Asosiasi Pelajar Islam Sumatra Barat

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Asosiasi Pelajar Islam Sumatra Barat, singkatan Assalam adolah organisasi Islam esktrasikolah nan mewadahi pelajar jo mahasiswa se-Sumatra Barat. Organisasi ko tagak pado 27 Oktober 1999, mangawali perannyo sabagai forum silaturahmi organisasi instrasikolah Kerohanian Islam (Rohis) SLTP jo SLTA saderajaik sa-Sumatera Barat. Assalam ko rutin maadoan acara antarsikolah barupo lomba, kajian agama, latihan dasar kapemimpinan, penggalangan dana, jo aksi turun ka jalan.

Tagaknyo Assalam ko ditandoi jo musyawarah maraton nan digagas dek Lembaga Pembina Pelajar Muslim (LPPM) Sumatra Barat pado 25–27 Oktober 1999 di Musajik Nurul Iman, Padang. Dalam musyawarah nan diikuikan anggota jo alumni Rohis, manyapakaikan Mahdivan Shafwan dari SMA Negeri 1 Padang sabagai Ketua Umum Assalam periode patamo. Saaik iko, sasuai hasil Musyawarah Besar Assalam nan ka-22 pado 20 Desember 2021, Ketua Umum Assalam dipacik dek Muhammad Arvito Ramadhan dari DPD Kota Padang.

Rujuakan[suntiang | suntiang sumber]