Arab pra-Islam
Arab pra-Islam adolah Samananjuang Arab jo sapanjang wilayah kabutara di Gurun Suriah sabalum muncuanyo Islam.[1] Pariode ko dimulai dari maso pra-sijarah Arab, sajak pamukiman manusia paliang awal hinggo muncuanyo karajaan-karajaan gadang di kawasan tu sakitar tahun 1000 SM, jo dilanjuikan dek pariode dokumentasi historis nan balansuang hinggo abaik ka-7 M.
Arab pra-Islam mancakuik baiak panduduak nomaden maupun nan manatap. Babarapo komunitas manatap mangambangan paradaban nan khas. Arab Timur marupokan tampek badirinyo paradaban-paradaban paliang awal di kawasan tu, takah Dilmun, nan dikenal dari sumber-sumber Mesopotamia malalui jariangan padagangan nan laweh. Pado maso salanjuiknyo dalam sijarah pra-Isalnyo, Arab Timur barado di bawah kuaso baturuik-turuik kakaisaran Persia, yaitu Partia jo kamudian Sasaniyah. Arab Selatan manjadi tampek badirinyo sajumlah karajaan sajak awal milenium patamo SM, takah karajaan Saba jo Ma'in. Sadangkan Arab Utara marupokan pusek Karajaan Nabatea salamo babarapo abaik, sabalum ditakluakan dek Kakaisaran Romawi pado tahun 106 M jo kamudian dikenal sabagai provinsi Arab Petraea.[2]
Agamo nan dianuik di Arab pra-Islam sangaik baragam. Politeisme mandominasi sabagian gadang sijarah kawasan tu (tautamo dalam bantuak-bantuak nan bakaikan jo agamo Semitik kuno), namun sajak abaik ka-4, monoteisme mulai manyeba. Komunitas Kristen jo Yahudi nan gadang tabantuak, tautamo di bagian utara jo selatan, basamo jo kalompok-kalompok monoteistik lainnyo nan indak taafiliasi jo kaduo agamo tu.[3]
Rujuakan
[suntiang | suntiang sumber]- ↑ Hoyland 2002, hlm. 1–5.
- ↑ Taylor, Jane (2005). Petra. London: Aurum Press Ltd. pp. 25–31. ISBN 9957-451-04-9.
- ↑ Lindstedt 2023, hlm. 1–144.
Bibliografi
[suntiang | suntiang sumber]- Hoyland, Robert G. (2002), Arabia and the Arabs: From the Bronze Age to the Coming of Islam, Routledge, ISBN 978-1-134-64634-0
- Lindstedt, Ilkka (2023). Muhammad and His Followers in Context: The Religious Map of Late Antique Arabia. Brill.