Lasuang

Wikipedia Minangkabau - Lubuak aka tapian ilimu
Minangkabau
Lasuang Panumbuak Padi

Lasuang (atau lesung) iolah alaik untuak manumbuak padi katiko zaman daulu. Dalam satiok kajadian budayo nan ado di dalam carito rakyaik banyak ditamuan kagiatan masyarakaik nan bahubungan jo lasuang atau lesung ko. Satiok kagiatan itun salalu ado carito-carito nan manarik. Hal iko marupokan ciri khas nan babeda di masyarakaik agraris atau masyarakaik nan karajo ka sawah.

Pado maso dulunyo, lasuang mampunyoi konteks manumbuak padi di lasuang. Untuk mangenang maso dulu tu, lasuang marupokan ciek dari banyak tampek untuak bamain jo sasamo, lasuang dijadian lo untuak tampek mandapekan pangalaman iduik di maso nan ka tibo. Saurang amak indak hanyo maagiah an nasihaik katiko ado di rumah sajo, tapi anak dapek juo mandapekan patuah-patuah ko katiko ado di lokasi lasuang. Lasuang banyak digunoan masyarakaik jo proses panggulungannyo nan tarutamo sabalum tau babagai caro manggunoan lasuang.

Di Minangkabau lasuang pamerintahan nagari-nagari iolah nan tabuek dari kayu tu ado lo nan tabuek dari batu. Adapun lasuang nan tabuek dari kayu, urang dulu manamoannyo antan/alu. Mangenai lasuang ko, sabananyo lasuang indak hanyo untuak manumbuak padi manjadi bareh, namun dapek juo dijadian untuak manumbuak bareh manjadi tapuang. Tapuang nan dihasilkan malalui tumbuak an lasuang akan babeda jo nan ditumbuak malalui masin. Sahinggo, hasil olahan makanan pun babeda rasonyo. Tantu labiah lamak dan taraso ciri khas tapuang nan ditumbuak malalui lasuang.

Dapek diambiak salah ciek contoh di Kanagarian Padang Tarok, Kecamatan Baso, Kabupaten Agam, ado ciek rumah tanggo nan mamproduksi pinyaram, nan sampai kini masih manggunoan lasuang untuang manumbuak bareh.

Pranala luar[suntiang | suntiang sumber]