulo nan mambarikan definisi lain takaik istilah fabel. Fabel, dalam khazanah Sastra Indonesia acok kali diartian sabagai carito tentang binatang sabagai pameran (tokoh) utamo. Carito fabel nan populer misalnyo "Kisah si Kancil".

Salanjuiknyo, jinih carito bakambang maliputi sage, mite, jo legenda. Sage marupoan carito kapahlawanan, misalnyo kisah Joko Dolog. Mite atau mitos labiah mangarah pado carito nan takaik jo kaparcayoan masyarakaik satampek tentang sasuatu, contohnyo kisah Nyi Roro Kidul. Kamudian, legenda manganduang pangartian sabagai sabuah carito tentang asa-usua tajadinyo suatu tampek, contohnyo kisah Banyuwangi.

Bantuak kuno lain dari carito pendek, yakni anekdot, populer pado maso Kekaisaran Romawi. Anekdot mampunyoi fungsi sarupo perumpamaan, sabuah carito realistis singkek dan mancakup satu pasan atau tujuan. Banyak dari anekdot Romawi nan batahan balakangan iko dikumpuaan dalam Gesta Romanorum pado abaik ka-13 atau 14. Anekdot tetap populer di Eropa hinggo abaik ka-18, katiko surek-surek anekdot baisi fiksi karya Sir Roger de Coverley ditabikan.

Di Eropa, tradisi bacarito lisan mulai bakambang manjadi carito-carito tatulih pado awa abaik ka-14, tarutamo sakali dengan tabiknyo karya Geoffrey Chaucer Canterbury Tales jo karya Giovanni Boccaccio Decameron. Kaduo buku iko disusun dari carito-carito pendek nan tapisah (marentang dari anekdot lucu ke fiksi sastra nan baiak), ditampekan di dalam carito naratif labiah gadang (sabuah carito karangko), meskipun parangkek carito karangko indak diadopsi dek kasado panulih. Pado akhia abaik ka-16, sabagian dari carito-carito pendek nan paliang populer di Eropa adolah "Novella" kalam nan tragis karya Matteo Bandello (khususnyo dalam tajamahan Prancis). Pado maso Renaisan, istilah novella digunoan untuak marujuak pado carito-carito pendek.

Pado patangahan abaik ka-17 di Prancis tajadi pakambangan novel pendek nan dipahalus, nouvelle, dek pangarang-pangarang sarupo Madame de Lafayette. Pado 1690-an, dongeng-dongeng tradisional mulai ditabikan. Salah satu dari kumpulan nan paliang terkenal adolah karya Charles Perrault. Tajamahan modern partamo adolah Seribu Satu Malam karya Antoine Galland (dari 1704; tajamahan lain muncua pado 1710–12). Hal iko manimbuan pangaruah hebat tahadok carito-carito pendek Eropa karya Voltaire, Diderot dan lain-lain pado abaik ka-18.

Carito-Carito Pendek Modern

Carito-carito pendek modern muncua sabagai genre surang pado awa abaik ka-19. Contoh-contoh awa dari kumpulan carito pendek tamasuak Dongeng-dongeng Grimm Bersaudara (1824–1826), Evenings on a Farm Near Dikanka (1831-1832) karya Nikolai Gogol, Tales of the Grotesque and Arabesque (1836), karya Edgar Allan Poe, jo Twice Told Tales (1842) karya Nathaniel Hawthorne. Pado akhia abaik ka-19, patumbuahan majalah jo jurnal malahian pamintaan pasa nan kuek akan fiksi pendek jo panjang antaro 3.000 hinggo 15.000 kato. Di antaro carito-carito pendek tanamo nan muncua pado pariode iko adolah "Kamar No. 6" karya Anton Chekhov.

Pado paruhan patamo abaik ka-20, sajumlah majalah takamuko, sarupo The Atlantic Monthly, Scribner's, jo The Saturday Evening Post, manabikan carito pendek dalam satiok terbitan. Pamintaan akan carito-carito pendek nan bamutu baitu gadang, dan bayaran untuak carito-carito itu baitu tinggi, sahinggo F. Scott Fitzgerald baulang-ulang manulih carito pendek untuak malunasi babagai utangnyo.

Pamintaan akan carito-carito pendek dek majalah mancapai puncaknyo pado patangahan abaik ka-20, katiko pado 1952 majalah Life manabikan carito pendek Ernest Hemingway nan panjang (atau novella) Lelaki Tua dan Laut. Tabikan nan mamuek carito iko laku 5.300.000 eksemplar hanyo dalam duo hari.

Samanjak itu, jumlah majalah komersial nan manabikan carito-carito pendek alah bakurang, meskipun babarapo majalah tanamo sarupo The New Yorker taruih mamueknyo. Majalah sastra maagia pulo tampek kapado carito-carito pendek. Salain itu, carito-carito pendek balakangan iko alah menamuan napas baru lewat panabikan online. Carito pendek dapek ditamuan dalam majalah online, kumpulan-kumpulan nan diorganisir manuruik pangarang atau tema.

Ciri-Ciri

Carito pendek indak mampunyoi alua carito nan rumik. Kajadian, alua, jo panampatan carito umumnyo hanyo ciek. Carito pendek hanyo mampunyoi jumlah tokoh nan tabateh sarato wakatu pancaritoan singkek. Carito nan cukuik panjang di dalam carito pendek cenderung mamuek unsua-unsua inti tatantu dengan suasana dramatis, sarato mampunyoi pangantar setting, situasi, jo tokoh utamo. Salain itu, tadapek paristiwa di dalam carito nan manimbulkan patantangan di antaro para tokoh sahinggo tajadi paningkatan aksi jo momen penting. Bagian akhia dari carito pendek marupoan panyalasaian dari pamasalahan-pamasalahan di dalam carito sarato panyampaian pasan moral.

Carito pendek modern hanyo saketek manganduang alua carito jo pangantar dan patantangan antartokoh. Awa carito pendek modern umumnyo dimulai dari aksi nan mandadak. Alua dari carito pendek modern mampunyoi klimaks atau titik baliak. Carito pendek modern umumnyo diakhiri dengan mandadak. Kabaradoan pasan moral di akhia carito indak dapek dipastian

Tema dalam sabuah cerpen labiah jaleh karano paristiwa-paristiwa dalam carito pendek dipiliah dengan caro karikatural nan manonjol dan tampak sabagai mozaik sabuah pesan pandalaman. Jumlah kato dalam cerpen bakisa antaro 800 kato hinggo 2300 kato jiko manggunoan halaman A4 jumlah halaman carito pendek sakitar 4 sampai dengan 7 halaman jo spasi satu satangah.

Struktur

Struktur teks marupoan struktur pambangunan bagian-bagian teks nan saliang bahubuangan dalam mandukuang kakuatan carito. Struktur teks carito pendek adolah sabagai barikuik.

• Abstrak, marupoan ringkasan atau inti dari carito pendek nan akan dikambangkan manjadi sabuah rangkaian-rangkaian paristiwa, atau dapek pulo dikatoan sabagai gambaran awa dalam carito. Abstrak basipaik opsional, aratinyo satiok cerpen buliah indak tadapek struktur abstrak tasabuik.

• Orientasi, marupoan wakatu, suasana, jo tampek nan bakaitan jo jalan carito dari suatu carito pendek.

• Komplikasi, barisi urutan kajadian-kajadian nan dihubuangkan sacaro sabab jo akibaik. Komplikasi biasonyo manjalehan karakter atau watak dari babagai tokoh carito pendek. Pado bagian komplikasi karumitan mulai bamuncualan.

• Evaluasi, yaitu struktur konflik jo mangarah pado klimaks, sarato alah mulai mandapekan panyalasaiannyo.

• Resolusi, pado bagian iko pangarang mulai mangungkapkan solusi nan dialami dek tokoh utamo.

• Koda, pado bagian iko tadapek nilai ataupun palajaran nan dapek diambiak dari carito pendek dek pambaco.

Unsua Panyusun

Unsur Intrinsik

Unsua intrinsik adolah unsua nan mambangun karya itu surang. Unsua–unsua intrinsik carito pendek adolah sabagai barikuik.

• Tema adolah ide pokok sabuah carito nan diyakini jo dijadian sumber pado carito.
• Latar(setting) adolah tampek, wakatu, atau suasana nan tadapek dalam carito. Sabuah carito harus jaleh di mano balangsuang, bilo tajadi, dan suasana sarato kaadaan katiko carito tajadi.
• Alua (plot) adolah susunan paristiwa atau kajadian nan mambantuak sabuah carito.

Alua dibagi manjadi 3 jinih.

1. Alua maju adolah rangkaian paristiwa nan urutannyo sasuai jo wakatu kajadian atau carito nan bagarak ka mungko taruih.
2. Alua mundua adolah rangkaian paristiwa nan susunannyo indak sasuai jo urutan wakatu kajadian atau bagarak mundua (flashback).
3. Alua campuran adolah campuran antaro alua maju jo alur mundua.

Alua maliputi babarapo tahap barikuik.

1. Pangantar: bagian carito barupo lukisan, wakatu, tampek, atau kajadian nan marupoan awa carito.
2. Panampilan masalah: bagian nan mancaritoan masalah palaku carito.
3. Puncak katagangan / klimaks: masalah dalam carito alah sangaik gawat, konflik alah mamuncak.
4. Katagangan manurun / antiklimaks: masalah alah barangsua-angsua dapek diatasi dan kakhawatiran mulai ilang.
5. Panyalasaian / resolusi: masalah alah dapek diatasi atau disalasaian.

• Pawatakan

Manggambarkan watak atau karakter sasaurang tokoh nan dapek diliek dari tigo segi.

1. Dialog tokoh
2. Panjalehan tokoh
3. Panggambaran fisik tokoh

• Tokoh

Tokoh adolah urang-urang barado di dalam carito dan banyak maambiak peran.

1. Tokoh Protagonis: tokoh utamo pado carito
2. Tokoh Antagonis: tokoh panantang atau lawan dari tokoh utamo
3. Tokoh Tritagonis: panangah dari tokoh utamo jo tokoh lawan

• Amanat adolah pasan atau nasihat nan nio disampaikan pangarang malalui carito.

Unsua Ekstrinsik

Unsua ekstrinsik adolah unsua-unsua nan barado di lua karya sastra, tatapi scaro indak langsuang mampangaruahi bangunan atau sistem organisme karya sastra. Unsua ekstrinsik maliputi hal-hal di bawah iko.

• Nilai-nilai dalam carito (agamo, budaya, politik, ekonomi)
• Latar balakang kahidupan pangarang
• Situasi sosial, ekonomi jo budaya katiko carito itu diciptaan.

Ukuran

Manatapkan apo nan mamisahkan carito pendek dari format fiksi lain nan labiah panjang adolah problematik. Sabuah definisi klasik dari carito pendek iolah bahwasnayo inyo harus dapek dibaco dalam wakatu sakali duduak. Hal iko tarutamo sakali diajuan dalam esai Edgar Allan Poe "The Philosophy of Composition" pado 1846. Definisi-definisi lain manyabuikan bateh panjang cerpen dari jumlah kato-katonyo, yaitu 7.500 kato. Dalam panggunoan kontemporer, istilah carito pendek umumnyo marujuak kapado karya fiksi nan indak labiah dari 20.000 kato dan indak kurang dari 1.000 kato.

Carito nan pendeknyo kurang dari 1.000 kato tagolong pado genre fiksi kilat (flash fiction). Fiksi nan malampaui bateh maksimum parameter carito pendek digolongkan ka dalam novelette, novella, atau novel.

Genre

Carito pendek pado umumnyo adolah suatu bantuak karangan fiksi dan nan paliang banyak ditabikan adolah fiksi sarupo fiksi ilmiah, fiksi horor, fiksi detektif, dan lain-lain. Carito pendek kini mancakuik pulo dalam bantuak nonfiksi sarupo catatan pajalanan, prosa lirik, jo varian-varian pasca modern sarato non-fiksi sarupo fikto-kritis atau jurnalisme baru.

Pabedaan Carito Pendek jo Novel

• Carito pendek marupoan jinih prosa fiksi nan dibaco salasai sakali duduak bakisa antaro satangah jam sampai duo jam, sadangkan untuak mambaco novel mambutuahan wakatu labiah dari duo jam.

• Umumnyo, panjang carito pendek kurang dari 10.000 kato. Di lain sisi, panjang novel labiah dari 10.000 kato.

• Tema dalam carito pendek hanyo barisi ciek tema karano bakaitan jo keadaan plot dan palaku nan tabateh. Samantaro itu, novel manawarkan labiah dari satu tema yaitu satu tema utamo jo tema-tema tambahan.
• Jiko panokohan dalam cerpen sipaiknyo tabateh, hal iko indak balaku dalam novel.
• Carito pendek manggunoan palukisan latar sacaro garih umum sajo, sadangkan panulisan latar dalam novel mambutahkan detail khusus tantang kaadaan lua, misalnyo tantang kondisi tampek jo sosial.
• Satiok rangkaian paristiwa dalam novel disusun sadamikian rupo, karano tabagi ateh bab jo masiang-masiang bab mampunyoi carito nan babeda-beda. Carito pendek mampunyoi plot tungga hanyo tadiri ateh ciek urutan paristiwa nan tajadi darimano sajo. Karano mampunyoi plot tungga, konflikjo klimaks nan ditimbuan pun basipaik tungga.

• Gaya bahaso nan digunoan dalam carito pendek labiah efisien dibandingkan jo novel. Pangarang mampunyoi diksi, kalimat hinggo onomatope sacaro labiah efisien. Dalam cerpen, kacermatan mamiliah diksi labiah kental daripado sabuah novel.

Carito Pendek Tanamo

• "An Occurrence at Owl Creek Bridge" oleh Ambrose Bierce (teks online Archived 2007-04-15 di Wayback Machine.)
• "Yours Truly, Jack the Ripper" oleh Robert Bloch
• "A Sound of Thunder" oleh Ray Bradbury
• "Cathedral" oleh Raymond Carver
• "The Most Dangerous Game" oleh Richard Connell
• "The Story of an Hour" oleh Kate Chopin (teks online)
• "A Rose for Emily" oleh William Faulkner (teks online Archived 2013-03-26 di Wayback Machine.)
• "The Overcoat" oleh Nikolai Gogol (teks online—terjemahan dari bahasa Rusia)
• "Young Goodman Brown" oleh Nathaniel Hawthorne (teks online Archived 2007-03-31 di Wayback Machine.)
• "The Snows of Kilimanjaro" oleh Ernest Hemingway (teks online Archived 2016-04-02 di Wayback Machine.)
• "The Gift of the Magi" oleh O. Henry (teks online)
• "The Lottery" oleh Shirley Jackson (teks online)
• "The Monkey's Paw" oleh W.W. Jacobs
• "The Dead" oleh James Joyce (teks online
• "In der Strafkolonie" oleh Franz Kafka (teks online terj. Inggris dari bahasa Jerman)
• "The Call of Cthulhu" oleh H.P. Lovecraft
• "Bartleby, the Scrivener" oleh Herman Melville (teks online)
• "A Good Man Is Hard to Find" oleh Flannery O'Connor (teks online Archived 2018-07-01 di Wayback Machine.)
• "The Tell-Tale Heart" oleh Edgar Allan Poe (teks online Archived 2008-04-06 di Wayback Machine.)
• "Brokeback Mountain" oleh Annie Proulx
• "The Red Room" oleh H.G. Wells
• "The Last Question" oleh Isaac Asimov

Caliak Pulo

• Sastra

Daftar Pustaka

• Ahyar, Juni (2019). Apa Itu Sastra: Jenis-Jenis Karya Sastra dan Bagaimanakah Cara Menulis dan Mengapresiasi Sastra. Sleman: Deepublish. ISBN 978-623-02-0145-5. https://repository.unimal.ac.id/5007/2/Isi%20Buku%20Apa%20Itu%20Sastra_v.3.0_Unesco.pdf. 

Bacaan Lanjutan

• Browns, Julie, ed (1997). Ethnicity and the American Short Story. New York: Garland. 
• Goyet, Florence (2014). The Classic Short Story, 1870–1925: Theory of a Genre. Cambridge: Open Book Publishers. http://www.openbookpublishers.com/product/199. 
• Gelfant, Blanche, ed (2000). The Columbia Companion to the Twentieth-Century American Short Story. Columbia University Press. https://archive.org/details/columbiacompanio00blan. 
• Hart, James, ed (1995). Oxford Companion to American Literature. Oxford University Press. https://archive.org/details/oxfordcompanionthart. 
• Ibáñez, José R, ed (2007). , Contemporary Debates on the Short Story. Bern: Lang. 
• Iftekharrudin, Farhat, ed (2003). Postmodern Approaches to the Short Story. Westport, CN: Praeger. 
• Kennedy, Gerald J., ed (2011). Modern American Short Story Sequences: Composite Fictions and Fictive Communities. Cambridge: Cambridge University Press. 
• Lohafer, Susan (2003). Reading for Storyness: Preclosure Theory, Empirical Poetics, and Culture in the Short Story. Baltimore, MD: Johns Hopkins University Press. https://archive.org/details/readingforstoryn0000loha. 
• Magill, Frank, ed (1997). Short Story Writers. Pasadena, California: Salem Press. https://archive.org/details/shortstorywriter00magi. 
• Patea, Viorica, ed (2012). Short Story Theories: A Twenty-First-Century Perspective. Amsterdam: Rodopi. 
• Scofield, Martin, ed (2006). The Cambridge Introduction to the American Short Story. Cambridge: Cambridge University Press. https://archive.org/details/cambridgeintrodu0000scof. 
• Watson, Noelle, ed (1994). Reference Guide to Short Fiction. Detroit: St. James Press. https://archive.org/details/referenceguideto00wats. 
• Winther, Per, ed (2004). The Art of Brevity: Excursions in Short Fiction Theory and Analysis. Columbia, SC: University of South Carolina Press. 
• Eikhenbaum, Boris, "How Gogol's 'Overcoat' is Made" in Elizabeth Trahan (ed.) (1982). Gogol's "Overcoat" : An Anthology of Critical Essays,. Ann Arbor, MI: Ardis. 
• Hanson, Clare (1985). Short Stories and Short Fictions, 1880–1980. New York: St. Martin's Press. 
• LoCicero, Donald (1970). Novellentheorie: The Practicality of the Theoretical. (About the German theories of the Short Story) The Hague: Mouton. https://archive.org/details/novellentheoriep0000loci. 
• Lohafer, Susan, ed (1990). Short Story Theory at a Crossroads. Baton Rouge, LA: Louisiana State University Press. 
• Mann, Susan Garland (1989). The Short Story Cycle: A Genre Companion and Reference Guide. New York: Greenwood Press. https://archive.org/details/shortstorycycleg0000mann. 
• O'Connor, Frank (1963). The Lonely Voice: A Study of the Short Story. Cleveland, OH: World Publishing Company. https://archive.org/details/lonelyvoicestudy0000ocon. 
• O'Faoláin, Seán (1951). The short story. Cork: Mercier, 1948; New York: Devin-Adair. 
• Rohrberger, Mary (1966). Hawthorne and the Modern Short Story: A Study in Genre. The Hague: Mouton. 

Pautan lua

• (Inggirih) Free Stories Center, situs untuk cerita pendek dan upaya menerbitkannya