Rama Pratama

Wikipedia Minangkabau - Lubuak aka tapian ilimu
Rama Pratama
Berkas:RAMA-DAELEM.jpg
Lahia17 Nopember 1974 (umua 49)
KabangsaanBendera Indonesia Indonesia
Alma materUniversitas Indonesia
KarojoPolitisi
Dikana dekPanggiat reformasi '98
PasanganAlin Halimatussadiyah
AnakMuhammad Alaudin Zufar
Muhammad Rahman Fadhil

Rama Pratama (lahia di Jakarta, 17 November 1974; umua 49 taun) adolah surang panggiat mahasiswa pado maso reformasi '98 nan kudian manjadi anggota Dewan Pawakilan Rakyat pariode 2004-2009 dari PKS. Rama dilaian sabagai anak partamo dari duo basudaro.

Mamulai kiprahnyo katiko manjadi Katua Senat Mahasiswa Universitas Indonesia (SM UI) pariode 1997—1998. Basamo kawan-kawannyo dari SM UI sarato perguruan tinggi nan lain Rama bagabuang dalam Forum Komunikasi Senat Mahasiswa sa-Jakarta (FKSMJ) lalu manuntuik reformasi jo tuntutan mamintak mundur Presiden RI katiko itu, Soeharto. Indak heran kudian Rama manjadi salah surang panggiat garakan mahasiswa nan di balakangnyo takaik jo partai politik zaman orde lamo (Partai Sosialis Indonesia) nan mancuat pado taun 1998. Pamikiran-pamikiran sarato ide-ide Rama tantang tabantuaknyo sabuah masyarakaik sosialis cukuik cemerlang sahingga Rama-pun dilirik dek PKS.

Bakarajo jo masuak partai[suntiang | suntiang sumber]

Sasudah maninggaan status kamahasiswaan, Rama sempat manjadi auditor di Kantua Akuntan Publik Ernst & Young (1999—2001). Kudian mandirian kantua konsultan bisnis, MBS Consulting, basamo jo babarapo kawannyo pado taun 2001. Rama malapehan statusnyo sabagai partner di MBS Consulting sasudah tapiliah manjadi anggota DPR RI malalui Partai Keadilan Sejahtera (PKS) dari daerah pamilihan DKI Jakarta I. Pilihan iko dilakuan karano niaik nio sato mambari kontribusi malakuan parubahan dari dalam parlemen supayo arah reformasi indak malenceng sarato aspirasi rakyaik taapresiasi.

Di DPR RI, Rama Pratama manjadi anggota Fraksi PKS nan batugeh di Komisi XI (Kauangan Negara, Parancanaan Pambangunan jo Parbankan) sarato Panitia Anggaran.

Kagiatan kapamudaan[suntiang | suntiang sumber]

Salain kagiatan di DPR, Rama Pratama kini mangatuai organisasi kapamudaan, Garakan Pasaudaraan Pamuda Kaadilan, nan marupoan organisasi pamuda underbow PKS, Katua DPP KNPI Bidang Hukum jo HAM pariode 2005—2008, Wakil Sekjen International Islamic Federation of Student & Youth Organization (IIFSO) pariode 2006—2009. Rama-pun manjadi Wakil Katua Ikatan Lulusan Universitas Indonesia (ILUNI) FEUI untuak pariode kapangurusan 2003—2006.

Kini Rama tingga di rumah dinasnyo di Komplek DPR RI, Kalibata basamo bininyo Alin Halimatussadiyah, lulusan Program Pasca Sarjana Ilmu Ekonomi FEUI, sarato kaduo anaknyo Muhammad Alaudin Zufar (5 taun) jo Muhammad Rahman Fadhil (2 taun)[1].

Rujuak-an[suntiang | suntiang sumber]