Bachtiar Effendi
Bachtiar Effendi | |
|---|---|
 Effendi, 1939 | |
| Lahia | Satalah 1903 |
| Maningga | 1 April 1976 |
| Kabangsaan | Indonesia |
| Dikana dek | Aktor jo pambuek filem |
Bachtiar Effendi (dieja Bachtiar Effendy; satalah 1903 – 1 April 1976) adolah surang aktor jo sutradara filem Indonesia nan aktif pulo sabagai komentator budayo. Inyo tajun ka dunia filem pado taun 1930 jo mambuek banyak film jo Tan's Film sabalun bagabuang jo kalompok sandiwara Dardanella. Sasudah manghabisan sapuluah taun di Malaya Britania, inyo baliak ka Indonesia jo manyutradarai babarapo film sabalun di kirim ka Italia sabagai press attaché. Inyo tingga di nagara itu untuak siso hiduikbyo, karano indak ditarimo di Indonesia sasudah mandukuang Pamarintah Revolusioner Republik Indonesia.
Kahidupan awal[suntiang | suntiang sumber]
Bachtiar adolah adiak dari Roestam Effendi, surang panyair komunis nan lahia pado taun 1903. Keluarga mereka barasal dari Padang, Sumatra Barat, tapi kakak-baradiak itu maninggakan Padang saat mandapekan pandidikan.[1] Bachtiar maunduran diri dari sikolah wakatu masih di Algemeene Middelbare School (satingkek Sekolah Menengah Atas); namun, itu alah labiah dari biaso untuak anak pribumi katiko itu. Daripado manjadi mahasiswa hukum sabagaimano dituntuik urang gaeknyo, Bachtiar manjadi buruah pado Tan's Film.[2]
Bachtiar main filem untuak partamo kali pado taun 1930 dalam Si Ronda. Inyo manjadi sutradara kaduo kudian sakaligus aktor untuak Melati van Agam (1931). Pado taun 1932 inyo manyutradarai filem bicara Njai Dasima.[2] Sasudah itu inyo maninggaan Tan's untuak menggantikan Andjar Asmara sabagai redaktur majalah filem Doenia Film.[2]
Bachtiar bagabuang jo kalompok sandiwara Dardanella pado taun 1936 sabagai pamain;[2] Andjar batugas sabagai panulih.[3] Kaduonyo maninggaan Dardanella ndak lamo kamudian untuak mandirikan kalompok sandiwara Bolero.[2] Sasudah Andjar maninggaan Bolero pado tahun 1940 supayo bisa bakarajo di Java Industrial Film miliak The Teng Chun,[3] Bachtiar manjadi pamimpin Bolero;[2] kalompok itu manjadi labiah vokal dalam mangkritik korupsi nan ado pado zaman itu.[4] Pado saat itulah, inyo manikah jo Zuhara.[5]
Pasca-kemerdekaan[suntiang | suntiang sumber]
Kalompok sandiwara Bolero batampek di Malaka hinggo taun 1945; salain karajonyo jo Bolero, Bachtiar manjadi talibaik jo sinema Malaysia sarato manjadi "ksatria budaya" ("culture warrior") dalam pers Malaka.[2][6][7] Bachtiar ditahan di Singapura karano indak mandukuang Inggirih,[2] tatapi sasudah dibebasan inyo mandapekan peran dalam filem Seruan Merdeka pado taun 1949.[7] Inyo baliak ka Indonesia – nan alah merdeka pado taun 1945 – sakitar taun 1950; di Indonesia inyo mulai manyutradarai sajumlah film untuak Perusahaan Film Nasional, atau PFN.[2] Iko tamasuak Djiwa Pemuda (1951), nan merupoan gugatan supayo bakeh prajurit mulai bakarajo samo demi kamajuan nasional.[8]
Pado taun 1955 Bachtiar manjadi press attaché di Italia. Di akhia dekade itu inyo manyatoan dukuangannyo untuak Pamarintah Revolusioner Republik Indonesia (PRRI), sabuah usaho revolusi nan gagal. Satalah PRRI dibasmi, Bachtiar mangambiak kaputusan untuak manatap di Italia; konon inyo mendapekan peran ketek dalam filem Italia.[9] Sasudah pamarintah Soekarno runtuah padao taun 1960-an, Bachtiar mulai pulang-pai dari Italia ka Indonesia; dalam kunjuangan-kunjuangan itu inyo basobok jo keluarga, main dalam iklan, jo mampalancar hubuangan Italia-Indonesia. Inyo maningga di Roma pado tanggal 1 April 1976.[9]
Filmografi[suntiang | suntiang sumber]
Pe'amain[suntiang | suntiang sumber]
| Taun | Filem | Peran |
|---|---|---|
| 1930 | Si Ronda | Ronda |
| 1930 | Melati van Agam | – |
| 1951 | Bunga Rumah Makan | – |
Kru[suntiang | suntiang sumber]
| Taun | Filem | Peran |
|---|---|---|
| 1932 | Njai Dasima | Sutradara jo panulih |
| 1951 | Djiwa Pemuda | Sutradara |
| 1953 | Meratjun Sukma | Sutradara |
| 1954 | Antara Tugas dan Tjinta | Sutradara |
Rujuakan[suntiang | suntiang sumber]
Catatan kaki
- ↑ Eneste 2001, hlm. 203.
- ↑ a b c d e f g h i Said 1982, hlm. 138.
- ↑ a b Said 1982, hlm. 137.
- ↑ Bayly & Harper 2007, hlm. 116.
- ↑ I.N. 1981, hlm. 215.
- ↑ Harper 2001, hlm. 290.
- ↑ a b Bayly & Harper 2007, hlm. 511.
- ↑ Susanto 2003, hlm. 243.
- ↑ a b Filmindonesia.or.id, Bachtiar Effendy.
Bibliografi
- "Bachtiar Effendy". Filmindonesia.or.id. National Library of Indonesia and Sinematek. Diarsipkan dari versi asli tanggal 2012-08-27. Diakses tanggal 27 August 2012.
- Bayly, Christopher Alan; Harper, Timothy Norman (2007) (dalam bahaso en). Forgotten Wars: Freedom and Revolution in Southeast Asia. Cambridge: Belknap Press. ISBN 978-0-674-02153-2. http://books.google.ca/books?id=0M4Pl_VCExgC.
- Eneste, Pamusuk (2001). Buku Pintar Sastra Indonesia (edisi ke-3rd). Jakarta: Kompas. ISBN 978-979-9251-78-8.
- Harper, T. N (2001) (dalam bahaso en). The End of Empire and the Making of Malaya. Cambridge: Cambridge University Press. ISBN 978-0-521-00465-7. http://books.google.ca/books?id=lmazmo6_RYMC.
- Said, Salim (1982). Profil Dunia Film Indonesia. Jakarta: Grafiti Pers. OCLC 9507803.
- Susanto, A. Budi (2003). Identitas Dan Postkolonialitas Di Indonesia. Yogyakarta: Kanisius. ISBN 978-979-21-0851-4. http://books.google.ca/books?id=9kLvaPvUoeUC.
- I.N., Soebagijo (1981) (dalam bahaso id). Jagat Wartawan Indonesia. Jakarta: Gunung Agung. OCLC 7654542.
Tautan lua[suntiang | suntiang sumber]
- (Inggirih) Bachtiar Effendi pado Internet Movie Database.