Taher Marah Soetan

Taher Marah Soetan
Kabangsaan	Indonesia
Karojo	Panggiat, pangusaho
Anak	Tarmizi Taher

Taher Marah Soetan adolah surang wirausahawan sarato aktivis parintis kamardekaan Indonesia dari Padang, Sumatera Barat pado maso panjajahan Balando. Pado taun 1914, Taher basamo jo para saudagar lainnyo di kota Padang mandirian organisasi Sarikaik Usaho nan batujuan pado khusuihnyo malinduangi para saudagar pribumi di Sumatera Barat dari dominasi para padagang Balando jo Tionghoa sarato pado umumnyo malakuan babagai macam garakan sosial jo politik dalam karangko anti-panjajahan. Taher Marah Soetan baparan sabagai panguruih sarato sekretaris pado Sarikaik Usaho nan didirian tu sarato mamimpinnyo sampai taun 1940 disampiang profesinyo sabagai agen palayaran di palabuahan kota Padang. Taher cuma manampuah pandidikan sampai kelas limo sakola dasar, namun inyo dikana sabagai surang nan idealis sarato pakarajo kareh nan punyo paratian nan gadang pado pancerdasan jo kamajuan bangso.

Ayah dari mantan Mantari Agamo Indonesia, Alm. Tarmizi Taher ko marupoan salah surang diantaro babarapo tokoh senior lainnyo nan dikagumi dek tokoh proklamator kemerdekaan Republik Indonesia sarato mantan wakil presiden Indonesia nan partamo, Mohammad Hatta.