Adu kabau

Wikipedia Minangkabau - Lubuak aka tapian ilimu
Adu kabau

Adu kabau adolah sabuah pamainan maadu kabau nan kini hanyo dapek diliek di Kecamatan Sepuluh Koto, Kabupaten Tanah Datar, Sumatera Barat. Pamainan iko hanyo diadokan dek urang gadang nan bataranak kabau. Adu kabau iko diadoan di lapangan laweh sarupo lapangan bola. Adu kabau iko adolah hiburan bagi masyarakaik walau sabagian urang manilai adu kabau iko cukuik indak baparasaan.[1]

Pamainan adu kabau hanyo untuak kabau jantan, kabau batino indak buliah ikuik sato. Kabau nan digunoan adolah kabau untuak ka sawah. Indak ado kelas untuak kabau iko, makasuiknyo, kabau nan gadang badannyo samo nan biaso sajo pun diadu di pamainan ko. Wakatu kabau sadang diadu, panonton biasonyo mailikan saruang di lihianyo sabagai tando inyo ikuik taruahan.[2]

Sijarah[suntiang | suntiang sumber]

Minangkaba marupokan suku gadang di wilayah Sumatra Barat nan kayo akan warisan sijarah jo budayo. Minangkabau diambiak dari kato minang nan barari kamanangan sadangkan kabau nan barati kabau. Dapek disimpuakan jo kato lain Minangkabau bararti "Kabau nan Manang". Panamoan iko bahubuangan arek jo sijarah tabantuaknyo Minangkabau nan diawali kamanangan dalam sabuah partandiangan adu kabau untuak maakhiri paparangan malawan kerajaan gadang dari Pulau Jawa.[2]

Suku Minangkabau memang mampunyoi katarkaitan nan sangaik arek jo hewan taranak bakaki ampek yang disabuik kabau. Itu antaro lain talihaik pado babagai identitas budayo Minang, sarupo atok rumah tradisional (Rumah Bogonjong). Rumah adaik nan acok disabuik Rumah Gadang itu babantuk sarupo tanduak kabau. Baitu pulo pado pakaian padusinyo (Baju Tanduak Kabau).[1]

Alah baratuih-ratuih tahun lamonyo kabau manjadi sabuah binatang favorit di Provinsi Sumbar. Badan kabau nan gadang jo kekar dianggap bisa manolong babagai macam karajo manusia. Sarupo karajo lamo nan dikarajokan jo bantuan tanago kabau adolah manggiliang tabu. Jo alaik sadarhana, kabau dikabek di sabuah batuang nan tahubuang jo alaik parameh tabu tradisional. Salamo lapan jam bakarajo, kabau taruih-manaruih baputa mangaliliangi alaik parameh. Uniknyo, supayo sikabau indak paniang kapalonyo, matonyo ditutuik jo duo buah tampuruang nan dilapisi kain. Aia tabu hasil ramehaan kabau itulah nan kamudian manjadi cikal bakal pambuatan gulo merah tradisional. Masyarakaik Minang picayo gulo merah hasil karajo kareh kabau labiah lamak dari alaik modern.[2]

Kaitan jo Sijarah Minang[suntiang | suntiang sumber]

Dari sisi sijarah, kabau bagi suku gadang di Sumbar alah maantaan kejayaan di maso silam. Dahulu kala karano bantuan kabau-lah masyarakaik di Sumbar manang parang malawan suku Jawa. Akhianyo sampai kini manamokan dirinyo sabagai suku Minangkabau.Jadi parang indak juo jadi kami usuakan untuak adu kabau sajo. Dek pihak panyarang dicarilah kabau nan paliang gadang di daerahnyo latakkan di tangah parak. Urang awak hanyo anak kabau nan sadang manyusu. Karano kabau nan sudah duo hari indak minum susu, balari mangaja susu amaknyo. Jadi paruik kabau gadang tu cabiak karano kabau tadi lari manyarodok kabau gadang.[2]

Rujuakan[suntiang | suntiang sumber]

  1. a b Ensiklopedi Minangkabau. PPIM Sumatera Barat. 28 Maret 2005. 
  2. a b c d https://www.liputan6.com/news/read/97884/adu-kerbau-adu-kehormatan