Alam Malayu

Dari Wikipedia baso Minang, ensiklopedia bebas
Lompek ka: navigasi, cari

Alam Malayu (Jawi: عالم ملايو) atau Dunia Malayu (Jawi: دونيا ملايو), adolah suatu konsep nan punyo banyak arti, bagantuang pado konteksnyo.

Sacaro bahaso, dapek marujuak kapado nagara atau wilayah nan babahaso Malayu di Asia Tenggara, sarupo Malaysia, Indonesia, Brunei, Singapura, jo Thailand salatan.

Ditinjau dari konteks geo-politik, istilah ko lah dipagunoan dek rami urang jo dianggap samo sajo jo konsep Nusantara atau Kapulauan Malayu.[1] Bahkan ado nan maanggap labiah laweh lai yaitu sabagai suatu wilayah atau tanah aia dari urang-urang Austronesia nan tabantang "dari Pulau Paskah di timua ka Madagaskar di baraik".[2] Namun, definisi nan labiah laweh dari Alam Malayu ko kontroversial dan dikaritik dek karano tarutamo diambiak dari konsep ras Malayu nan kini lah kadaluarsa (anakronistik).

Kok manuruik arti budaya, Alam Malayu labiah tapek mangacu pado tanah aia dari etnis Malayu, nan sacaro historis diparentah dek babagai kasultanan Malayu di wilayah maritim Asia Tenggara. Wilayah ko tamasuak Samananjuang Malayu, pasisia-pasisia Sumatera jo Kalimantan, sarato pulau-pulau ketek nan talatak di antaro daerah-daerah tu.[2][3][4]

Rujuakan[suntiang | suntiang sumber]

  1. ^ Amin Sweeney (2011). Pucuk Gunung Es : Kelisanan dan Keberaksaraan Dalam Kebudayaan Melayu-Indonesia. Jakarta: Kepustakaan Populer Gramedia (KPG). p. 295. ISBN 978-979-9-10365-9. 
  2. ^ a b Farrer, D. S. (2009). Shadows of the Prophet: Martial Arts and Sufi Mysticism. Springer. p. 26. ISBN 978-1-4020-9355-5. 
  3. ^ Milner, Anthony (2010). The Malays (The Peoples of South-East Asia and the Pacific). Wiley-Blackwell. p. 42. ISBN 978-1-4443-3903-1. 
  4. ^ Benjamin, Geoffrey (2002). Tribal Communities in the Malay World: Historical, Cultural and Social Perspectives. Institute of Southeast Asian Studies. p. 7. ISBN 978-981-230-166-6.