Awaluddin Djamin

Awaluddin Djamin

Biografi
Lahia	26 September 1927 Koto Padang
Kamatian	31 Januari 2019 (91 tahun (id) terjemahkan) Daerah Kusuih Ibukota Jakarta
Kalompok etnis	Urang Minangkabau
Almamater	Sekolah Tinggi Ilmu Kepolisian (id) Universitas Pittsburgh (id) Universitas California Selatan
Kagiatan
Karajo	Pagawai negeri sipil
Periode aktif	1950  –
Kaluarga
Abak	Marah Djamin (id) , Zulhidjah (id)
Sanak saibu/sabapak	Zoraidah (id)

Jenderal Polisi (Purn.) Dr. Awaloeddin Djamin, M.P.A. (lahia di Padang, Sumatera Barat, 26 September 1927 – maningga di Jakarta, 31 Januari 2019 pado umua 91 taun) adolah Kapolri pariode 1978 - 1982. Baliau-pun tamasuak pajuang kamardekaan pado maso pajuangan malawan Balando.

Karier

Kapolri Letjen Awaloedin Djamin menerima kunjungan kehormatan Kepala Kepolisian Filipina Mayjen Fidel V Ramos (kiri), Desember 1979.

Satamat SLTA, baliau malanjuik-an studinyo di Fakultas Ekonomi (1949-1950). Masuak manjadi prajurik polisi, lalu manampuah pandidikan di PTIK sampai luluih taun 1955. Baliau lalu ditampek-an pado bagian Sekretariat Jawatan Kepolisian Nagaro (1955) sarato manjabat Kasi Umum Sekretariat Jawatan Kepolisian Nagaro (1958). Sasudah tu baliau mampadalam studinyo di University of Pitsburgh sarato dilanjuik-an ka University of Southern California, Amerika Sarikaik, hinggo manggondol gala PhD pado 1962.

Sapulang dari Amerika Sarikaik, Awaloedin manjabat sabagai Lektor Lua Biaso PTIK (1964). Lalu, berturuik-turuik manjadi Direktur Kekaryaan Depak (1964), Anggota Musyawarah Pambantu Parancana Nasional (1965), Anggota DPRGR (1964-1966), Mantari Tanago Karajo Kabinet Ampera (1966), sarato Deputi Pangak Urusan Khusuih samaso Kapolri Hoegeng Iman Santoso (1968). Sabalun ditugehan sabagai Duta Basa RI untuak Jerman Barat (1976), talabiah dulu baliau manjadi Direktur Lembaga Administrasi Nagaro (1970). Lalu akhianyo, baliau dipanggia pulang ka Jakarta untuak dilantiak dek Presiden Soeharto manjadi Kapolri, pado 26 September 1978.

Awaloedin manjabat Kapolri salamo ampek taun, dari taun 1978 sampai taun 1982. Salain samaso kapamimpinannyo organisasi Polri diarahan pado kalambagaan nan dinamis jo profesional, pado maso Awaloedin pulo KUHAP UU No. 8 Taun 1981 sabagai hasil karya bangso Indonesia sandiri disahkan DPR-RI. KUHAP sabagai pangganti Het Herziene Inlandsh Reglement (HIR), hukum acara pidana produk kolonial Belanda nan dianggap alah usang sarato indak manusiawi. Dalam hal iko, Polri baparan aktif manyumbangan pokok-pokok pikiran untuak materi KUHAP baru tu.

Hasratnyo dalam bidang pandidikan, tanyato alun ilang. Tabukti, Awaloedin masih pulo mangabdian dirinyo dalam pandidikan jo pangambangan profesi kapolisian. Sasudah indak lai manjadi Kapolri baliau masih basadio manjabat sabagai Dekan PTIK nan notabene barado di bawah Kapolri. Tapi kacintaan kapado Polri sarato demi nusa jo bangso mambuek Awaloedin indak namuah tajabak dalam status simbol. Mako baliau mamiliah tatap manarimo jabatan Dekan PTIK.

Bintang Jaso

Awaloedin manarimo sajumlah panghargaan sabagai tando jasonyo. Diantaronyo manarimo Bintang Dharma, Bintang Bhayangkara sarato Bintang Mahaputra Adipradana. Sarato pulo jo Satya Lencana Parang Kamardekaan (I dan II), Satya Lencana Karya Bhakti, Satya Lencana Yana Utama, Satya Lencana Panca Warsa, Satya Lencana Penegak dan Satya Lencana Veteran Pejuang RI. Dari lua nagari, baliau manarimo Das Gross Rreuz (Pamarentah Jerman Barat).

Pautan lua

• (Indonesia) Awaloeddin Djamin "Menangkap Orang Harus Ada Bukti Permulaan"

Didaului jo: Widodo Budidarmo

Kapalo Kapolisian Negara Republik Indonesia 1978–1982

Digantian dek: Anton Soedjarwo