Utami Roesli

Wikipedia Minangkabau - Lubuak aka tapian ilimu
Utami Roesli
Lahia17 September 1945 (umua 78)
KabangsaanBendera Indonesia Indonesia
Alma mater- Universitas Padjajaran, Bandung
- University of the City of Manila, Manila, Filipina
- Sint Raadbout Hospital, Nijmegen, Belanda
- American Academic Breastfeeding Medicine, Amerika Serikat
KarojoDotor
Dikana dekPanggiat ASI
Urang tuoRoeshan Roesli

dr., Utami Roesli, SpA, IBCLC, FABM (lahia di Semarang, Jawa Tengah, 17 September 1945; umua 78 taun) adolah surang dotor Indonesia. Utami dikana sabagai surang panggiat nan gigiah mampajuangan hak-hak bayi untuak mandapek-an ASI nan baiak. Manuruik Utami bayi indak sapantasnyo diagiah susu formula nan barasa dari susu jawi.[1]

Sabagai surang panggiat jo pajuang ASI, Utami jo babarapo urang tokoh lainnyo mandirian limbago Sentra Laktasi Indonesia (Selasi) sarato manjabat sabagai katuanyo. Disampiang tu Utami bapraktek pulo di Klinik Lakstasi Rumah Sakit St. Carolus Salemba, Jakarta.

Kagigiahan Utami mangampanyean ASI eksklusif sarato maajaan "Inisiasi Menyusui Dini" indak talapeh dari pangalaman paiknyo katiko gagal manyusui 2 urang anaknyo sacaro samparono atau eksklusif iyolah salamo 2 taun.[2]

Latar balakang[suntiang | suntiang sumber]

Utami Roesli nan badarah Minangkabau dari inyiaknyo, sastrawan tanamo Marah Roesli adolah kakak kanduang pulo dari musisi Harry Roesli sarato putri dari Roeshan Roesli, surang parwira tinggi TNI nan pernah manjabat Komandan Puspomad. Dari hasil panikahannyo, Utami dikaruniai 2 urang anak sarato 3 urang cucu.

Pandidikan[suntiang | suntiang sumber]

Pandidikan tambahan

  • Pandidikan neonatologi di Sint Raadbout Hospital, Nijmegen, Balando (1987)
  • Sertifikasi konsultan laktasi dari International Board Certified Lactation Consultant (IBCLC) (2001) dan disertifikasi ulang (2006)
  • Maraiah gala Fellow of Academic Breastfeeding Medicine (FABM) dari American Academic Breastfeeding Medicine (2008)

Pangaragoan[suntiang | suntiang sumber]

  • Tando Kahormatan Satya Lancana Karya 20 taun dari Presiden RI, B.J. Habibie (1999)
  • Tando Pangaragoan Bakti Karya Husada Tri Windu dari Mantari Kasehatan RI, Farid Anfasa Moeloek (1999)
  • Tando Pangaragoan Ksatria Bakti Husada ARUTALA dalam pambangunan nasional di bidang kasehatan dari Mantari Kasehatan RI, Achmad Sujudi (2001)
  • Piagam Pangaragoan ateh paran sarato aktif dalam manyuksesan panyalanggaraan Pakan ASI sa-Dunia taun 2006 dari Mantari Nagaro Pambadayoan Padusi (2006)
  • Tando Pangaragoan sabagai tokoh nan konsisten dalam pangambangan program ASI eksklusif dari IDAI cabang DKI Jakarta (2006)
  • Tando Pangaragoan Wahidin Sudirohusodo ateh jasonyo dalam pangambangan program ASI eksklusif dari IDI (2006)
  • Dilantiak sabagai Duta IDI (2007-2008) [3]

Rujuak-an[suntiang | suntiang sumber]

  1. Dr. Utami Roesli SpA.MBA,IBCLC: Takjub Melihat Bayi Berjuang Menemukan ASI Archived 2014-01-06 di Wayback Machine. WASPADA Online, 15 September 2007. Diakses 6 Mei 2013.
  2. dr Utami Roesli, Pejuang ASI nan Pernah Gagal Menyusui detikHealth, 15 Agustus 2011. Diakses 6 Mei 2013.
  3. CV. Dr. Utami Roesli Scribd. Diakses 6 Mei 2013.