Mohammad Natsir

Dari Wikipedia baso Minang, ensiklopedia bebas
Lompek ka: navigasi, cari
Mohammad Natsir
Mohammad Natsir1.jpg
Pardano Mantari Indonesia ka-5
Maso jabatan
5 September 1950 – 26 April 1951
Presiden Soekarno
Didaului jo Abdoel Halim
Digantian dek Sukiman Wirjosandjojo
Mantari Komunikasi jo Informatika Republik Indonesia ka-2
Maso jabatan
12 Maret 1946 – 26 Juni 1947
Presiden Soekarno
Didaului jo Amir Sjarifuddin
Digantian dek Setiadi
Maso jabatan
29 Januari 1948 – 4 Agustus 1949
Presiden Soekarno
Didaului jo Sjahbudin Latif
Digantian dek Syafruddin Prawiranegara
Data paribadi
Lahia 17 Juli 1908
Bendera Balando Alahan Panjang, Lembah Gumanti, Solok, Sumatera Barat, Hindia Belanda
Wafaik 6 Februari 1993 (umua 84)
Bendera Indonesia Jakarta, Indonesia
Kabangsaan Indonesia
Partai politik Masyumi
Profesi Politikus

Mohammad Natsir (lahia di Alahan Panjang, Solok, Sumatera Barat, 17 Juli 1908 – maningga di Jakarta, 6 Februari 1993 pado umua 84 taun) adolah surang pajuang kamardekaan Indonesia, tokoh Islam sarato politisi tanamo Indonesia. Natsir pun marupoan pardana mantari Indonesia nan kalimo. Baliau pernah pula dipacayo manjadi Presiden Liga Muslim sa-Dunia.

Natsir mulai mampalajari ajaran Islam nan mandalam sasudah pindah dari tampaik kalahiarannyo di Solok, Sumatera Barat ka Banduang untuk basikola di sinan. Tulisan-tulisannyo mulai ditabik-an sajak 1929, dan pado maso 1930-an baliau manulih babarapo makalah nan batema Islami.

Baliau masuak dunia politik pado patangahan 1930-an, paranannyo taruih batambah maningkek diantaro partai-partai Islam. Pado 5 September 1950, baliau tapiliah manjadi pardana mantari, dan jabatan tu dipaciknyo sampai 26 April 1951. Salapeh indak manjabaik lai, baliau acok bana mausaoan paningkatan paran Islam jo otonomi daerah di Indonesia.

Natsir adolah pamimpin partai Masyumi nan legendaris. Dibawah kapamimpinan baliau, Masyumi bisa mahimpun sabagian gadang partai-partai nan baideologi Islam dibawah ciek payuang, sahinggo bisa mandapek-an suaro nan banyak dalam pemilu 1955.

Natsir banyak manulih tantang Islam, mancapai total 45 buku jo baratuih-ratuih artikel. baliau mamandang Islam adolah bagian hakiki dari budayo Indonesia dan maraso kacewa taadok caro pamarentahan Soekarno jo Soeharto manangani agamo. Baliau mandapek tigo gala doktorat samaso iduiknyo, ciek dari Lebanon dan duo lai dari Malaysia.

Natsir nan mandukuang garakan PRRI lalu dipanjaro sajak taun 1962 dek pamarentahan Soekarno karano dituduah nak mambarontak. Baliau dilapehan taun 1966 sasudah Orde Baru bakuaso, tapi baliau taruih sajo basikap kritis taadok pamarentah, nan akianyo mambuek baliau dilarang pai ka lua nagari.

Pado 10 November 2008, dibawah pamarentahan Soesilo Bambang Yudhoyono, Natsir diangkek manjadi salah surang Pahlawan Nasional Indonesia, sasudah bapuluah-puluah taun salamo orde lamo jo orde baru baliau dipandang sabagai pambarontak.

Bacaan lanjuik[suntiang | suntiang sumber]

Pautan lua[suntiang | suntiang sumber]

Didaului jo:
Abdul Halim
Perdana Menteri Indonesia
1950—1951
Digantian dek:
Sukiman Wirjosandjojo
Didaului jo:
Amir Sjarifuddin
Menteri Penerangan
1946—1947
Digantian dek:
Setiadi
Didaului jo:
Sjahbudin Latif
Menteri Penerangan
1948—1949
Digantian dek:
Sjafruddin Prawiranegara