Avril Lavigne
Avril Lavigne | |
|---|---|
_(cropped).jpg) Lavigne di taun 2024 | |
| Lahia | Avril Ramona Lavigne 27 September 1984 Belleville, Ontario, Kanada |
| Kawarganagaraan |
|
| Karojo |
|
| Taun aktif | 1999–kini |
| Pasangan | Chad Kroeger (m. 2013–2015) |
| Musical career | |
| Genre musik | |
| Label rekaman | |
| Website | avrillavigne.com |
| Signature | |
 | |
Avril Ramona Lavigne adolah panyanyi jo panulih lagu asa Kanada. Inyo adolah musisi kunci dalam pakambangan musik pop-punk, karano inyo mambukak jalan untuak musik pop, tautamo dari panyanyi padusi. Panghargaannyo tamasuak lapan kali nominasi Pangharagoan Grammy.[1]
Karir
[suntiang | suntiang sumber]Pado umua 16 taun, Lavigne manandotangani kontrak rekaman duo album jo label rekaman Arista Records.[2] Album partamonyo, Let Go (2002), adolah album paliang laku pado abaik ka-21 yang dibuek dek artis asa Kanada.[3] Album iko mahasilan singel sukses "Complicated" jo "Sk8er Boi". Album iko juo manjadian Lavigne mandapek gala "Ratu Pop-Punk" jo "Putri Pop Punk" dari media musik. Album kaduonyo, Under My Skin (2004), manjadi album patamo Lavigne nan mancapai puncak tangga lagu Billboard 200 di Amerika Sarikaik,[4] dan tajua sabanyak 10 juta eksemplar di saluruah dunia.[3]
Album katigonyo, The Best Damn Thing (2007), mancapai nomor satu di tujuah nagara di saluruah dunia dan single utamonyo "Girlfirend", manjadi single patamo Lavigne nan mancapai puncak Billboard Hot 100 di Amerika Sarikaik.[5] Duo album barikuiknyo, Goodbye Lullaby (2011) jo Avril Lavigne (2013), sukses sacaro komersial dan kaduonyo mandapek sertifikasi ameh di Kanada, Amerika Sarikaik, jo wilayah lainnyo.[6] Sasudah marilis album kaanamnyo, Head Above Water (2019), inyo babaliak ka genre musik awalnyo "pop punk" jo album katujuahnyo, Love Sux (2022).
Pado taun 2022, Lavigne manarimo bintang Hollywood Walk of Fame. Penghargaan ko dirasmian tanggal 31 Agustus untuk mahormati Lavigne dek alah manarimo 8 kali nominasi Grammy Award, sarato mamparingati ulang tahun ka-20 rilis album patamonyo, Let Go.[1]
Album
[suntiang | suntiang sumber]- Let Go (2002)
- Under My Skin (2004)
- The Best Damn Thing (2007)
- Goodbye Lullaby (2011)
- Avril Lavigne (2013)
- Head Above Water (2019)
- Love Sux (2022)
Rujuakan
[suntiang | suntiang sumber]- ↑ a b "Avril Lavigne Terima Bintang di Hollywood Walk of Fame". pramborsfm (dalam bahasa Indonesia). 2022-09-01. Diakses tanggal 2025-02-15.
- ↑ "Arista Records and Legacy Recordings Celebrate Avril Lavigne's Iconic Debut Album with Release of Let Go (20th Anniversary Edition) – Sony Music Canada". www.sonymusic.ca. Diakses tanggal 2025-02-15.
- ↑ a b Fulton, Rick (2011-01-10). "Avril Lavigne: Madonna is my idol". Daily Record (dalam bahasa Inggris). Diakses tanggal 2025-02-15.
- ↑ Cabison, Rosalie (2013-01-02). "Billboard 200™". Billboard (dalam bahasa Inggris). Diakses tanggal 2025-02-15.
- ↑ Anderson, Trevor (2018-05-04). "Rewinding the Charts: In 2007, Avril Lavigne Landed Her First Hot 100 No. 1 With 'Girlfriend'". Billboard (dalam bahasa Inggris). Diakses tanggal 2025-02-15.
- ↑ "GOODBYE LULLABY by AVRIL LAVIGNE sales and awards". BestSellingAlbums.org (dalam bahasa Inggris). Diakses tanggal 2025-02-15.