Bank Indonesia

Bank Indonesia

Gedung Bank Indonesia (dimuko jo duo manara di balakang) di Jakarta
Kantor pusat	Jakarta, Indonesia
Koordinat	6.1812106°S 106.8157007°E / -6.1812106; 106.8157007
Didirikan	1 Juli 1953 (1953-07-01)
Pemilik	Pemerintah Republik Indonesia
Gubernur	Perry Warjiyo
Negara	Indonesia
Mata uang	Rupiah IDR (ISO 4217)
Cadangan	US$150,2 miliar (Agustus 2024)
Pendahulu	De Javasche Bank N.V.
Situs web	bi.go.id

Bank Indonesia (BI) adolah bank sentral Republik Indonesia sasuai Pasal 23D Undang-Undang Dasar Negara Republik Indonesia Tahun 1945 dan Undang-Undang Nomor 23 Tahun 1999 Tentang Bank Indonesia. Sabalum saluruah sahamnyo dibali dek Pamarintah Indonesia, bank iko awanyo marupoan perseroan terbatas terbuka nan banamo De Javasche Bank N.V. (DJB) nan didirian badasarkan oktroi, dan kamudian undang-undang, pado maso pamarintahan Hindia Belanda. Sabagai bank sentral, BI mampunyoi tujuan tungga, yaitunyo mancapai jo mamaliharo kastabilan nilai rupiah. Kastabilan nilai rupiah iko manganduang duo dimensi, yaitu kastabilan nilai mata uang tahadok barang jo jaso domestik (inflasi), sarato kastabilan tahadok mato uang negara lain (kurs).

Untuak mancapai tujuan tasabuik BI didukuang dek tigo pilar nan marupoan tigo bidang tugasnyo. Katigo tugas iko adolah:

1. manatapkan jo malaksanakan kabijakan moneter;
2. mangatur jo manjago kalancaran sistem pambayaran; sarato
3. mangatur jo mangawasi perbankan (tugas iko masih balaku pasca-UU OJK, tetapi difokuskan pado aspek makroprudensial dalam rangka manjago stabilitas sistem kauangan di Indonesia).

Katigo tugas tasabuik dijalankan sacaro taintegrasi agar tujuan mancapai jo mamaliharo kastabilan nilai rupiah dapek dicapai sacaro efektif jo efisien. Sasudah tugas mangatur jo mangawasi perbankan sacaro mikroprudensial dialihkan kapado Otoritas Jaso Kauangan, tugas BI dalam mangatur jo mangawasi perbankan tetap berlaku, namun difokuskan pado aspek sistem perbankan.

BI manjadi satu-satunyo lembaga nan mampunyoi hak untuak mangedarkan pitih di Indonesia. Dalam malaksanakan tugas jo wewenangnyo BI dipimpin dek Dewan Gubernur nan diketuai dek saurang Gubernur Bank Indonesia. Samanjak 24 Mei 2018, Perry Warjiyo manjabat sabagai Gubernur BI manggantian Agus Martowardojo.

Dasa Hukum

Pandirian Bank Indonesia didahului dari proses nasionalisasi De Javasche Bank NV (DJB) nan dilakukan pado Desember 1951 badasarkan Undang-Undang (UU) Nomor 24 Tahun 1951 Tentang Nasionalisasi De Javasche Bank NV. Sasudah DJB dinasionalisasi, Republik Indonesia mandirikan Bank Indonesia badasarkan Undang-Undang Nomor 11 Tahun 1953 Tentang Penetapan Undang-Undang Pokok Bank Indonesia nan disahkan pado 19 Mei 1953, diumumkan 2 Juni 1953, dan mulai balaku pado 1 Juli 1953. Tanggal barlakunyo UU tasabuik diparingati pulo sabagai hari lahir Bank Indonesia. Salain itu, di dalam UU tasabuik dinyatokan bahwa Bank Indonesia didirikan untuak batindak sabagai bank sentral Indonesia.

Dalam pajalanannyo, peran bank Indonesia mangalami parubahan sasuai pulo jo dinamika ekonomi, sosial sarato politik baiak nasional maupun global. Sajalan jo itu, UU nan manjadi dasar hukum eksistensi Bank Indonesia mangalami pagantian jo panyampurnaan. UU pado maso kini nan manjadi dasar hukum Bank Indonesia adolah UU Nomor 23 Tahun 1999 Tentang Bank Indonesia (nan alah babarapo kali mangalami panyampurnaan, tarakhir dengan UU No. 6 Tahun 2009).

Indak hanyo pado tataran UU, parubahan mandasa tajadi pulo pado tataran konstitusional. Amandemen Kaampek Undang-Undang Dasar Negara Republik Indonesia Tahun 1945 (UUD 1945), manyisipkan ciek pasal baru, 23D, nan babunyi, " Negara memiliki suatu bank sentral yang susunan, kedudukan, kewenangan, tanggung jawab dan independensinya diatur dengan Undang-Undang."

Sijarah

Gedung kantua pusek De Javasche Bank di Batavia, kini Museum Bank Indonesia

Pado 1827-28, Rajo Willem I manerbitkan Oktroi (Hak Ekslusif) pandirian De Javasche Bank (DJB) untuak mangatasi pamasalahan ekonomi jo kauangan di Koloni Hindia Balando nan muncua pasca-kebangkrutan VOC. DJB didirikan sabagai perseroan swasta dengan peran ganda: (1) sabagai bank sirkulasi dengan hak monopoli manerbitkan jo mangedarkan pitih rupiah; dan (2) sabagai bank komersial nan mambarikan jaso kauangan perbankan pado umumnyo (general banking services). Sabagai instrumen pamarintahan kolonial, pandirian DJB ditujukan untuak malakukan reformasi kauangan dan manerapkan sistem moneter nan saragam di dalam wilayah Hindia Balando. Oktroi I berakhir (kedaluwarsa) pada 1838. Akan tetapi, Kerajaan Belanda terus menerbitkan Oktroi baru sampai Oktroi VIII digantikan oleh Undang-Undang DJB (DJB-Wet) pada 1922.

Salamo maso Oktroi, DJB bahasia manyalasaikan pamasalahan moneter (nan tarutamo ditimbulkan dek panerbitan mato uang specie (tarutamo koin tambago) sacaro balabiahan) dan manerapkan standar nilai tuka ameh (gold-exchange standard). Oleh karano itu, meskipun mato uang di Pusek Karajaan (Holandia) dan di daerah koloni indak samo, namun kaduo mato uang tasabuik dapek ditransaksikan dengan kurs 1:1. Upayo mampatahankan kastabilan kurs tasabuik sangaik penting bagi persero-persero di daerah koloni, mangingek hampia saluruah kauntuangan usaho jo kalabiahan dana direpatriasi ka kantua-kantua pusek mereka di Balando. Pado masa Oktroi VIII, DJB alah mulai mampakenalkan sistem kliring di Batavia nan diikuti dek 6 bank tanamo maso itu: DJB, Nederlandsche Handel-Maatschappij, Hongkong and Shanghai Banking Corporation, Chartered Bank of India, Australia and China, jo Nederlands-Indische Escompto Maatschappij.

Pado maso Parang Dunia I, Balando manghentikan samantaro panerapan standar nilai tuka ameh akibaik manipisnyo cadangan ameh di Eropa. Salain itu, Karajaan Balando mangubah sacaro drastis tata kelola DJB dengan manerbitkan Undang-Undang DJB (De Javasche Bankwet) pado 1922. Badasarkan beleid tasabuik, DJB diwajibkan maminta arahan dari Pamarintah Karajaan dalam manjalankan kabijakan di daerah koloni. DJB wajib pulo mamparoleh pasatujuan dari Gubernur Jenderal Hindia Balando untuak urusan-urusan operasional tatantu. Salain itu, UU tasabuik lain mampakenalkan fungsi baru kapado DJB, yaitu sabagai agen fiskal atau pamegang kas umum pamarintahan kolonial. Babarapo amandemen tahadok UU tasabuik dilakukan sasudah 1922. Namun kamudian kadatangan Japang ka Indonesia pado maso parang dunia kaduo mambuek De Javasche Bank diubah manjadi NKG (Nanpo Kaihatsu Ginko) sabagai bank sentral pamarintahan militer Japang di Indonesia pado tahun 1942. Usai kakalahan Jepang pado parang dunia kaduo Balando baliak datang dan marabuik baliak Nanpo Kaihatsu Ginko dan marubah namonyo manjadi sarupo dulu De Javasche Bank pada 1945. Akan tetapi, struktur jo tata kelola DJB relatif indak barubah sampai katiko Pamerintahan Revolusi Indonesia mangambiak alih DJB dan mangubahnyo manjadi Bank Indonesia pado 1952.

Pado tahun 1953, Undang-Undang Pokok Bank Indonesia manatapkan pandirian Bank Indonesia untuak manggantikan fungsi De Javasche Bank sabagai bank sentral, dengan tigo tugas utamo di bidang moneter, perbankan, jo sistem pambayaran. Di sampiang itu, Bank Indonesia diagia tugas pantiang lain dalam hubungannyo dengan Pemerintah dan melanjuikan fungsi bank komersial nan dilakukan dek DJB sabalumnyo.

Tahun 1999 marupoan Babak baru dalam sijarah Bank Indonesia, sasuai dengan UU No.23/1999 nan manetapkan tujuan tunggal Bank Indonesia yaitunyo mancapai sarato mamaliaharo kastabilan nilai rupiah.

Pado tahun 2004, Undang-Undang Bank Indonesia diamendemen dengan fokus pado aspek pantiang nan takaiik dengan palaksanaan tugas jo wewenang Bank Indonesia, tamasuak panguatan governance. Pado tahun 2008, Pamarintah mangaluarkan Paraturan Pamerintah Pangganti Undang-Undang No.2 tahun 2008 tentang Parubahan Kaduo ateh Undang-Undang No.23 tahun 1999 tentang Bank Indonesia sabagai bagian dari upayo manjago stabilitas sistem kauangan. Amendemen dimaksudkan untuak maningkatkan katahanan perbankan nasional dalam manghadapi krisis global malalui paningkatan akses perbankan tahadok Fasilitas Pambiayaan Jangka Pendek dari Bank Indonesia.

Status jo Kadudukan

Sabagai Lembaga Negara nan Independen

Babak baru dalam sijarah Bank Indonesia sebagai Bank Sentral nan independen dimulai katiko sabuah undang-undang baru, yaitu Undang-Undang No. 23/1999 tentang Bank Indonesia, dinyatokan balaku pado tanggal 17 Mei 1999. Undang-undang iko memberikan status jo kadudukan sabagai suatu lembaga negara independen dan bebas dari campua tangan pemerintah ataupun pihak lainnyo. Sabagai suatu lembaga negara nan independen, Bank Indonesia mampunyoi otonomi panuah dalam marumuskan dan malaksanakan satiok tugas jo wewenangnyo sabagaimaoa ditantukan dalam undang-undang tasabuik. Pihak lua indak dibenarkan mancampuri palaksanaan tugas Bank Indonesia, dan Bank Indonesia bakawajiban pulo untuak manolak atau mangabaikan intervensi dalam bantuak apapun dari pihak manopun. Untuak labih manjamin independensi tasabuik, undang-undang iko alah memberikan kadudukan khusus kapado Bank Indonesia dalam struktur ketatanegaraan Republik Indonesia. Sabagai Lambago negara nan independen kadudukan Bank Indonesia indak sajajar jo Lambago Tinggi Negara. Disampiang itu, kadudukan Bank Indonesia indak samo pulo jo Departemen, karano kadudukan Bank Indonesia barado di lua Pamarintah. Status jo kadudukan nan khusus tasabuik diparalukan guno Bank Indonesia dapek malaksanakan peran jo fungsinyo sabagai otoritas moneter sacaro labiah efektif jo efisien.

Sabagai Badan Hukum

Status Bank Indonesia baiak sabagai badan hukum publik maupun badan hukum perdata ditatapkan dengan undang-undang. Sabagai badan hukum publik Bank Indonesia bawenang manetapkan paraturan-paraturan hukum nan marupoan palaksanaan dari undang-undang nan mangikek saluruah masyarakaik luweh sasuai dengan tugas jo wewenangnyo. Sabagai badan hukum perdata, Bank Indonesia dapek batindak untuak dan ateh namo surang di dalam maupun di lua pengadilan.

Tugas jo Tujuan

Dalam kapasitasnyo sabagai bank sentral, Bank Indonesia mampunyoi satu tujuan tungga, yaitunyo mancapai jo mamaliharo kastabilan nilai rupiah. Kastabilan nilai rupiah iko manganduang duo aspek, yaitunyo kastabilan nilai mato uang tahadok barang jo jaso, sarato kastabilan tahadok mato uang negara lain. Aspek partamo tacamin pado pakmbangan laju inflasi, samantaro aspek kaduo tacamin pado pakambangan nilai tuka rupiah tahadok mato uang negara lain. Parumusan tujuan tunggal iko dimaksudkan untuak mmpajaleh sasaran nan harus dicapai Bank Indonesia sarato bateh-bateh tanggung jawabnyo. Dengan demikian, tacapai atau indaknyo tujuan Bank Indonesia iko kelak akan dapek diukua dengan mudah.

Tigo Pilar Utama

Untuak mancapai tujuan tasabuik Bank Indonesia didukuang dek tigo pilar nan marupoan tigo bidang tugasnyo. Katigo bidang tugas iko adolah:

• Manatapkan jo malaksanakan kabijakan moneter.
• Mangatur jo manjago kalancaran sistem pambayaran, sarato
• Manjago stabilitas sistem kauangan.

Pangaturan jo Pangawasan

Dalam rangka tugas mangatur jo mangawasi perbankan, Bank Indonesia manatapkan paraturan, maagia izin jo mencabuik izin ateh kelembagaan atau kagiatan usaho tatantu dari bank, malaksanakan pangawasan ateh bank, sarato mengenakan sanksi tahadok bank sasuai dengan katantuan parundang-undangan nan balaku.

Dalam palaksanaan tugas iko, Bank Indonesia bawenang manatapkan katantuan-katantuan perbankan dengan manjunjung tinggi prinsip kahati-hatian.

Bakaitan dengan kawenangan di bidang parizinan, salain maagia izin jo mancabuik izin usaho bank, Bank Indonesia dapek pulo maagia izin pambukaan, panutupan jo pamindahan kantua bank, maagia persetujuan ateh kapamilikan dan kapangurusan bank, sarato maagia izin kapado bank untuak manjalankan kagiatan-kagiatan usaho tatantu.

Di bidang pengawasan, Bank Indonesia malakukan pangawasan langsuang maupun indak langsuang. Pangawasan langsuang dilakukan baiak dalam bantuak pamariksaan sacaro bakala maupun sawakatu-wakatu bilo diparalukan. Pangawasan indak langsuang dilakukan malalui panalitian, analisis dan evaluasi tahadok laporan nan disampaikan dek bank.

Upayo Restrukturisasi Perbankan

Sabagai upayo mambangun baliak kapercayaan masyarakaik tahadok sistem kauangan jo perekonomian Indonesia, Bank Indonesia alah manampuah langkah restrukturisasi perbankan nan komprehensif. Langkah iko mutlak diparalukan guno mamfungsikan baliak perbankan sabagai lambago parantaro nan akan mandorong patumbuahan ekonomi, disampiang sakaligus maningkatkan efektivitas palaksanaan kabijakan moneter.

Restrukturisasi perbankan tasabuik dilakukan malalui upayo mamuliahkan kapercayaan masyarakaik, program rekapitalisasi, program restrukturisasi kredit, panyempurnaan katantuan perbankan, jo paningkatan fungsi pangawasan bank.

Otoritas Moneter

Sabagai bank sentral, Bank Indonesia mampunyoi wewenang untuak mamutuihan jo malaksanakan kebijakan moneter nan tapek. Kabijakan itu bisa barupo Open Market Operation, Discount Policy, Sanering, jo Selective Credit.

Sistem Pambayaran

Manjago stabilitas nilai tukar rupiah adolah tujuan Bank Indonesia sabagaimano diamanatkan Undang-Undang No. 23 tahun 1999 tentang Bank Indonesia. Untuak manjago stabilitas rupiah itu paralu disokong pangaturan jo pangalolaan akan kalancaran Sistem Pambayaran Nasional (SPN). Kalancaran SPN iko pearalu juo didukuang dek infrastruktur nan handal (robust). Jadi, samakin lancar jo hadal SPN, mako akan samakin lancar pulo transmisi kabijakan moneter nan basifaik time critical. Bilo kabijakan moneter bajalan lancar mako muaronyo adolah stabilitas nilai tuka.

BI adolah lambago nan mangatur jo manjago kalancaran SPN. Sabagai otoritas moneter, bank sentral berhak manetapkan jo mambarlakukan kabijakan SPN. Salain itu, BI mampunyoi pulo kawenangan maagia pasatujuan jo parizinan sarato malakukan pangawasan (oversight) atas SPN. Manyadari kalancaran SPN nan basifaik penting sacaro sistem (systemically important), bank sentral mamandang paralu manyalanggaroan sistem settlement antar bank malalui infrastruktur BI-Real Time Gross Settlement (BI-RTGS).

Salain itu masih ado tugas BI dalam SPN, misalnyo, peran sabagai panyalanggara sistem kliring antarbank untuak jinih alaik-alaik pambayaran tatantu. Bank sentral adolah tamasuak satu-satunyo lambago nan berhak mangaluarkan jo mangedarkan alat pembayaran tunai sarupo uang rupiah. BI juga berhak mancabuik, menarik hinggo mamusnahkan uang rupiah nan alah indak balaku dari paredaran.

Babekal kawenangan itu, BI pun manetapkan sajumlah kabijakan dari komponen SPN iko. Misalnyo, alaik pambayaran apo nan buliah dipagunoan di Indonesia. BI juga manantukan standar alaik-alaik pambayaran tadi sarato pihak-pihak nan dapek manerbitkan dan/atau mamproses alaik-alaik pambayaran tasabuik. BI juga berhak manatapkan lambago-lambago nan dapek manyelenggarakan sistem pambayaran. Ambiak contoh, sistem kliring atau transfer dana, baiak suatu sistem utuh atau hanyo bagian dari sistem sajo. Bank sentral punyo pulo kawenangan manunjuak lambago nan dapek manyalanggarakan sistem settlement. Pado akhianyo BI juga mesti manatapkan kabijakan takaik pangandalian risiko, efisiensi sarato tata kalola (governance) SPN.

Di sisi alaik pambayaran tunai, Bank Indonesia marupaoan satu-satunyo lambago nan bwenang untuak mangeluaan jo mangedarkan uang Rupiah sarato mancabuik, manarik jo mamusnahkan uang dari paredaran. Takaik dengan peran BI dalam mangaluarkan jo mangedarkan uang, Bank Indonesia sanantiaso barupayo untuak dapek mamanuahi kabutuhan uang kartal di masyarakaik baiak dalam nominal nan cukuik, jinih pacahan nan sasuai, tapek wakatu, jo dalam kondisi nan layak edar (clean money policy). Untuak mawujudkan clean money policy tasabuik, pangalolaan pangedaran uang nan dilakukan dek Bank Indonesia dilakukan mulai dari pangaluaran uang, pangedaran uang, pancabutan jo panarikan uang sampai dengan pamusnahan uang.

Sabelum malakukan pangaluaran uang Rupiah, talabiah dahulu dilakukan parancanaan agar uang nan dikaluaan mampunyoi kualitas nan baiak sahinggo kapicayoan masyarakaik tatap tajago. Parancanaan nan dilakukan Bank Indonesia maliputi parancanaan pangaluaran emisi baru dengan mampatimbangkan tingkek pamalsuan, nilai intrinsik sarato maso edar uang. Salain itu dilakukan pulo parancanaan tahadok jumlah sarato komposisi pecahan uang nan nio dicetak salamo satu tahun kamuko. Badasarkan parancanaan tasabuik kamudian dilakukan pangadaan uang baiak untuak pangaluaran uang emisi baru maupun pancetakan rutin tahadok uang emisi lamo nan alah dikealuaan.

Uang Rupiah nan alah dikaluaan tadi kamudian didistribusian atau diedarkan di saluruah wilayah malalui Kantua Bank Indonesia. Kabutuhan uang Rupiah di satiok kantua Bank Indonesia didasarkan pado jumlah pasadioan, kaparaluan pambayaran, panukaran jo panggantian uang salamo jangka wakatu tatantu. Kagiatan distribusi dilakukan malalui sarana angkutan darat, laut jo udara. Untuak manjamin kaamanan jalur distribusi sanantiaso dilakukan baiak malalui pangawalan nan mamadai maupun dengan paningkatan sarana sistem monitoring.

Kagiatan pangedaran uang alah dilakukan pulo malalui palayanan kas kapado bank umum maupun masyarakaik umum. Layanan kas kapado bank umum dilakukan malalui panarimoan setoran jo pambayaran uang Rupiah. Sadangkan kapado masyarakaik dilakukan malalui panukaran sacaro langsuang malalui loket-loket panukaran di saluruah kantua Bank Indonesia atau malalui karajosamo dengan perusahaan nan manyadioan jaso panukaran uang ketek.

Lebiah lanjuik, kagiatan pangalolaan uang Rupiah nan dilakukan Bank Indonesia adolah pancabutan uang tahadok suatu pecahan dengan tahun emisi tatantu nan indak belaku lai sabagai alaik pambayaran nan sah. Pancabutan uang dari paredaran dimaksudkan untuak mancagah jo maminimalisasi paredaran uang palsu sarato manyaderhanakan komposisi jo emisi pecahan. Uang Rupiah nan dicabuik tasabuik dapek ditarik dengan caro manukarkan ka Bank Indonesia atau pihak lain nan alah ditunjuak dek Bank Indonesia.

Samantaro itu untuak manjago kualitas pitih Rupiah dalam kondisi nan layak edar di masyarakaik, Bank Indonesia malakukan kagiatan pamusnahan uang. Uang nan dimusnahkan tasabuik adolah uang nan alah dicabuik jo ditarik dari paredaran, uang hasia cetak kurang samparano dan uang nan alah indak layak edar. Kagiatan pamusnahan uang diatur melalui prosedur dan dilaksanakan dek jaso pihak katigo yang dengan pengawasan dek tim Bank Indonesia (BI).

BI Fast adolah pangganti sistem kliring nan mandukuang pambayaran nasional sarato tarintegrasi jo kauangan digital nan labiah murah digunoan sarato capek sacaro end to end.

Dewan Gubernur

Dalam malaksanakan tugas jo wewenangnyo Bank Indonesia dipimpin dek Dewan Gubernur. Dewan iko tadiri dari saurang Gubernur sabagai pamimpin, dibantu dek saurang Deputi Gubernur Senior sabagai wakil, dan sakurang-kurangnyo ampek atau sabanyak-banyaknyo tujuah Deputi Gubernur. Maso jabatan Gubernur jo Deputi Gubernur salamo-lamonyo limo tahun, dan mereka hanyo dapek dipiliah untuak sabanyak-banyaknyo tigo kali maso tugas.

Pangangkatan jo Pambarantian Dewan Gubernur

Gubernur jo Deputi Gubernur Senior diusulkan dan diangkek dek Presiden dengan pasatujuan DPR. Samantaro Deputi Gubernur diusulkan dek Gubernur jo diangkat dek Presiden dengan pasatujuan DPR. Anggota Dewan Gubernur Bank Indonesia indak dapek dibarantian dek Presiden, kacuali bilo mangundurkan diri, bahalangan tetap, atau malakukan tindak pidana kajahatan.

Pengambilan keputusan

Sabagai suatu forum pangambilan kaputusan tatinggi, Rapat Dewan Gubernur (RDG) disalanggaroan sakurang-kurangnyo sakali dalam sabulan untuak manatapkan kabijakan umum di bidang moneter, sarato sakurang-kurangnyo sakali dalam seminggu untuak malakukan evaluasi tahadok palaksanaan kabijakan moneter atau manatapkan kabijakan lain nan basifaik prinsipil jo strategis. Pangambilan kaputusan dilakukan dalam Rapat Dewan Gubernur, atas dasar prinsip musyawarah demi mufakat. Apobilo mufakaik indak tacapai, Gubernur manatapkan kaputusan akhia.

Caliak pulo

• Sertifikat Bank Indonesia
• Arsitektur Perbankan Indonesia
• Pusat Pelaporan dan Analisis Transaksi Keuangan
• Lembaga Penjamin Simpanan

Pautan lua

• Situs web resmi
• (Indonesia) Sejarah Pra Bank Indonesia (hingga 1953) Archived 2009-12-25 di Wayback Machine.
  Sejarah Bank Indonesia (1953–2005) Archived 2010-04-10 di Wayback Machine.