Barombai

Wikipedia Minangkabau - Lubuak aka tapian ilimu

Barombai marupokan sabuah sastra lisan yang ado di daerah Sawahlunto Sijunjuang. Jikok diliek dari bantuaknyo Barombai babantuak babaleh pantun nan dilakukan dek kaum padusi di tangah sawah katiko acara turun kasawah, sambia mancangkua tanah di sawah.

Asa mulo[suntiang | suntiang sumber]

Dahulunyo Barombai ko dilakuan dek padusi untuak mancangka sawah urang disabuik lo sistem batobo, yaitu mangarajokan sawah sacaro bergotong royong. Di situ para kaum padusi mancangkua sawah basamo-samo jo babaleh pantun yaitu mangeluakan isi hati nyo. Barombai ko dahulunyo manjadi ajang parjodohan jo mandapekan jodoh, sarato sabagai ajang mangaluakan kaluah kesah nan ado pado diri masiang-masiang j dikaluakan babantuak pantun, dan sabagai ajang hiburan palapeh panek urang tu bakarajo. Kaum laki-laki bakarajo mambuek pamatang sawah. sasudah pekerjaan mereka salasai mereka malakukan makan bajamba, yang makanan nyo alah mereka baok jo bakua dari rumah masiang-masiang. Jo Barombai mereka maraso pekerjaan mereka taraso labiah ringan sarato capek salasai. [1] Akan tatapi pado saaik kini awak idnak dapek maliek tradisi lisan Barombai ko. Karano memang indak ado masyarakat yang malakukan tradisi lisan iko lai. Pado awal perkembangannyo tradisi lisan Barombai ko barubah manjadi seni pertunjukan. Tranformasi ko tajadi karano motivasi masyarakaik padang laweh untuak mambangkikan tradisi ko baliak manjadi seni pertunjukan, sahinggo kini tadapek ciek kalompok partunjukan Baromabai nan barado di Kanagarian Padang Laweh.

Palaku pertunjukkan[suntiang | suntiang sumber]

Pertunjukan ko dilakukan dek padusi jo jumlah 20 sampai 25 urang . Bara urang panampil bafungsi ganda, yaitu bafungsi sabagai panampil panyaji jo pangubah. di dalam panampilan ko tadapek bara buah pambagian peran yaitu. Partamo, sabagai panyanyi atau pandendang solo bajumlah ampek urang. Kaduo, sabagai pemusik jo pamain alaik musik bajumlah lapan urang, katigo, sabagai panyanyi koor, yang anggotanyo siso dari pandendang solo dan pamain alaik musik. katigo peran ko indak bisa ditukakan, sabab indak sadonyo bisa mahir jo katigo peran tasabuik.

Alaik pertunjukkan[suntiang | suntiang sumber]

Pamain mamegang cangkua kacuali pamain musik. cangkua tabuek dari kayu jo tripleks. Alaik musik nan digunokan adolah talempong sabanyak anam buah, canang duo buah, jo gandang ketek duo buah. Salain itu panampil mamakai baju kuruang hitam jo kain jao ( saruang jawa) yang samo coraknyo jo salendang.

Partunjukan Barombai dilakuan dima sajo, asalkan pamain dapek jo leluasa malakukan gerakkan-gerakan. Tanah lapang adolah tampek yang tapek untuak malakuan partunjukan, pentas jo pangguang bisa manjadi alternatif. partunjukan dilakuan di malam hari biasonyo sasudah sholat isya.

Rujuakan[suntiang | suntiang sumber]

  1. Amir, Adriyeti dkk (2006). Pemetaan Sastra Lisan Minangkabau. Padang: Andalas Universiti Press. ISBN 979-1097-08-9.