Cupak

Wikipedia Minangkabau - Lubuak aka tapian ilimu
(Dialiahkan dari CUPAK)

Cupak adolah ukuran nan dipagunoan sahari-hari di Minangkabau untuak panakar bareh nan ka dimasak atau dijua. Dalam bahaso sahari-hari cupak jugo bararti gantang,sukat, atau liter. Cupak iko dalam pelaksanaannyo adolah ukuran nan indak buliah dilabihi dan dikurangi. Artinyo indak buliah dilabiahi untuak kaparaluan pribadi dan dikurangi untuak marugian urang lain. Baitu juo jiko digunoan untuak manjua bali makanan nan diukua dengan cupak, gantang,atau jo kilogram, sangaik dilarang oleh ajaran adaik jo agamo Islam (syarak) untuak manguranginyo, samo jo kato papatah :

Cupak papek gantang piawai

Cupak duo baleh taia

Gantang kurang duo limo puluah

Barih tak buliah dilampauwi

Cupak tak buliah dilabiah dikurangi....

Ajaan adaik manganai katapekan manggunoan cupak (sukatan) dalam manimbang jo maukua iko sasuai jo ajaran agamo Islam, sabagaimano firman Allah nan tadapek dalam surah al-Muthaffiin : 1-3[1]

Di dalam ajaan adaik istilah cupak dijadian ukuan (aturan) dalam kahidupan masyarakaik, misalnyo dalam masalah hukum (kaadilan) ado aturan nan dapaik digunoan untuak manyalasaian sangketo nan tajadi antaro sasamo manusia. Demikian juo, cupak dijadian sabagai ukuan atau aturan dalam manantuan arah untuak kahidupan, untuak dapek mawujudkan kahidupan nan teratur, aman, jo sentosa.

manuruik adaik Minangkabau, ajaan cupak iko paralu dilaksanoan oleh satiok urang dengaan sajujur-jujurnyo, sabagaimano kato papatah :

kalau mangati samo barek

Jikok mambilai samo laweh

Indak buliah bapihak-pihak

Indak buliah bakatian kiri

Luruih bana dipegang sungguh

Di mato nan indak dipiciangkan

Di dado nan indak dibusuangkan

Di paruik nan indak dikampihkan

Meskipun ajaan tentang nilai tetap dan indak barubah karano ado ukurannyo, namun kenyataannyo indak salalu dapek dilaksanakan. Dalam hal iko papatah adaik mangatoan : Cupak sapanjang batuang, adaik sapanjang jalan. artinyo adolah takaran (ukuan) terbatas sapanjang ruas bambu nan tumbuah pado tanah nan indak samo. oleh karano itu, nilai-nilai kahidupan nan dianut manusia pun indak samo. akan tetapi, adaik mereka pakai sapanjang jalan kahidupan mereka, baiak di kampuang halaman maaupun di nagari urang. supayo aturan-aturan tentang nilai ko tetap batahan lamo, dan indak dilakukan parubahan dikaranokan keengganan pemakaiannyo, mako papatah adaik memp

Rujuakan[suntiang | suntiang sumber]

  1. Abidin, Masoed (2005). Ensiklopedia Minangkabau. Pusat Pengkajian Islam dan Minangkabau.