Abdul Halim

Dari Wikipedia baso Minang, ensiklopedia bebas
Lompek ka: navigasi, cari
Abdul Halim
Abdul Halim.jpg
Perdana Menteri Indonesia ka-4
Maso jabatan
16 Januari 1950 – 5 September 1950
Presiden Soekarno
Didaului jo Soesanto Tirtoprodjo
Digantian dek Muhammad Natsir
Menteri Pertahanan Republik Indonesia ka-6
Maso jabatan
6 September 1950 – 27 April 1951
Presiden Soekarno
Didaului jo Sri Sultan Hamengkubuwono IX
Digantian dek Sukiman Wirjosandjojo
Data paribadi
Lahia 27 Desember 1911
Bendera Balando Bukittinggi, Sumatera Barat, Hindia Belanda
Wafaik 4 Juli 1987 (umua 75)
Bendera Indonesia Jakarta, Indonesia
Kabangsaan Indonesia
Partai politik Non Partai
Profesi Politikus, Dokter
Agamo Islam

Abdul Halim (ejaan lamo: Abdoel Halim) (lahia di Bukittinggi, Sumatera Barat, 27 Desember 1911 – maningga di Jakarta, 4 Juli 1987 pado umua 75 taun) adolah surang pajuang kamardekaan Indonesia. Sasudah Indonesia mardeka, baliau parnah manjabat sabagai Pardana Mantari Indonesia pado Kabinet Halim (1949) nan mamarentah katiko Republik Indonesia menjadi bagian dari Republik Indonesia Serikat.

Latar balakang jo pandidikan[suntiang | sunting sumber]

Abdul Halim laia dari pasangan Achmad Sutan Iyus jo Darama asa Banuhampu, Agam, Sumatera Barat. Pado umua 7 tahun, Abdullah, sapupu mandenyo nan pado wakatu itu manjadi salah satu pamimpin Bataafsche Petroleum Maatscappij (BPM - kini manjadi Pertamina) mambaonyo ka Jakarta. Di Jakarta baliau manarimo pandidikan sajak di HIS, MULO, AMS B, sampai luluih dari GHS (Geneeskundige Hooge School atau Sakola Kadokteran, kini manjadi Fakultas Kedokteran Universitas Indonesia).

Maso pajuangan 1945-1949[suntiang | sunting sumber]

Sajak Proklamasi 1945 baliau duduak sabagai Wakia Katua BP-KNIP basamo jo Assaat nan manjabat Katua BP-KNIP. Badan Pekerja (BP) nan baanggotakan 28 urang, adolah badan palaksana nan malakuan karajo sahari-hari dari Komite Nasional Indonesia Pusat nan baanggotaan 137 urang.

Pado taun 1948, Halim sato mambantuak Pemerintah Darurat Republik Indonesia (PDRI) di Sumatera Barat. Pado maso revolusi fisik (1945-1949) baliau indak parnah malakuan praktek dokter. Salain sabagai politisi, Halim punya hobi mamaliharo oto kasayangannyo. Sahinggo dek kawan-kawannyo, baliau dijuluki sabagai "dotor oto" alias "montir oto".

Maso RI jo sasudah RIS 1950[suntiang | sunting sumber]

Pado maso Republik Indonesia Serikat, baliau dipacayo sabagai Pardana Mantari, sadangkan Mr. Assaat sabagai acting Presiden. Kamudian sasudah RIS, baliau duduak dalam Kabinet Natsir. Sasudah malapehan jabatan sabagai Menteri Pertahanan (ad interim) di Kabinet Natsir, Abdul Halim manakuni bidangnyo sabagai dotor sarato manjabat direktur Rumah Sakit Cipto Mangunkusumo Jakarta (1951-1961). Abdul Halim tarakhia manjabat sabagai Inspektur Jenderal RSCM dan maningga di Jakarta.

Jauah dari kagiatan politik, Halim nan punyo hobi bamain bola, talibat dalam pambantukan Voetbalbond Indonesische Jakarta (kini Persija) pado taun 1927. Di klub itu baliau manjadi katua salamo babarapo taun. Dari 1951-1955, baliau manjabat sabagai Vice Chairman jo kudian katua Komite Olimpiade Indonesia (KOI). Halim diangkek sabagai ketua Ikada Foundation nan mambangun Stadion Ikada, Jakarta. Pado tahun 1952 baliau mamimpin kontingen Indonesia partamo dalam Olimpiade Helsinki.[1]

Referensi[suntiang | sunting sumber]

Didaului jo:
Mohammad Hatta
Perdana Menteri Indonesia
1950
Digantian dek:
Muhammad Natsir