Chalid Salim
 | Artikel ko mambutuahan labiah banyak catatan kaki untuak pamastian. Silakan bantu mampaeloki artikel ko jo manambahan catatan kaki dari sumber nan tapicayo. |
Chalid Salim | |
|---|---|
 Chalid Salim dan saudara, diantaranya Agus Salim, dan Sjahzan, adik Sutan Sjahrir di Amsterdam, Belanda (1953). | |
| Lahia | 1902 |
| Maningga | 1985 |
| Kabangsaan |  Indonesia |
| Karojo | Wartawan |
| Dikana dek | Tokoh Kominih Pajuang kamardekaan |
| Urang tuo | Sutan Muhammad Salim |
Chalid Salim (lahia taun 1902) adolah surang wartawan sarato tokoh pagarakan kamardekaan Indonesia bahaluan kida (Kominih). Chalid nan banamo lahia Abdul Chalid Salim adolah putra Sutan Muhammad Salim, surang jaksa dari Koto Gadang, Agam, Sumatera Barat. Baliau adiak dari Pahlawan nasional Indonesia, Haji Agus Salim. Panah ditangkok dan dimasuakan ka pinjaro Digul dan diasiangan ka Australia, kudian pai ka Balando, nikah jo manatap di kota Amsterdam inggo akia iduiknyo. Di maso gaeknyo di Balando, inyo masuak agamo Karisten jo manuka namonyo manjadi Ignatius Franciscus Michael Salim.
Kahidupan[suntiang | suntiang sumber]
Sasudah maninggaan bangku sakola MULO (1923) di Weltevreden, Chalid Salim pai bakarajo ka Lumajang. Sasudah itu baliau maikuti saudaronyo Jacob Salim di Pontianak. Di siko baliau bakarajo di kantua advokat sarato giat manulih di mingguan Halilintar Hindia, nan marupoan corong aspirasi PKI. Kudian baliau pindah ka Medan, lalu bakarajo sabagai redaktur Pewarta Deli. Tulisannyo banyak mangecam kabijakan pamarentah Hindia-Balando, misalnyo poenale sanctie, sahinggo kedoknyo sabagai panggiat kominih tabongka. Chalid ditangkok Balando dan dipanjaro salamo sataun di Medan, sabalun akhianyo dibuang ka Boven Digul. Baliau mandakam di Digul salamo 15 taun (1928-1943), baliau salah surang tahanan politik nan paliang lamo mandakam di kamp tu.[1]
Kutiko Japang datang ka Indonesia, baliau jo para tahanan Digul lainnyo dibao Balando ka Australia. Di nagarako tajadilah hal nan aneh, dima baliau nan daulu iyo bana manantang Balando, kudian manjadi propangandis Netherlands Indies Government Information Services (NIGIS) di Melbourne. Taun 1946, baliau pai ka Balando, lalu nikah jo manatap di kota Amsterdam inggo akia iduiknyo. Di maso gaeknyo di Balando, inyo masuak agamo Karisten jo manuka namonyo manjadi Ignatius Franciscus Michael Salim (I.F.M. Salim), sabagaimano nan tatulih di otobiografinyo.
Karya[suntiang | suntiang sumber]
- Vijftien Jaar Boven-Digoel Concentratiekamp op Nieuw-Guinea Bakermat van de Indonesische Onafhankelijkheid. Ditajamahan manjadi "Lima Belas Tahun Digul, Kamp Konsentrasi di Nieuw Guinea, Tempat Persemaian Kemerdekaan Indonesia" (1977)
Catatan kaki[suntiang | suntiang sumber]
- ↑ Yunus Yahya, Peranakan idealis: dari Lie Eng Hok sampai Teguh Karya, KPG, 2002
Rujuak-an[suntiang | suntiang sumber]
- Haji Agus Salim, Di Jalan ka Digul, Fadjar Asia, 3 Agustus 1928
- Azizah Etek, Mursyid A. M., Arfan B; Kelah Sang Demang Jahja Datoek Kajo: Pidato Otokritik di Volkstraad, 1927-1939; LKiS, 2008
- Majalah Tempo, Kisah dari Siberia Hijau, 24 Oktober 1981