Aia tigo raso

Wikipedia Minangkabau - Lubuak aka tapian ilimu

Aia Tigo Raso marupokan Objek Wisata nan lokasinyo di Jorong Muko-Muko, Nagari Koto Malintang, Kecamatan Tanjung Raya, Kabupaten Agam, Sumatra Barat. Objek Wisata nan babantuak kolam jo ukuran sekitar 2 x 3 meter itu, tampak biaso katiko didatangi. Namun katiko mancubo maminum aia dari katigo sumber mato aia itu ado raso nan babeda-beda. Partamo rasonyo agak manih, nan kaduo taraso sepat atau agak pahit sarato nan katigo rasonyo agak asam. [1]

Aia Tigo Raso (air tiga rasa) adolah salah satu wisata terunik nan ado di Sumatra Barat karano dalam ciek kolam ado tigo raso aianyo. Uniknyo, tigo mato aia nan ado dalam ciek kolam iko indak disekat-sekat atau diagiah bateh nan mambuek raso aia manjadi bacampua, ado raso manih, pahit, sarato asam.

Kolam nan baukuran 2x3 Meter iko tampak biasao saja katiko diliek. Namun, katiko lah mancubo maminum aia dari babarapo sumber mato aia mako akan tau raso aianyo nan babeda-beda.

Hinggo kini alun dikatahui zat apo nan dikanduang Aia Tigo Raso, karano alun ado penelitian ilmiah nan mandalam. Namun banyak warga nan mayakini aia tigo raso bisa manyembuhkan bamacam panyakik, tamasuak panyakik kulik, ado juo nan picayo aia tigo raso bisa mambuek awet muda, bahkan wisatawan dari luar kota ado nan mambao aia tigo raso karano dipicayo mampunyoi magis. [2]

Referensi[suntiang | suntiang sumber]

  1. uzer. "Web Company Profile Pemerintah Kabupaten Agam". disparpora.agamkab.go.id. Diakses tanggal 2022-07-25. 
  2. News, Tagar (2017-12-23). "Aia Tigo Raso Wisata Paling Unik di Sumatera Barat". TAGAR (dalam bahasa Indonesia). Diakses tanggal 2022-08-23.