Ahmad Syafii Maarif

Dari Wikipedia baso Minang, ensiklopedia bebas
Lompek ka: navigasi, cari
Ahmad Syafi'i Ma'arif
Berkas:Ahmad Syafii Maarif.jpg
Katua Umum PP Muhammadiyah ka-13
Maso jabatan
2000–2005
Didaului jo Prof. Dr. H. Amien Rais
Digantian dek Prof. Dr. H. Din Syamsuddin
Data paribadi
Lahia 31 Mei 1935
Bendera Balando Sumpurkudus, Sijunjuang, Hindia Balando
Pasangan hiduik Hj. Nurchalifah
Alma mater - Universitas Chicago, Amerika Serikat
- Universitas Negeri Yogyakarta
Karajo Pandidik, ulama
Agamo Islam

Prof. Dr. H. Ahmad Syafii Maarif (lahia di Sumpurkudus, Sijunjung, Sumatera Barat, 31 Mei 1935; umua 78 taun) adolah surang ulama, ilmuwan sarato pandidik Indonesia. Baliau pernah manjabat Katua Umum Panguruih Pusek Muhammadiyah, Presiden World Conference on Religion for Peace (WCRP). Baliau adolah pandiri Maarif Institute sarato dikana pulo sabagai surang tokoh nan mampunyoi komitmen kabangsaan nan tinggi.[1] Sikapnyo nan plural, kritis, sarato basahajo mamposisiannyo sabagai "Bapak Bangso". Baliau indak sagan-sagan mangkritik sabuah kakaliruan, meskipun nan dikritik tu adolah kawannyo sandiri.

Kahidupan[suntiang | sunting sumber]

Kahidupan awal[suntiang | sunting sumber]

Ahmad Syafii Maarif laia di Minangkabau, Sumatera pado 31 Mei 1935.[2] Baliau basudaro 15 urang nan saayah tapi indak saibu.[3] Ayahnyo, Ma'rifah Rauf adolah surang saudagar gambia nan balakangan diangkek sabagai kapalo suku Malayu.[4] Namun, katiko baliau baumua satu satangah taun, ibunyo, Fathiyah maningga sahinggo baliau kudian dititip-an dek ayahnyo ka rumah eteknyo nan banamo Bainah.[4][lower-alpha 1]

Pado taun 1942, baliau dimasuak-an ka Sakola Rakyat di Sumpur Kudus.[2] Sapulang sakola, Pi'i, panggilan akrabnyo samaso ketek,[5] baraja agamo ka sabuah Madrasah Ibtidaiyah Muhammadiyah pado sore hari sadangkan malamnyo baraja mangaji di surau nan barado di sakitar tampek tingganyo, sarupo umumnyo anak laki-laki di Minangkabau pado maso itu.[4] Pandidikannyo di Sakola Rakyat, nan harusnyo ditampuah salamo anam tahun, dapek baliau salasaian salamo limo taun.

Baliau tamaik dari Sakola Rakyat pado taun 1947, tapi indak mandapek-an ijazah karano pado maso itu tajadi parang revolusi kamardekaan.[6] Namun, sasudah tamaik, karano baban ekonomi nan ditangguang ayahnyo, baliau indak dapek manaruihan sakolanyo salamo babarapo taun.[2] Baru pado taun 1950, baliau masuak ka Madrasah Muallimin di Balai Tangah, Lintau lalu baraja di sakola nan didirian dek Muhammadiyah tu sampai duduak di bangku kelas tigo.[3]

Karya tulih[suntiang | sunting sumber]

  • Mengapa Vietnam Jatuh Seluruhnya ke Tangan Komunis, Yayasan FKIS-IKIP, Yogyakarta, 1975
  • Dinamika Islam, Shalahuddin Press, 1984
  • Islam, Mengapa Tidak?, Shalahuddin Press, 1984
  • Percik-percik Pemikiran Iqbal, Shalahuddin Press, 1984
  • Islam dan Masalah Kenegaraan, LP3ES, 1985

Katarangan[suntiang | sunting sumber]

  1. ^ Ayahnyo pernah babarapo kali manikah, samantaro ibunyo, Fathiyah adolah bini katigo ayahnyo; dari bini sabalunnyo ayahnyo indak dikaruniai katurunan. Sataun sasudah ibunyo maningga, ayahny manikah baliak jo duo urang padusi, yaitu Maran jo Lamsiah.[3]

Rujuak-an[suntiang | sunting sumber]

Catatan kaki
  1. ^ Situs Resmi Maarif Institute
  2. ^ a b c Maarif 2006, hlm. 1–30.
  3. ^ a b c Maarif 2006, hlm. 71–80.
  4. ^ a b c Maarif 2006, hlm. 31–70.
  5. ^ Maarif 2006, hlm. 101–110.
  6. ^ Maarif 2006, hlm. 81–100.
Daftar pustaka

Pautan lua[suntiang | sunting sumber]

Didaului jo:
Amien Rais
Ketua Umum Muhammadiyah
2000—2005
Digantian dek:
Din Syamsuddin