Nurdin B.S.
Nurdin B.S. | |
|---|---|
| Lahia | 10 Oktober 1915 |
| Maningga | 14 Juni 1987 (umua 71) |
| Kabangsaan |  Indonesia |
| Alma mater | - INS Kayutanam, Sumatera Barat - STICUSA (Stichting voor Cultuur Samenwerking) Amsterdam, Balando |
| Karojo | Palukih |
Nurdin B.S. (lahia di Padang, Sumatera Barat, 10 Oktober 1915 – maningga di Jakarta, 14 Juni 1987 pado umua 71 taun) adolah surang parupo Indonesia nan baprofesi sabagai palukih baaliran naturalisme.[1]
Riwayaik[suntiang | suntiang sumber]
Pandidikan[suntiang | suntiang sumber]
Nurdin laia di Padang, Sumatera Barat, pado 10 Oktober 1915. Nurdin manampuah pandidikan di INS (Indonesia Nationale School) Kayutanam, dan bahasil manamaikannyo pado taun 1937. Di INS Kayutanam nan dipimpin dek Muhammad Sjafei tu, Nurdin partamo kali baraja malukih pado Wakidi nan kudian dikenal sabagai palukih naturalis takamuko di Indonesia.
Nurdin baru giat malukih pado taun 1950, lalu pado taun 1953 Nurdin mandapek undangan dari STICUSA (Stichting voor Cultuur Samenwerking) untuak labiah mandalami seni lukih salamo duo taun di Amsterdam, Balando. Disinan Nurdin baraja malukih ka C. Ezeldijk Jeroel Voskuil.
Karier[suntiang | suntiang sumber]
Nurdin alah maadoan pameran di banyak kota di dalam sarato di lua nagari, baiak pameran basamo maupun pameran tungga. Pameran basamo jo palukih lainnyo diadoan di Palembang, Sumatera Selatan, pado taun 1952. Sadangkan pameran tungga partamo dilaksanaan di Balai Budaya Jakarta pado taun 1957, sarato pameran tungga tarakhianyo di tampek nan samo pado taun 1986.
Sapanjang kariernyo sabagai palukih, Nurdin alah maadoan pameran di Palembang, Surabaya, Jakarta, sarato di barbagai kota di babarapo negara, antaro lain di Amerika Serikat, Inggris, India, Filipina dan Japang. Lukisan naturalis Nurdin nan salalu manampilkan babagai suduik alam alah dikoleksi dek babagai pihak, diantaronyo dek mantan Wakil Presiden Indonesia, Adam Malik (alm.)
Nurdin sempat pulo manjadi parancang motif tekstil pado Ratatex, sabuah pabrik industri tekstil gadang nan balokasi di Surabaya, Jawa Timur. Pado taun 1967, Nurdin manarimo Penghargaan Seni dari Pamarentah Daerah Jawa Timur. Nurdin maningga dunia pado 14 Juni 1987 di Jakarta pado umua 71 taun.
Rujuakan[suntiang | suntiang sumber]
- ↑ "Nurdin B.S." Seniman Senirupa; Pelukis. Situs Taman Ismail Marzuki. Diarsipkan dari versi asli tanggal 2013-12-28. Diakses tanggal 28 Desember 2013.
Pautan lua[suntiang | suntiang sumber]
- Mikke Susanto. "Nurdin B.S." Visual Artist. Jogjanews.com. Diarsipkan dari versi asli tanggal 2013-12-28. Diakses tanggal 28 Desember 2013.