Adu Kerito Surong

Wikipedia Minangkabau - Lubuak aka tapian ilimu
Permainan Adu Kerito Surong

Adu Kerito Surong adolah permainan tradisional dari Provinsi Bangka Belitung nan alah ditetapkan manjadi Warisan Budaya Takbenda Indonesia pado tahun 2015. Karya Budaya iko masuak dalam domain tradisi jo ekspresi lisan dengan nomor registrasi pancatatan 2014004870. Kerito Surong indak sakadar permainan rekreatif nan mangutamoan kecepatan, katarampilan, katangkasan, jo kasaimbangan, namun juo mangandung pasan kabasamoan masyarakaik Bangka.[1]

Pasebaran jo Sijarah[suntiang | suntiang sumber]

Pasebaran permainan Adu Kerito Surong tajadi di saluruah palosok Pulau Bangka, tarutamo di kabupaten Bangka Tengah. Di kabupaten iko, permainan tradisional Kerito Surong bakambang di desa Sungai Selan, desa Namang, desa Simpang Katis, Desa Dul, dan desa-desa nan umumnyo masih manggunoan alaik angkutan tradisional barupo "Kerito Surong".

Awanyo, Kerito Surong dikenal sabagai alaik transportasi masyarakaik.[2] Kandaraan iko pado zaman Hindia Belanda digunoan sabagai alaik pangangkuik Timah di wilayah sakitar tambang timah di daerah Muntok dek masyarakaik Tionghoa. Dalam pakambangannyo, Kerito Surong manjadi alaik transportasi untuak mangangkuik babagai barang jo urang-urang. Masyarakaik asli Melayu Bangka nan mancaliak panggunoan Kerito Surong sabagai moda transportasi, kamudian mamanfaatkannyo sabagai alaik angkuik hasia pertanian lado, kolang-kaling, mangga, tamasuak pulo kayu bakar. Kerito Surong kamudian acok digunoan dek panduduak untuak mangangkuik hasia panen lado ka tampek parandaman di batang aia. Suka ria sahabis panen lado disambuik dengan kagambiraan manaiki Kerito Surong. Ikoah awa kamuncualan pamainan Adu Kerito Surong nan diangkek malalui kagiatan sahari-hari petani lado nan mambuek suasana panen lado panuah kagembiraan.[1]

Caro Bamain[suntiang | suntiang sumber]

Dalam bamain Adu Kerito Surong dibutuahkan kecepatan, katangkasan, kasaimbangan, dan karajosamo antar anggota regu dengan aturan permainan sabagai barikuik:[3]

  1. Permainan iko dibagi dalam duo regu nan dipimpin dek saurang sesepuh Kampung. Satiok regu tadiri ateh 4 urang pamain atau labiah nan manampilkan hiburan tarian "para pemetik lada" di lapangan tabukak dengan iriangan lagu Dambus. Ado modifikasi permainan Kerito Surong. Dulu patunjuakan permainan hanyo diiringi dek sorak sorai jo tapuak tangan. Namun, karano batujuan untuak labiah manghibur masyarakaik mako ditambah dengan iringan musik Dambus. Adopun judul lagu-lagu nan dinyanyian di patunjuakan permainan iko antaro lain Abu Samah, Hujan Gerimis, Ma’ Inang, dan Youmia. Lagu-lagu tasabuik manganduang arati nasihat, religi, jo candoan.
  2. Sasudah manampilkan hiburan tarian, tiap regu nan dipimpin sesepuh kampuang dikumpuaan dek saurang nan batindak sabagai wasit untuak mangundi dan manjalehan aturan main Adu Kerito Surong.
  3. Sasudah kaduo regu sapakaik, mako tiok regu maambaik tampek nan alah disadioan dengan Kerito Surong masiang-masiang dan saurang manjadi pangamudi di atehnyo. Kaduo regu saliang baradu kecepatan manampuah jarak jo rintangan nan alah disapakati, antaro lain jalan, lari babelok-belok (zig-zag run) dengan tikungan, jembatan bidai, jo papan kasaimbangan. Adopun makna dari halang rintang lintasan tasabuik antaro lain:
    1. Jalan/lari babelok: untuak manguji regu mambawo, mamikua jo mandorong Kerito Surong bia dapek mangkoordinasikan utak kanan jo kiri, sarato kecepatan bapikia kritis.
    2. Tikungan: dimukasuikan bia pamain mampu manjago kasaimbangan jo maagian atraksi nan mamukau panonton.
    3. Jembatan bidai: batujuan untuak mansalaraskan panampilan, kakuatan, kecepatan, jo kalincahan.
    4. Jembatan kasaimbangan: digunoan untuak manguji kasado potensi jo karajosamo nan baiak antar anggota (kakompakan).
    5. Ciek hal nan manjadi catatan dalam permainan tradisional iko yaitunyo pangambilan kaputusan jo pambarian tungkek estafet pado katiko regu barado di rintangan jembatan bidai. Hal iko manyiratkan pasan filosofis bahwasanyo katiko musim panen tibo dengan hasia nan malimpah ruah untuak salalu mambarikan sabagian hasia tasabuik kapado urang lain.
  4. Sasudah manampuah lintasan halang rintang, regu nan alah salasai maambiak atau maagia tungkek di tampek nan alah ditantuan, mako regu lain malanjuikan permainan tasabuik sampai wakatu nan alah ditantuan dek sesepuh kampuang.
  5. Regu nan banyak mangumpuan tungkek estafet (bahan pangan atau pasadioan Lada) dengan wakatu tacapek akan diputuskan manjadi pamanang. Hal iko manyiratkan makna bahwasanya siapo banyak mangumpuaan amal kabaikan mako inyolah nan sasungguahnyo manjadi pamanang.

Kostum Pamain, Alaik, jo Instrumen Pandukuang[suntiang | suntiang sumber]

Kostum Pemain Kerito Surong

Kostum peserta permainan tradisional Adu Kerito Surong antaro lain:

  • Pakaian tradisional Bangka (dibedaan putiah jo hijau pado tiok regu)
  • Kain Sarung jo Parang
  • Sandal cuhai
  • Terindak (topi pandan)

Alaik-alaik nan digunoan untuak bamain Adu Kerito Surong antaro lain:

  • Tali plastik
  • Kerito Surong (Kereta dorong) nan barasa dari kayu pohon pelempang, durian, jo gerunggang.
  • Roda: Kayu Banir (Akar) Cempedak, kayu nan diyakini gadang jo kuek.
  • Suyak nan marupoan karanjang anyaman rotan atau bambu nan dulu untuak tampek panen lado.
  • Bidai Kayu nan barasa dari kayu Gerunggang
  • Jembatan Bambu atau Kayu nan barasa dari kayu Ulo-Ulo
  • Kayu Pentungan (kayu estafet)
Alat Musik Dambus

Adopun instrumen musik pandukuang iolah:

Nilai-Nilai Permainan[suntiang | suntiang sumber]

Permainan Adu Kerito Surong mampunyoi ampek nilai utamo antaro lain:

  1. Malatiah gerak fisik nan tangkeh, capek jo saimbang;
  2. Mambangun budaya karajosamo;
  3. Membangun suasana kompetisi nan positif;
  4. Membangun kabiasoan untuak babagi rezeki.

Modifikasi jo Prestasi[suntiang | suntiang sumber]

Komunitas permainan tradisional Kabupaten Bangka Tengah alah malaksanakan patunjuakan “Adu Kerito Surong” di babagai tampek. Permainan Tradisional iko taruih bakambang di babarapo desa nan ado di Kabupaten Bangka Tengah diantaronyo Desa Sungai Selan, Desa Namang, Desa Simpang Katis, jo Kampung Dul. Bahkan dalam pajalanannyo, permainan tradisional Adu Kerito Surong diadu dengan moda transportasi modern Motor Cross. Kombinasi tradisional jo modern iko manjadi atraksi nan mandatanganan minat untuak penonton.

Upaya pawarisan karya budaya Adu Kerito Surong alah dilakukan malalui media lingkungan sekolah. Sarupo nan tajadi di Bangka Tengah, Adu Kerito Surong alah dijadian muatan lokal (Mulok) dalam kurikulum mata ajar. Hal iko mambantu untuak manganalkan generasi mudo sajak bangku sekolah tahadok nilai budaya nan alah dimiliki dek leluhur mereka.[4]

Indak hanyo pado level kabupaten, Adu kerito Surong iko dipatandiangkan pulo pado tingkek Provinsi Kepulauan Bangka Belitung. Bahkan, permainan tradisional Adu Kerito Surong masuak dalam 10 besar patunjuakan budaya favorit dalam Sail Morotai nan diadoan dek Kementerian Pemuda dan Olahraga Republik Indonesia (Kemenpora). Hal iko mambuek Adu Kerito Surong manjadi permainan tradisional nan dipatandingkan dalam kagiatan tahunan Provinsi Bangka Belitung. Kabupaten Bangka Tengah pernah maraiah prestasi sabagai juara ka 5 Adu Kerioto Surong tingkek nasional. Kiniko, permainan Adu Kerito Surong manjadi salah satu ikon olahraga tradisional nan mampromosian Pariwisata di Kabupaten Bangka Tengah.[5][6]

Rujuakan[suntiang | suntiang sumber]

  1. a b Penetapan Adu Kerito Suronghttps://warisanbudaya.kemdikbud.go.id/?newdetail&detailTetap=186 Archived 2023-03-26 di Wayback Machine.
  2. Kearifan Lokal Bangka Belitunghttp://repository.ubb.ac.id/136/2/Laporan%20Penelitian%20Kearifan%20Lokal.pdf
  3. ditindb (2015-12-17). "Adu Kerito Surong". Direktorat Warisan dan Diplomasi Budaya (dalam bahasa Indonesia). Diarsipkan dari versi asli tanggal 2022-12-13. Diakses tanggal 2019-02-19. 
  4. Adu Kerito Surong diusulkan Masuk Mulok Sekolahhttp://bangka.tribunnews.com/2012/05/18/adu-kerito-surong-diusulkan-masuk-mulok-sekolah
  5. "Badan Penghubung Provinsi | Provinsi Kepulauan Bangka Belitung". penghubung.babelprov.go.id. Diarsipkan dari versi asli tanggal 2019-02-19. Diakses tanggal 2019-02-19. 
  6. Nuryadhyn, Agus. "Babel Utus Kerito Surong ke Marotai". Tribunnews.com (dalam bahasa Indonesia). Diakses tanggal 2019-02-21.