Biawak aia

Biawak aia asia ;
	Varanus salvator
	; Biawak aia jawa (Varanus salvator bivittatus)
Status konservasi
	Risiko randah
UICN	178214
Taksonomi
Kerajaan	Animalia
Filum	Chordata
Kelas	Reptilia
Ordo	Squamata
Famili	Varanidae
Genus	Varanus
Spesies	Varanus salvator ; Laurenti, 1768
Distribusi
	; Laweh panyebaran biawak aia asia. Kuniang: V. s. salvator, ijau: V. s. macromaculatus, biru: V. s. bivittatus, sirah: V. s. andamanensis, cokelat: V. s. ziegleri, abu-abu: subspesies Sulawesi nan alun jaleh ditantuan
	v; t; e;

Biawak aia (namo ilimiah: Varanus salvator), disabuik juo biawak aia asia, adolah jinih biawak dari kaluargo Varanidae nan barasa dari Asia Salatan jo Asia Tenggara. Binatang iko marupoan spesies biawak tagadang kaduo sasudah komodo. Panyebarannyo mambantang dari bagian timur jo timur lauik India jo Bangladesh, Kapulauan Andaman jo Nikobar, Sarilangka, malalui bagian selatan Cino jo Pulau Hainan di timur, inggo Asia Tenggara Daratan sarato pulau-pulau di Sumatera, Kalimantan, Jawa, Lombok, Kapulauan Riau, jo Sulawesi. Iko adolah salah ciek jinih biawak nan paliang laweh panyebarannyo.

Biawak aia punyo kabiasoan tingga manatap dakek jo aia, iolah di dakek danau, batang aia, tabek, rawa, sarato babagai habitat tapi aia (riparian) lainnyo, tamasuak parik, taman kota, jo saluran aia di pakotaan. Binatang iko sabana pandai baranang, jo inyo mamangso bamacam hewan sarupo ikan, koncek, hewan invertebrata, buruang aia, sarato mangso-mangso aia jo amfibia lainnyo.

Dek karano populasinyo dipakiroan gadang jo stabil, saaik iko biawak aia tamasuak dalam daftar spesies risiko randah pado daftar sirah IUCN.

Bacoan lanjuik

Das, I. (1988). "New evidence of the occurrence of water monitor (Varanus salvator) in Meghalaya". Journal of the Bombay Natural History Society. 86: 253–255.
Deraniyagala, P. E. P. (1944). "Four New Races of the Kabaragoya Lizard Varanus salvator". Spolia Zeylanica. 24: 59–62.
Pandav, B. (1993). "A preliminary survey of the water monitor (Varanus salvator) in Bhitarkanika Wildlife Sanctuary, Orissa". Hamadryad. 18: 49–51.

Pautan lua

Wikimedia Commons mampunyoi
media nan bahubuangan jo
Biawak aia