Ahmadsyah dari Pagaruyuang
| Ahmadsyah | |||||
|---|---|---|---|---|---|
| Rajo Alam Minangkabau | |||||
| Bakuaso | 1668 – 1674 | ||||
| Panaruih | Indermasyah | ||||
| |||||
Yang Dipatuan Pagaruyuang Rajo Alam Ahmadsyah disabuik juo Sultan Ahmadsyah adolah Rajo Alam Pagaruyung.[1]
Biografi
[suntiang | suntiang sumber]Kamunculan namo Sultan Ahamdsyah sabagai Yang Dipatuan Pagaruyuang didasarkan dari korespondensi surek-manyurek antaro saurang regent VOC di Padang, Jacob Pits, jo rajo Minangkabau, salah satunyo surek nan batanggal 9 Oktober 1668 nan ditujukan untuak Sultan Ahmadsyah, Iskandar Zulkarnain, panguaso Minangkabau nan kayo jo ameh.[1] Isi surek itu maagiah tau basonyo VOC alah barasia mausia pangaruah Kasultanan Aceh di sapanjang pasisia barat Pulau Sumatera. Kudian mamintak rajo Minangkabau untuak baliak mambukak ubuangan dagang untuak maaliahkan baliak asia ameh ka pasisia pantai barat.
Manuruik catatan Balando, kamungkinan Sultan Ahmadsyah maningga pado taun 1674.[2] Sabalunnyo pado taun 1670, Balando manarimo surek dari nan manyabuik diri sabagai rajo Suruaso[3], kudian disusua surek pado taun 1678, dan dek Jacob Pits dirujuak kapado Yang Dipatuan Indomo.[4] Manuruik surek nan sampai pado taun 1703, Sultan Ahmadsyah mampunyoi saurang anak nan banamo Indermasyah dari Suruaso[5] nan kudian manggantiannyo sabagai rajo Minangkabau. Surek tasabuik manyabuik juo baso Sultan Ahmadysah anak dari Sultan Khalifatullah Indramasyah.