Pius Lustrilanang

Pius Lustrilanang
Lahia	10 Oktober 1968 Palembang, Sumatera Selatan
Kabangsaan	Indonesia
Karojo	Panggiat, politisi

Pius Lustrilanang (lahia di Palembang, Sumatera Selatan, 10 Oktober 1968; umua 55 taun) adolah surang panggiat sarato politisi Indonesia. Namo Pius sempat populer pado akhia taun 90an, katiko Pius malapor ka Komnas HAM tantang panculikan sarato panyakapan nan dialaminyo salamo 2 bulan, nan dilakuan dek urang-urang indak dikenal. Maso tu adolah sasaat sabalun kajatuahan Presiden Soeharto, nan diwarnai jo kagaduahan politik sarato kaamanan. Banyak tajadi paristiwa panculikan jo kasus urang ilang. Sabagai surang panggiat, Pius giat sabagai Sekretaris Jenderal Solidaritas Indonesia untuak Amien jo Mega (SIAGA). Baitu karehnya takanan nan dialaminyo, sahinggo Pius pai ka Balando untuak mahindari taulangnyo kajadian buruak manimponyo baliak.

Kaluarga jo pandidikan

Pius Lustrilanang barasa dari kaluarga intelektual nan bukan panggiat. Ayahnyo nan badarah Minangkabau, Djamilus Zainuddin, adolah surang Profesor nan jadi Guru Basa di Fakultas Teknik Kimia, Universitas Sriwijaya Palembang, sadangkan ibunyo, Fransiska Sri Haryatni adolah surang padusi badarah Jawa.

Pius pernah manampuah pandidikan di Kolese de Britto, Universitas Katolik Parahyangan jo Universitas Indonesia.

Karier

Pandidikan nan Pius jalani pado jurusan Fisipol Universitas Katolik Parahyangan baperan pulo dalam mandorongnyo bakarier di dunia politik. Dari surang panggiat, Pius akhianyo tajun ka politik lalu masuak ka partai Gerindra. Pado pemilu taun 2009 Pius bahasil mandapek-an suaro nan cukuik untuak maantaannyo duduak di kurisi DPR RI sabagai wakil rakyaik nan lah mamiliahnyo untuak pariode taun 2009-2014. Jabatan lain nan dipaciknyo adolah CEO dari PT Brigass Trilanang Security.

Pautan lua

• Profil Pius Lustrilanang merdeka.com, Diakses 6 Mei 2013.